آزات ءُ آباد بات گنجيــں بلوچستــان

آزات ءُ آباد بات گنجيــں بلوچستــان

2020-03-19 13:00:36
Share on

ڈُنگیں مُلا ھامنہ ای ءِ بادشاھی دورھلاس بیگ انت ءُ ایردستیں راجاں پہ  آزاتی ءُ وتی راجی ھکّاں سریں بستگ ءُ اوشتاتگ اَنت۰ اگاں چے مافیایی سپاہ پاسداران ءِ ناشریں سروک، شاہ ءِ چُک بزاں رضا پھلوی، مجاھدین خلق ءُ دگہ ایران پرستیں سیاسی واک گوں سیت پرستیں انگریزانی چیروکایی کمکءَ چن ءُ لانچ انت تاں پہ پارس ءِ بالادستی ءِ دراج کش کنگ ءَ یک مرکزی آلترناتیوے اڈ بکننت بلئے دلجم اوں کہ آیوکیں دور ایردستیں راجانی دور انت۰

اے پہ  بلوچ، عرب، تورک، کورد ءُ ترکمن یک کم دروریں دورے ایت۰ ھونوار ءُ ڈنگ ءُ زوراکیں درآمدانی ھلاپ ءَ “ھساب کتاب” ءِ دورءُ باریگ نزّیک بیگ اِنت۰ اے پہ لُر ءُ گیلکی مھلوک ءَ ھم یک جوانیں موھے ایت۰  اداں نبیسگی انت کہ منی مکسد بیرگری نہنت۰ 

ھر بلوچے ءِ راجی ءُ انسانی اگدہ انت کہ پہ ناشریں درآمدانی پروش ءَ جہد بکنت۰ آرام نندگ ءُ چارگ ڈیہ ءُ راج ءِ بربادی انت۰ آیوکیں دَور پہ بلوچستان ءُ  راجی وجود ءُ  بلوچی پجّارءَ  جَہ جنگ ءِ  دور ءُ باریگ انت۰  بلـوچ راج ءِ جد ءُ جھد پہ  ڈیہ ءُ ملک ءِ آزات کنگ ءُ وتی وجـودءُ پجّار ءُ پدریچانی رکّینگ ءَ تپاکی ءُ همکوپگی پکارانت۰ مئی ناتپاکی دژمن ءِ واھگ ءُ سوب اِنت۰ ناتپاکی  راج ءُ راجی جنزءَ نزورکنت۰

ما بلوچان ءَ شَرّ زانگی انت که ایردستی، بے تـواری، کرمه گوشی ءُ ڈیہ ءِ بربادی ءِ سیل چارگ مئے بیگواهـی اِنت۰ دگه  راهے پَشت نه کپتگ ما را تپاک بیگی انت تاں وتی بُن پیـرکی ڈیه ءَ چه لدیگانی ایردستیءَ آزات بکنیـن ءُ وتی پدریچاں چه پارسیانی گلامیءَ به رکّینیـں۰ 

دلگوش گور کنگی انت که په ملک ءِ پچ گرگ ءَ شریں دورے آتکگ ۰ اگاں مروچی هوری ءَ چِست مه بئیں ءُ جهد مه کنیں بوت کنت که باندات باز دیر به بیت۰  اگاں ما هنوں  وت ماں وتی ءُ دگه اڑ ءُ جنجالاں مه شموشین ءُ په ملک ءُ راج ءِ هاترا تپاک مه بئیں دلجم اوں که بانداتءِ پشومانی بے نپ ءُ سیت اِنت۰

اے راه ءَ هروڑیں جـد ءُ جهـد په ما جائزانت۰ په هر بلوچے  واجب انت که په ملک ءُ راجءِ رکّینگ ءَ وتی کوشست ءَ بکنت اگاں ناں آینده ءُ راجءِ پدریچاں ما را میاریگ کننت ءُ هچ کَس ءَ پهـل نه کننت۰

اداں چنت  بُن گپءَ  دیما آرگ لوٹاں;  

ملکءِ بیداریں سیاسی مردم بزاں ھما کہ درآمد دوست ءُ ایران پرست  نہنت ءُ وتی راجی پجّاراِش نہ شموشتگ وتی گام گیج  تیزترکنگی ءُ دیما آیگی انت۰
* پہ بلوچ پدریچانی آزات کنگ ءُ آسراتی ءُ پہ راج ءُ ملک ءِ ھاترا دوارسوچیں اڑ ءُ جنجالاں یک کِر ایربکنین۰  سُھل ءُ براتی پہ ملک ءُ راج ءِ سیت انت۰ ھچ بر مہ شموشیں کہ بلوچانی وت ماں وتی جنگ ءُ جیڑہ درآمدانی انسان دژمنیں پندلے ایت۰
* درملک ءِ جاھمنندیں بلوچ تپاک تر بوت کننت۰  اگاں ھر کس چہ وتی فیس بوکی کُڈک ءَ چنت دمان ءَ در بئیت ءُ گیشتر گوں یکدگرا دیوان ءُ دیم پہ دیمی گپ ءُ تران بکننت پہ راجی جھدا بلاھیں کمکے بوت کنت۰ ماں چشیں جاورءَ  گھتراِنت کہ بے سیتیں جنجالاں ماں مجازی دنیاے ءَ اَنگاربکنیں (یلہ بدئیں) ۰
* گوں ھنوگیں بلوچ دژمنیں ھکومت ءِ چپّیگ بیگ ءَ  بلوچی زبان ءِ استاد، کوّاس، زبانزانت ءُ کُتہ کاریں کماش بلوچی زبان ءِ وانینگ ءَ ماں ڈیہ ءِ  شھر ءُ کلگاں بنگیج کنگی انت۰ دلگوش گوَر کنیں کہ اے  نیکیں کاربزاں شھدیں بلوچیءِ بنگیجی وانینگ بازیں زرّ ءُ ھرچے پکار نہنت۰
* نوکیں دور بلوچستان ءِ راجی، لبزانکی، زانشی، ءُ دود ءُ ربیدگی ھوربند ءُ سیاسی مچی یانی دوراِنت۰ بید ھالہ ئیں گچیں کاریاں (البت رند چہ اے مذھبی ھکومت ءِ پروشت ءُ پروش )   بلوچستان ءِ سیاسی سروکی ” ادعا” چہ ھر کَس ءُ گروپے ءِ نیمگ ءَ کہ بہ بیت گئیر دمکراتیک 
ءُ  وتسرین ءُ ناھودگیں کارایت۰
* اے پدّریں گپے ایت کہ سرداری ءُ نوابی ءِ  پرجنجالیں دور مئے راجدپترءِ بھرایت۰ ما را منّگی انت کہ آ دور دگہ ھلاس بوتگ۰ بلوچ راج ءُ بلوچستان ءَ آزاتی، وت مستری، آبادی، دمکراتیکیں  ھوربند ءُ راجی رھشونی پکار انت۰
* پہ مُلک ءُ بلوچ راجءِ نپ انت کہ درستاں پہ دَمَگی شورایان ءُ  “بلوچستان ءِ راجی دیوان” ءِ ٹاھینگ (گچینکاری ءُ برجم کنگ  ) ءَ کوشست بکنیں ۰
* گڈسرا اے گپ گوشگی انت؛ ھما بلوچ کہ چہ مُلک ءِ رودراتکی بھر (پاکستانءِ آوارجتگیں بلوچستان)  ءَ درانڈیہ بوتگنت ءُ ماں رونشتی بلوچستان ءَ میار انت ھژار بہ بنت کہ بلوچ دژمنیں “سپاہ قدس” آھانءَ رونشتی بلوچستان ءِ بلوچانی ھلاپ ءَ  کار مہ بندیت۰ چشیں دوارسوچیں کارکرد بلوچ ءِ راجی جنز ءَ سرین پروش کنت۰ سپاہ پاسداران ءُ  درآمدانی واھگ ھمش انت۰  اے ورنایانی سروک بایدانت “سپاہ قدس”ءِ رستری کارکرداں گوں دورچاری ءُ زمّہ واری چار ءُ بیچار بکننت ءُ چہ کوردستانءِ راجدپترءَ اِندرِست بگرنت ءُ  کوردستان ءِ دوارسوچیں جنگءَ ماں بلوچستان نوک مہ کننت۰ 

آزات ءُ آباد بات گنجيـــں بلوچستـــــــــان
پروشت ءُ پروش باتنـــت ايران ءُ پاکستان 


محمــد کریــم بلــوچ
سپتامبر ۲۰۱۸

Share on
Previous article

بلوچستان ضرور آزاد ھوگا شکست ظالم فوج کے مقدر میں لکھی ھے بلوچ قائد حیربیارمری

NEXT article

تجاربی خونین از مذاکرات با اشغالگران

LEAVE A REPLY

MUST READ

انڈیا سے بی جی پی کے ترجمان انیل بالونی صاحب سے گفتگو – ریڈیو حال

انڈیا سے بی جی پی کے ترجمان انیل بالونی صاحب سے گفتگو – ریڈیو حال

دو دانک گوں رودراتکی بلوچستان ءِ راجی رھشوناں

دو دانک گوں رودراتکی بلوچستان ءِ راجی رھشوناں

انڈیا میں بلوچستان پر سیمینار بلوچ رہنما حیربیار مری کا پیغام

انڈیا میں بلوچستان پر سیمینار بلوچ رہنما حیربیار مری کا پیغام

تربتءَ ڈاکٹر کالونیءِ بلوچ چک ءُ جنیانی محاصرهءِ بابتءَ گلگدارے گون ایچ آر سی پی کیچءِ واجہ غنی پروازءَ

تربتءَ ڈاکٹر کالونیءِ بلوچ چک ءُ جنیانی محاصرهءِ بابتءَ گلگدارے گون ایچ آر سی پی کیچءِ واجہ غنی پروازءَ

بلوچستان سمینار اسٹوکھولم سویڈنءَ بلوچ دانشور واجہ شبیر بلوچءِ تران

بلوچستان سمینار اسٹوکھولم سویڈنءَ بلوچ دانشور واجہ شبیر بلوچءِ تران

واکنش مسئولانه مردمی به درگیری بین بی۰ ال۰ اف و جیش العدل

واکنش مسئولانه مردمی به درگیری بین بی۰ ال۰ اف و جیش العدل

الوطن نیوز عربی کا جیش العدل کے رہنما صلاح دین فاروقی بلوچ سے خصوصی انٹرویو

الوطن نیوز عربی کا جیش العدل کے رہنما صلاح دین فاروقی بلوچ سے خصوصی انٹرویو

ایران ءِ پد منتگیں بُن رهبندءِ یک بَروَردے

ایران ءِ پد منتگیں بُن رهبندءِ یک بَروَردے

مـاتی زبانانی جھانی روچ ءُ شھدیں بلوچی

مـاتی زبانانی جھانی روچ ءُ شھدیں بلوچی

اقوام متحده کی انسانی حقوق کونسل کے 33 ویں اجلاس میں بهارت کا بلوچستان میں انسانی حقوق کی پائیمالی پر پاکستان کو ذمه دار پر بی جے پی کے ترجمان انیل بالونی سے گفتگو

اقوام متحده کی انسانی حقوق کونسل کے 33 ویں اجلاس میں بهارت کا بلوچستان میں انسانی حقوق کی پائیمالی پر پاکستان کو ذمه دار پر بی جے پی کے ترجمان انیل بالونی سے گفتگو

بالاچ راجءِ دپتران مدام زندگ انت

بالاچ راجءِ دپتران مدام زندگ انت

سوءِ استفاده اشغالگران از فاجعه زلزله در کوردستان

سوءِ استفاده اشغالگران از فاجعه زلزله در کوردستان

خاطره شهدای دِزَّک و هُشَّک جاودان خواهد ماند

خاطره شهدای دِزَّک و هُشَّک جاودان خواهد ماند

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

زبانهای بلوچی، کوردی، تورکمنی، تورکی و عربی زنده هستند

زبانهای بلوچی، کوردی، تورکمنی، تورکی و عربی زنده هستند