بلــوچ هُـــژّار

MUST READ

شھید پروفیسر صبا دشتیاری

شھید پروفیسر صبا دشتیاری

بلوچستان سمینار اسٹوکھولم سویڈنءَ بلوچ دانشور واجہ شبیر بلوچءِ تران

بلوچستان سمینار اسٹوکھولم سویڈنءَ بلوچ دانشور واجہ شبیر بلوچءِ تران

من ءُ تو همراہ نہ ایں – حفیظ روف

من ءُ تو همراہ نہ ایں – حفیظ روف

بلوچستان میں ریفرینڈم نہیں چاہتے: حیر بیار مری

بلوچستان میں ریفرینڈم نہیں چاہتے: حیر بیار مری

شگرد انتخاباتی روحانی و اهداف پشت پرده آن

شگرد انتخاباتی روحانی و اهداف پشت پرده آن

مقبوضہ سندھ میں پولیس کے اختیارات رینجرزنامی آرمی کے ایک شاخ کے ہاتھوں میں ہیں – چیئرمین خلیل بلوچ

مقبوضہ سندھ میں پولیس کے اختیارات رینجرزنامی آرمی کے ایک شاخ کے ہاتھوں میں ہیں – چیئرمین خلیل بلوچ

پِگــری گُلامـــی – سیمی بهر

پِگــری گُلامـــی – سیمی بهر

پاکستان عالمی قوانین کی خلاف ورزیوں کا مرتکب ہورہا ہے

پاکستان عالمی قوانین کی خلاف ورزیوں کا مرتکب ہورہا ہے

بلوچ نوجوانوں کی تحریک میں جوق در جوق شمولیت حوصلہ افزاء عمل ہے : بشیر زیب بلوچ

بلوچ نوجوانوں کی تحریک میں جوق در جوق شمولیت حوصلہ افزاء عمل ہے : بشیر زیب بلوچ

راجدوستیں بلوچاں تپاک بیگی انت

راجدوستیں بلوچاں تپاک بیگی انت

گپ و ترانے گون بلوچ جرنلیسٹ واجہ صدیق بلوچ

گپ و ترانے گون بلوچ جرنلیسٹ واجہ صدیق بلوچ

حسیـن معروفـی کیست؟

حسیـن معروفـی کیست؟

بلوچستان ءِ راجی جنزءِ دیمپان چے اَنت؟

بلوچستان ءِ راجی جنزءِ دیمپان چے اَنت؟

حمايـت از بزرگمـرد بلوچستــان آقای قديـربلـوچ وکاروان آزادی

حمايـت از بزرگمـرد بلوچستــان آقای قديـربلـوچ وکاروان آزادی

درماندگی فاشیسم تمامیت خواه پارس

درماندگی فاشیسم تمامیت خواه پارس

بلــوچ هُـــژّار

2020-03-23 08:03:38
Share on

گوں هزاراں سلام ءُ دروت بلوچستان ءِ بے شماریں شهیدان ءُ شهید نسار ،  شھید  نوروز، شھیدعابد زامرانی، شهید باسط چُک جان محمد ءُ شهید احمد چُک مجیدءِ  نام گِر کنگ ءَ که مان روکپتی بلوچستان ءِ چھبار، آشار ءُ مگس  ءِ شهرا کشگ بوتگنت۰  
مئی راجدپتـرءِ یک مزنیں دَرس ءُ اِندرِستے اِیش انت که دژمنانی کئول ءُ هبرانی سرا هچ بر دلجم  ءُ ایکیم مه بئیں۰  اے هما جَـوریں  تجربه اِنت که اگاں مئے مروچیگیں راجی رهشوناں اشی ءِ چکاسـگ ءِ کوشست ءَ مه کتیں گهتـراَت۰  ایران ءُ پاکستان ءِ  دوارسوچیں پندل  چه هساب کتاب ءَ دراَنت۰  بلـوچ بایداِنت شیوار ءُ هژار به بنت۰ 

اگاں راجدپتـری تجربه یاں شموشگ به بنت ءُ کَسّے  تهـران یا اسلام آباد ءِ  ابلیسی دام ءَ ماں گیشّ اِت گـُڑا اے  وت کُشــی اِنـت ءُ تباهـی۰  ماں دژمنانی رپک ءُ پندلانی دام ءَ کَپگ بی اُگده ای اِنت ءُ راجی جنز ءِ سریں پروش کنـگ۰   چشیں سیاسی ناسرپدی دژمنانی سوب انت۰  دیر انت کہ هبـر چه هلـوت ءَ گوستگ ۰

مئے لهتیں ورنا چه رودراتکی بلوچستان ءَ دَرآتکگ ءُ  تروریستی سپاه ءِ میار بوتگنت۰ دریگتیں ایشاں گلزمین ءِ کوه ءُ برزیں تیهرانی میار به بوتین اَنت یا که دگه ملکے په باهوٹی به شتین انت۰

ما را هْژار بیگی انت که  پارس ءُ پنجاپی یاں  هوری رپک ءُ پندل  سازاَنت  تاں بلوچانی راجی جهداں پروش بدینت۰  دوتل ءُ دوپوستیں پارس ءُ پنجاپی واکداراں پیش داشتـگ که په دروگیں سوگند ورگءَ مُدام تیارنت۰  هرچیزے ءِ سرا کَسَم  ورنت تاں بلوچانی سروکاں په آسانی ءَ به ریپین انت۰

ما را زانگی انت که آ میارجلـی ءُ مهمان داری که مئی بلوچانی راجی دود ءُ ربیدگ ءِ بهـرے انت ماں مئے دژمنانی زند ءُ دود ءُ ربیدگ ءَ په بِیه نیسـت۰ میر دوست محمد هان ءِ شهادت ماں تهران (۱۹۲۹ عیسایی ) ءُ  احمدیار هان ءِ په زور جَلّینـَـگ ماں کراچی ( ۱۹۴۸ عیسایی  ) ءَ اے گپ ءِ دو پَدّریـں دَرورانت۰  

پارس ءُ پنجاپی واکداراں هنوں گندگاینت که بیداریں بلوچانی راجی جنز دیمروی کنگ اِنت ءُ  سیاسی زانتکآر ءُ سرمتابیں سر چِست اَنت۰ آ هَمُـک پلینڈی ءُ انسان دژمنیں  کار کننت تا همے برزیں سرآں به گُـڈانــت۰ 

 هچ شکّے نیست که اسلام آباد ءُ تهـران ءِ واکداراں بلــوچ ءُ بلوچستــان ءِ هلاپ ءَ همشور ءُ تپاک اَنت۰  آهاں جاسوسی، اقتصادی، سلهبندی ءُ سیاسی همکاری هست تاں بلوچستان ءَ مدام وتی پنجگانی چیـرا بدارنت۰

ایران ءِ سپاه یک تروریستی لشکرے اِنت۰ گوں چشیں میاں استمانی تروریستاں مذاکره ءُ گپ ءُ گآل په بلــوچ ءِ راجی جنزءِ نپ ءُ سیت ءَ نهنت۰   بلوچستـــان ءِ دیمروی پسندیں آجویی ءِ زرمبشـت پکائیں وڑے ءَ مآں دگنیاےءَ پیش دارگی انــت۰

پروشــت ءُ پــروش باتنــت ايران ءُ پاکستـان

 آزات ءُ آباد بات گنجيــــــن بلوچستــــــان 

محمــد کـريــم بلـــوچ

اکتبر ۲۰۱۸

Share on
Previous article

دو دانک گوں رودراتکی بلوچستان ءِ راجی رھشوناں

NEXT article

بلــوچ هُـــژّار

LEAVE A REPLY