Posted 20080901 

بلوچ نیشنل مومنٹ کا مرکزی اعلامیہ

گرانڈانی کے  مسئلہ پر

کراچی ( پ ر ) گوادر میں چھاﺅنی کے لیے پاکستانی فوج کی طرف سے قبضہ کی گئی گرانڈانی کی زمین کا مسئلہ محض چند مقامی زمینداروں کا نہیں بلوچ قومی معاملہ ہے۔یہی وہ عمل ہے جس کے خلاف بلوچوںنے مزاحمت کاآغا زکیا تھا۔محض چند مقامی دلالوں کو خریدنے سے بات ختم نہیں ہوگی اس قبضہ گیری کے خلاف ہر پلیٹ فار م پر آواز اٹھائیں گے۔مقامی لوگ خوفزدہ اورپنجاپی کاسہ لیسوں کے بہکاﺅے کا شکار ہونے کی بجائے مادر وطن کے تحفظ کے لیے ڈٹے رہیں ۔بلوچ روایت کی پاسداری میں ہر ممکن کمک کے لیے تیار ہیں ۔ان خیالات کااظہار بلوچ نیشنل مومنٹ کے صدر غلام محمد نے گرانڈانی کی زمین پر چھاﺅنی کی تعمیر کے لیے پاکستانی فوج کے قبضے کے خلاف ردعمل ظاہر کرتے ہوئے کیا ۔انہوںنے کہاکہ پاکستان کی پنجاپی فوج بلوچستان کو لاوارث سمجھ کر بلوچ ملکیت پر قبضہ جمارہی ہے گرانڈانی میں نہ صرف زمین پر قبضہ کیا گیاہے بلکہ گاﺅں کو بھی محاصر ے میںلیا گیاہے جس کی وجہ سے عورتیں اپنی جھونپڑیوں میں محصور ہوکر رہ گئی ہیں ساتھ ہی بچوں کواسکول اور بیماروں کو ڈسپنسری سے نکال کرا ن پر بھی قبضہ جمایا گیاہے۔ یہ اس بات کی واضح دلیل ہے کہ بلوچستان کی حیثیت ایک مقبوضہ علاقے کی ہے جہاں فوج کے بغیر پاکستانی سر کار ایک سیکنڈ کے لیے بھی اپنی رٹ قائم نہیں رکھ سکتی اس لیے بلوچوں کو بلوچستان سے مستقل طور پر بے دخل کرنے اور پنجابیوں کی آبادکاری کی راہ ہموار کرنے کی خاطر بلوچستان کے چھپے چھپے پر فوجی چھاﺅنیاں تعمیر کی جارہی ہیں ۔انہوںنے گراندانی کے رہائشیوں کے نام اپنے پیغام میں کہاکہ وہ یہ نہ سمجھیں کہ گرانڈانی کی زمین پر چھاﺅنی کی تعمیر سے صرف ان کے لیے مسائل پید اہوں گے کیوں کہ یہ ایک گاﺅں سے نہیں بلکہ پورے بلوچستان سے بلوچ قوم کی بے دخلی کا منصو بہ ہے اس لیے اس پر گرانڈانی کے زمینداروں کو تنہا فیصلہ لینے کی بجائے قومی مفادات کومد نظر رکھ کر چھاﺅنی کی تعمیر کی کھل کر مخالفت کرنی چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گوادر ( پ ر ) بلوچ نیشنل مومنٹ کے مرکزی اعلامیہ کے مطابق پارٹی کا کابینہ اجلاس 5ستمبر کوکوئٹہ میں طلب کیا گیاہے جس میں سانحہ تربت ، لاپتہ کارکنان اور فورسز کی بڑھتی ہوئی جارحیت کے خلاف حکمت عملی وضع کی جائے گی ۔تمام عہدیداران کو  ستمبرتک کوئٹہ پہنچنے کی تاکید کی گئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔