آزات ءُ آباد بات گنجيــں بلوچستــان

آزات ءُ آباد بات گنجيــں بلوچستــان

2020-03-23 08:28:37
Share on

ڈُنگیں مُلا ھامنہ ای ءِ بادشاھی دورھلاس بیگ انت ءُ ایردستیں راجاں پہ  آزاتی ءُ وتی راجی ھکّاں سریں بستگ ءُ اوشتاتگ اَنت۰ اگاں چے مافیایی سپاہ پاسداران ءِ ناشریں سروک، شاہ ءِ چُک بزاں رضا پھلوی، مجاھدین خلق ءُ دگہ ایران پرستیں سیاسی واک گوں سیت پرستیں انگریزانی چیروکایی کمکءَ چن ءُ لانچ انت تاں پہ پارس ءِ بالادستی ءِ دراج کش کنگ ءَ یک مرکزی آلترناتیوے اڈ بکننت بلئے دلجم اوں کہ آیوکیں دور ایردستیں راجانی دور انت۰

اے پہ  بلوچ، عرب، تورک، کورد ءُ ترکمن یک کم دروریں دورے ایت۰ ھونوار ءُ ڈنگ ءُ زوراکیں درآمدانی ھلاپ ءَ “ھساب کتاب” ءِ دورءُ باریگ نزّیک بیگ اِنت۰ اے پہ لُر ءُ گیلکی مھلوک ءَ ھم یک جوانیں موھے ایت۰  اداں نبیسگی انت کہ منی مکسد بیرگری نہنت۰ 

ھر بلوچے ءِ راجی ءُ انسانی اگدہ انت کہ پہ ناشریں درآمدانی پروش ءَ جہد بکنت۰ آرام نندگ ءُ چارگ ڈیہ ءُ راج ءِ بربادی انت۰ آیوکیں دَور پہ بلوچستان ءُ  راجی وجود ءُ  بلوچی پجّارءَ  جَہ جنگ ءِ  دور ءُ باریگ انت۰  بلـوچ راج ءِ جد ءُ جھد پہ  ڈیہ ءُ ملک ءِ آزات کنگ ءُ وتی وجـودءُ پجّار ءُ پدریچانی رکّینگ ءَ تپاکی ءُ همکوپگی پکارانت۰ مئی ناتپاکی دژمن ءِ واھگ ءُ سوب اِنت۰ ناتپاکی  راج ءُ راجی جنزءَ نزورکنت۰

ما بلوچان ءَ شَرّ زانگی انت که ایردستی، بے تـواری، کرمه گوشی ءُ ڈیہ ءِ بربادی ءِ سیل چارگ مئے بیگواهـی اِنت۰ دگه  راهے پَشت نه کپتگ ما را تپاک بیگی انت تاں وتی بُن پیـرکی ڈیه ءَ چه لدیگانی ایردستیءَ آزات بکنیـن ءُ وتی پدریچاں چه پارسیانی گلامیءَ به رکّینیـں۰ 

دلگوش گور کنگی انت که په ملک ءِ پچ گرگ ءَ شریں دورے آتکگ ۰ اگاں مروچی هوری ءَ چِست مه بئیں ءُ جهد مه کنیں بوت کنت که باندات باز دیر به بیت۰  اگاں ما هنوں  وت ماں وتی ءُ دگه اڑ ءُ جنجالاں مه شموشین ءُ په ملک ءُ راج ءِ هاترا تپاک مه بئیں دلجم اوں که بانداتءِ پشومانی بے نپ ءُ سیت اِنت۰

اے راه ءَ هروڑیں جـد ءُ جهـد په ما جائزانت۰ په هر بلوچے  واجب انت که په ملک ءُ راجءِ رکّینگ ءَ وتی کوشست ءَ بکنت اگاں ناں آینده ءُ راجءِ پدریچاں ما را میاریگ کننت ءُ هچ کَس ءَ پهـل نه کننت۰

اداں چنت  بُن گپءَ  دیما آرگ لوٹاں;  

ملکءِ بیداریں سیاسی مردم بزاں ھما کہ درآمد دوست ءُ ایران پرست  نہنت ءُ وتی راجی پجّاراِش نہ شموشتگ وتی گام گیج  تیزترکنگی ءُ دیما آیگی انت۰
* پہ بلوچ پدریچانی آزات کنگ ءُ آسراتی ءُ پہ راج ءُ ملک ءِ ھاترا دوارسوچیں اڑ ءُ جنجالاں یک کِر ایربکنین۰  سُھل ءُ براتی پہ ملک ءُ راج ءِ سیت انت۰ ھچ بر مہ شموشیں کہ بلوچانی وت ماں وتی جنگ ءُ جیڑہ درآمدانی انسان دژمنیں پندلے ایت۰
* درملک ءِ جاھمنندیں بلوچ تپاک تر بوت کننت۰  اگاں ھر کس چہ وتی فیس بوکی کُڈک ءَ چنت دمان ءَ در بئیت ءُ گیشتر گوں یکدگرا دیوان ءُ دیم پہ دیمی گپ ءُ تران بکننت پہ راجی جھدا بلاھیں کمکے بوت کنت۰ ماں چشیں جاورءَ  گھتراِنت کہ بے سیتیں جنجالاں ماں مجازی دنیاے ءَ اَنگاربکنیں (یلہ بدئیں) ۰
* گوں ھنوگیں بلوچ دژمنیں ھکومت ءِ چپّیگ بیگ ءَ  بلوچی زبان ءِ استاد، کوّاس، زبانزانت ءُ کُتہ کاریں کماش بلوچی زبان ءِ وانینگ ءَ ماں ڈیہ ءِ  شھر ءُ کلگاں بنگیج کنگی انت۰ دلگوش گوَر کنیں کہ اے  نیکیں کاربزاں شھدیں بلوچیءِ بنگیجی وانینگ بازیں زرّ ءُ ھرچے پکار نہنت۰
* نوکیں دور بلوچستان ءِ راجی، لبزانکی، زانشی، ءُ دود ءُ ربیدگی ھوربند ءُ سیاسی مچی یانی دوراِنت۰ بید ھالہ ئیں گچیں کاریاں (البت رند چہ اے مذھبی ھکومت ءِ پروشت ءُ پروش )   بلوچستان ءِ سیاسی سروکی ” ادعا” چہ ھر کَس ءُ گروپے ءِ نیمگ ءَ کہ بہ بیت گئیر دمکراتیک 
ءُ  وتسرین ءُ ناھودگیں کارایت۰
* اے پدّریں گپے ایت کہ سرداری ءُ نوابی ءِ  پرجنجالیں دور مئے راجدپترءِ بھرایت۰ ما را منّگی انت کہ آ دور دگہ ھلاس بوتگ۰ بلوچ راج ءُ بلوچستان ءَ آزاتی، وت مستری، آبادی، دمکراتیکیں  ھوربند ءُ راجی رھشونی پکار انت۰
* پہ مُلک ءُ بلوچ راجءِ نپ انت کہ درستاں پہ دَمَگی شورایان ءُ  “بلوچستان ءِ راجی دیوان” ءِ ٹاھینگ (گچینکاری ءُ برجم کنگ  ) ءَ کوشست بکنیں ۰
* گڈسرا اے گپ گوشگی انت؛ ھما بلوچ کہ چہ مُلک ءِ رودراتکی بھر (پاکستانءِ آوارجتگیں بلوچستان)  ءَ درانڈیہ بوتگنت ءُ ماں رونشتی بلوچستان ءَ میار انت ھژار بہ بنت کہ بلوچ دژمنیں “سپاہ قدس” آھانءَ رونشتی بلوچستان ءِ بلوچانی ھلاپ ءَ  کار مہ بندیت۰ چشیں دوارسوچیں کارکرد بلوچ ءِ راجی جنز ءَ سرین پروش کنت۰ سپاہ پاسداران ءُ  درآمدانی واھگ ھمش انت۰  اے ورنایانی سروک بایدانت “سپاہ قدس”ءِ رستری کارکرداں گوں دورچاری ءُ زمّہ واری چار ءُ بیچار بکننت ءُ چہ کوردستانءِ راجدپترءَ اِندرِست بگرنت ءُ  کوردستان ءِ دوارسوچیں جنگءَ ماں بلوچستان نوک مہ کننت۰ 

آزات ءُ آباد بات گنجيـــں بلوچستـــــــــان
پروشت ءُ پروش باتنـــت ايران ءُ پاکستان 


محمــد کریــم بلــوچ
سپتامبر ۲۰۱۸

Share on
Previous article

اپوزیسیون مرکزگرای پارس چه در سر دارد؟

NEXT article

پاکستان نے دہشت گردی کا ابتدا بلوچستان پر قبضے سے کیا:حیربیارمری

LEAVE A REPLY

MUST READ

سویڈش شوشلیٹ پاڑٹی کے کریسٹوفر لونڈ بیری 10دسمبر2015 کو گوتنبرگ میں بولان کے بلوچ خواتین کی پاکستانی فورسز کی توسط سے اغواه کے خلاف مظاهرہ سے خطاب کررهے هیں

سویڈش شوشلیٹ پاڑٹی کے کریسٹوفر لونڈ بیری 10دسمبر2015 کو گوتنبرگ میں بولان کے بلوچ خواتین کی پاکستانی فورسز کی توسط سے اغواه کے خلاف مظاهرہ سے خطاب کررهے هیں

بیگواه بوتگین دین محمد بلوچءِ دحتگ سمّی بلوچ

بیگواه بوتگین دین محمد بلوچءِ دحتگ سمّی بلوچ

واھگ منی جِندے نہ انت ، تو مُرواریدین ارسان مگوار

واھگ منی جِندے نہ انت ، تو مُرواریدین ارسان مگوار

هجوم لشکر تمدن ستیز خامنه ای و العبادی به کوردستان مستقل

هجوم لشکر تمدن ستیز خامنه ای و العبادی به کوردستان مستقل

ایران کی جانب سے بلوچستان کے نام کی تبدیلی کی کوششوں کا پر زور الفاظ میں مذمت کرتاہوں۔ حیر بیار مری

ایران کی جانب سے بلوچستان کے نام کی تبدیلی کی کوششوں کا پر زور الفاظ میں مذمت کرتاہوں۔ حیر بیار مری

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

پاکستان نے دہشت گردی کا ابتدا بلوچستان پر قبضے سے کیا:حیربیارمری

پاکستان نے دہشت گردی کا ابتدا بلوچستان پر قبضے سے کیا:حیربیارمری

ایران ءِ پد منتگیں بُن رهبندءِ یک بَروَردے

ایران ءِ پد منتگیں بُن رهبندءِ یک بَروَردے

نامه جمعی از علمای اهل سنت که خواستار اعزام هئیت تحقیق در مورد ترورعلمای اهل سنت درایران هستند

نامه جمعی از علمای اهل سنت که خواستار اعزام هئیت تحقیق در مورد ترورعلمای اهل سنت درایران هستند

طرح تقسیم بلوچستان خیانتی است بزرگ به ملت بلوچ

طرح تقسیم بلوچستان خیانتی است بزرگ به ملت بلوچ

راسیستی سیاست ءُ کارکِردءِ یک دَروَرے

راسیستی سیاست ءُ کارکِردءِ یک دَروَرے

بهارت کا بلوچ سیاسی کارکنوں کو سیاسی پناه دینا زیر غور هے – بی جے پی رهنما انیل بالونی

بهارت کا بلوچ سیاسی کارکنوں کو سیاسی پناه دینا زیر غور هے – بی جے پی رهنما انیل بالونی

ھزار گنجی بس اڈہ، اصل مسئلہ کیا ہے۔۔؟ کردگار بلوچ

ھزار گنجی بس اڈہ، اصل مسئلہ کیا ہے۔۔؟ کردگار بلوچ

بولانءَ پاکستانی فوجءِ آپریشن انگت برجم انت – ریڈیو حال

بولانءَ پاکستانی فوجءِ آپریشن انگت برجم انت – ریڈیو حال

شھید الیاس نزرءِ ماتءِ کلوّہ

شھید الیاس نزرءِ ماتءِ کلوّہ