ایرانءِ بلــوچ دژمنیـں واکدارانی پنـــدل

ایرانءِ بلــوچ دژمنیـں واکدارانی پنـــدل

2020-03-25 22:13:21
Share on

گـوں دو بلــوچ ورناے ءِ ٹپـی ءُ شزادیستگیں لاشانی درگیجگ ءَ ماں رونشتی بلوچستــان ءِ مگس ءَ نوکیں بهرے چه بلوچستــان ءِ تاریخ بنگیـج بوت۰ آ بلوچ اوبادگانی نام باسط چُک جان محمد اور احمد چُک مجید اَت ءُ دوئیں گومـازی ءِ مردم اتنـت که مدتے ءً پیش مگس ءِ شهـرا آتکگ ءُ جاهمننـد بوتگ اَتنت۰

گوشیئے ماں اے دورءَ هم رستریں جنرل مشرف ءُ آییءِ زرپرستیں سروزیر شوکت عزیزیا که هونواریں  رحمان ملک ءِ  رپک ءُ پندلاں نوک بیگ اَنـت۰ آهاں بازیں بلوچ ورنایاں که بیه ءَ چه رونشتی بلوچستان اَتنـت دستگر کت ءُ ماں پاکستانی کورچات ءُ شزاجاهـاں بندی کرت ءُ لهتیں ایران ءِ سپاهءِ دستا داتنت که درستاں چنت ماه ءَ رند ماں ایران ءِ بندیجاهاں شهید کنگ بوتنت۰

اے رندا ایرانی واکدار ءُ سپاه قدس ءُ آهانی جاسوسی اداره مهاجریں مشرف ءُ انسان دژمنیں رحمان ملک ءِ  رپک ءُ پندلاں کاربندگاینت تنکه مشرقی بلوچستــان ءِ شمارے چه سرمتابیں ورنایاں  گارءُ بیگواه بکننت یا که بگرنت اِش ءُ  گوں پاکستانی واکدارءُ پنجاپی پئوجءَ آهانی سرا سودا بجن اَنت۰

البت دلگوش گوَر کنگی انت که ایرانءِ بلوچ دشمنیں واکدارءُ “سپاه قدس” په وتی منّ ءَ چه هندوستانی مهر ءُ پنجاپی رستراں ماں دو تل ءُ دو پوستی ءَ پهته ترانت ءُ چه آهاں گیشتــرءُ پکّاتریں ٹگـی ءُ کلپـی بلــد اَنت۰ اے وتی رستری تجربه یاں چه آوارجتگیں کوردستان، زرباری آزربایجان، تورکمنستان، عراق ءُ شام ءَ ماں بلــوچ گلزمین ءَ کاربندنـت تنکه بلــوچ راج ءُ بلوچانـی راجی جُنـز ءَ سریں پروش بکننت ءُ گلزمیـــن ءَ مدامـی وتیگی بکننــت۰

 آ گوں مشرقی بلوچستــان  ( پاکستان ءِ آوارجتگیں بلوچستان ) ءِ چیزے پهکدلیں ورنا وتا را بلوچانـی دوست ءُ دوزواه پیش دارنت ۰ایرانی لشکرءِ نپـرءُ کاســد  که چیروکایی گوں پاکستانی جنرالاں هم شوراِنت شمارے چه لاچاریں بلــوچ ورنایاں رزا کتگ تنکه چه مشرقی بلوچستــان ءَ در بکپنت ءُ ماں رونشتی بلوچستــان ءَ جاهمنند ءُ باهـوٹ ببنـت۰ 

اپسوزی گپ ایش انت که اے بلــوچ اوبادگاں وتـا را ماں رونشتی بلوچستـان ءَ ایرانءِ بلــوچ کشیـں سپاه ءُ بسیج ءِ میار کنگاینـت!!! 

گوں اے بـرات ءُ آزیـزاں گوشگی اِنـت که هبــر وَ هنـوں چـه هَلــوت ءَ گوستــگ۰  شما را زانگی انت که ایرانی مذهبی واکـدار ءُ آهانی هونواریـں لشکر بلــوچ راج ءُ بلوچستــان ءِ کوهنیں دژمــن اَنت۰ اے هنچوشیں انسان دشمن ءُ بے تمدنیـں (بے تہذیبیں) دژمنے ایت که  لوٹیت هم شمئی ملـک ءَ زوربرد ءُ وتیگی بکنـت ءُ هم بلــوچ راج ءَ گار ءُ بیگواه بکنت۰ اے شمئی ماتی زبان ءِ دشمـن ءُ بدواه اَنت اے دگنیاےءِ تهارپگـرتریں مذهبی ٹولی اِنـت ءُ بزانیـت که اے شمئی هونی دشمن اًنــت۰ ایشاں بے شمار بلــوچ کشتــگ ءُ لکانی لکّ بلـوچ ءِ زند جاور اِش چه جهنـدم ءَ هم گنتـر کتگ۰

رونشتـی بلوچستــان ءِ تاریـخ ءَ  بچاریت ءُ بوانیـت۰اشاں مئی ءُ شمئی هزاراں مات سوگیگ  ءُ هزاراں گوهار جنوزام کتگ۰ همی زالم ءُ زورانسراں مئی ءُ شمئی هزاراں چک  چوره ءُ یتیم کتگ اَنت۰ همے زالماں تن تن مئے گوانزگی تبل هم کشتگ اَنت۰شمارا زانگی انت که بے شماراَنت شمئی برات ءُ گوهار، پیر ءُ ورنا که وتی ساه ءُ زنداِش ندر کتگ اَنت تاں شمئے بن پیروکی ڈیه ءُ ملـک ءَ چه اے رسترانی دستا آزات بکننـت۰ آ شهیدانـی پاکیں نام ءُ آهانی کربانی گلزمین ءُ بلوچ راجدپترءِ ابدمانین ءُ کیمتــی بهرے اَنــت.

چه مشرقی بلوچستان ءَ مئے یک ورنائیں بلوچ اوبادگے ءَ گوَشتگ که “…… ما تہ شی نہ اشکته  ایران ءِ لاپ ءَ بلوچ آزاتی ءِ یا هما جد و جهدے کنگ اَں یا همودا آهانی حکے ایرانی سرکار جَنَگ اِں اودا نہ  ۰۰۰ما چیزے سرپد ںیستں! تحریکے نئے سیاسی حواله ءَ نئے مزاحمتی حواله…. اورایرانی لاپءَ اگاں چےکمیںے بازیں بلوچے مسلئے هستن تں مذهبی بنیاد ِاں۰۰۰هماییءَ مئی تعلق نیستیں ما سکیولَروں۰ ما آلریڈی گوشوں ما بلوچ آزادخیالیں مخلوکں، ما سکیولَروں، تہ ما آیی ءَ گوں تعلق نیستیں۰ اگاں کسے اے رنگی چےءَ کنت ما تہ آیی ءَ سرپد کنوں اے رنگی چےءَ مہ کن بجاے  آیی ءِ سپورٹ کنگئے۰۰۰”

دگه واننــده ءُ په وتی مـنّ ءَ زانتکاریـں بلــوچ پسگے گوشتگ که: “ایرانی بلوچستان ءُ پاکستانی بلوچستـان ءِ حالات جتا جتاینت۰۰۰ ما را گوں ایرانی بلوچستان ءً هچ وڑیں تعلق نیست۰۰۰ “

مڑاداریں بلــوچ پُسّگاں ! اے وڑیں گپ ءُ هبرپه شما زیب ندنت۰ ایشی ءَ سرپد بئیـت که پارس ءُ آهانی لشکردو تل ءُ دو پوستی ءِ استاد اَنت۰ اگاں سپاه ءُ بسیج ءِ  یک ءُ دو ٹولی  گوں چنت بلــوچ ورنا گپ کننت ءُ  رنگ په رنگیں کئول ءُ واده اِش دینـت، دلجم ببئیت که آهانی چار دگه ٹولی په همے بلوچ ورنایانی بیگواهی ءَ رپک ءُ پندل کننت۰ چو وش گوشتـه راجءِ پیرینـاں: “انسـان په سـر ءُ هـوش”

 په جوانی ءَ سرپــد به بـیـت ءُ به زانیـت که بلــوچ راجءِ دشمنانی باهـوٹ بیگ ءُ آهانی سرا دلجم ءُ ایکیم بیگ مزنیں ردی ایـت که آســرا بلوچستــان ءُ بلوچ راج ءُ راجی جنزءَ باز تاوانبار کنـــت. ایرانی لشکر ءُ سپاه گوں پنجاپی ژنرالان ءُ اسلام آباد ءِ بلوچ دژمنیں واکــدار هم شور اَنت ءُ بلــوچ راج ءُ بلوچستانءِ زِدّ ءَ  آهاں سیاسـی، تجارتـی، پئوجـی ءُ جاسوسـی “قــرارداد” ءُ بازیں “معاهــده همکاری” هست اَنت۰ 

آزات ءُ آبــاد بــات گنجیــــں بلوچستـــــان

پروشت ءُ پروش باتنت ایـران ءُ پاکستـان

محمد کریم بلــــوچ

جنوری  ۲۰۱۷

Share on
Previous article

پاکستانی افواج صرف اور صرف نہتے خواتین اور بچوں کو ہی اغوا کر سکتے ہیں ان کی قابلیت یہی تک محدود ہے۔ نواب براہمدغ بگٹی

NEXT article

اساتذہ و سرکاری ملازمین مردم شماری میں حصہ لینے سے گریز کریں،سخت حملے کریں گے، بی ایل ایف

LEAVE A REPLY

MUST READ

پاکستان وایران کا بلوچ قومی جہد کے خلاف ہمیشہ سے ایک قریبی تعاون رہا ہے:حیربیارمری

پاکستان وایران کا بلوچ قومی جہد کے خلاف ہمیشہ سے ایک قریبی تعاون رہا ہے:حیربیارمری

شھید پروفیسر صبا دشتیاری

شھید پروفیسر صبا دشتیاری

مستاگـــے په ایردستیـــں راجـــاں

مستاگـــے په ایردستیـــں راجـــاں

سیاسی کارکن سلیمان بلوچ اور دوسرے شہدا کے کاروان کو آگے لے جانے کی بھر پور صلاحیت رکھتے ہیں۔ خلیل بلوچ

سیاسی کارکن سلیمان بلوچ اور دوسرے شہدا کے کاروان کو آگے لے جانے کی بھر پور صلاحیت رکھتے ہیں۔ خلیل بلوچ

شکست اخلاقی اشغالگران

شکست اخلاقی اشغالگران

بلــــوچ گلزميــــن ءِ انــــداز ءُ سيمســـــراں

بلــــوچ گلزميــــن ءِ انــــداز ءُ سيمســـــراں

گپ و ترانے گون بلوچ جرنلیسٹ واجہ صدیق بلوچ

گپ و ترانے گون بلوچ جرنلیسٹ واجہ صدیق بلوچ

حادثے میں لانگ مارچ میں شریک دو افراد زخمی

حادثے میں لانگ مارچ میں شریک دو افراد زخمی

سلمان میایی را بی گناه پرپر کردند – علی میایی جدگال

سلمان میایی را بی گناه پرپر کردند – علی میایی جدگال

پاکستان وایران کا بلوچ قومی جہد کے خلاف ہمیشہ سے ایک قریبی تعاون رہا ہے:حیربیارمری

پاکستان وایران کا بلوچ قومی جہد کے خلاف ہمیشہ سے ایک قریبی تعاون رہا ہے:حیربیارمری

بلوچ قوم اپنی توجہ ثانوی اور غیر ضروری مسلوں پر لگانے کے بجائے ابتدائی اور اصل مسلۂ یعنی قومی آزادی کی جدوجہد کو مضبوط اور موثر بنانے پر مرکوز کریں ، بلوچ قوم دوست رہنما حیربیار مری کا قوم سے اپیل

بلوچ قوم اپنی توجہ ثانوی اور غیر ضروری مسلوں پر لگانے کے بجائے ابتدائی اور اصل مسلۂ یعنی قومی آزادی کی جدوجہد کو مضبوط اور موثر بنانے پر مرکوز کریں ، بلوچ قوم دوست رہنما حیربیار مری کا قوم سے اپیل

اعلامیه سازمان جیش العدل

اعلامیه سازمان جیش العدل

بلوچ باید انت وتی زمین ءُ ڈگارءِ مستر وت بہ بیت۔ عبداللہ بلوچ

بلوچ باید انت وتی زمین ءُ ڈگارءِ مستر وت بہ بیت۔ عبداللہ بلوچ

کندهار ءِ تروریستی ھلگر سپاه قدس ءُ لدیگی آی۰اِس۰آی ءِ کار اَت

کندهار ءِ تروریستی ھلگر سپاه قدس ءُ لدیگی آی۰اِس۰آی ءِ کار اَت

گار ءُ بیگواه بوتگین بلوچانی بیگواهیءِ احتجاجی کیمپءَ 2288 روچ گواستگ

گار ءُ بیگواه بوتگین بلوچانی بیگواهیءِ احتجاجی کیمپءَ 2288 روچ گواستگ