بلـوچستــان ءِ آزاتــی ءِ روچ مبـارک بـات

MUST READ

کوردستان ءِ جنگ آزادی، دیم په دیمی گوں میان استمانی تروریسم ءُ اروپایی – امریکی سیاسی واکدارانی دوپوستی

کوردستان ءِ جنگ آزادی، دیم په دیمی گوں میان استمانی تروریسم ءُ اروپایی – امریکی سیاسی واکدارانی دوپوستی

گپ و ترانے گون بلوچ ہیومن رائٹس آرگنائزیشنءِ سروک بانک بی بی گلءَ بلوچستانءَ پاکستانی فوجی آپریشنءِ بابتءَ

گپ و ترانے گون بلوچ ہیومن رائٹس آرگنائزیشنءِ سروک بانک بی بی گلءَ بلوچستانءَ پاکستانی فوجی آپریشنءِ بابتءَ

بلوچستان سمینار اسٹوکھولم سویڈنءَ بلوچ قوم دوست رھنما حیر بیار مریءِ تران

بلوچستان سمینار اسٹوکھولم سویڈنءَ بلوچ قوم دوست رھنما حیر بیار مریءِ تران

به گروگان گرفتن زنان و کودکان بلوچ اوج ذلت وحقارت اشغالگران

به گروگان گرفتن زنان و کودکان بلوچ اوج ذلت وحقارت اشغالگران

زمیں کا الَم – نوشین قمبرانی

زمیں کا الَم – نوشین قمبرانی

پاکستان نے دہشت گردی کا ابتدا بلوچستان پر قبضے سے کیا:حیربیارمری

پاکستان نے دہشت گردی کا ابتدا بلوچستان پر قبضے سے کیا:حیربیارمری

ملت پارس به آفت نژاد پرستی مبتلاست

ملت پارس به آفت نژاد پرستی مبتلاست

پاکستانی قبضے کے خلاف یورپ سمیت دیگر ممالک میں آگاہی مہم چلائیں گے : حیربیارمری

پاکستانی قبضے کے خلاف یورپ سمیت دیگر ممالک میں آگاہی مہم چلائیں گے : حیربیارمری

پاکستان عالمی قوانین کی خلاف ورزیوں کا مرتکب ہورہا ہے

پاکستان عالمی قوانین کی خلاف ورزیوں کا مرتکب ہورہا ہے

بلوچ ءِ هون هم سُهر اِنت ، مولوی صاحب

بلوچ ءِ هون هم سُهر اِنت ، مولوی صاحب

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

بالاچ راجءِ دپتران مدام زندگ انت

بالاچ راجءِ دپتران مدام زندگ انت

بلوچستان ءِ پُلیں شهیدان ءَ هزاراں سلام

بلوچستان ءِ پُلیں شهیدان ءَ هزاراں سلام

واجه عبدالصمد امیریءِ تپاکیءِ پیغام پا بلوچ راجءَ

واجه عبدالصمد امیریءِ تپاکیءِ پیغام پا بلوچ راجءَ

طرحِ تجزیه و تقسیـم بلوچستـان خیانتی است بزرگ به ملت بلـوچ سرزمین بلوچستــان درطول تاریخ به مردم مقاوم بلــوچ تعلـق داشته است

طرحِ تجزیه و تقسیـم بلوچستـان خیانتی است بزرگ به ملت بلـوچ سرزمین بلوچستــان درطول تاریخ به مردم مقاوم بلــوچ تعلـق داشته است

بلـوچستــان ءِ آزاتــی ءِ روچ مبـارک بـات

2020-03-27 14:54:30
Share on

رودراتکــی بلوچستــان وتــی آزاتی پسنديـں رهدربرانـی جهـدان ءُ شهيــدانـی هونانی برکـت ءَ رنـد چه دوئمــی جهانـی جنگ ءَ آزات ءُ وت مستــربـوت۰  بلـوچستـــان ءِ آزاتی ءِ جـار  يازده اگسـت ۱۹۴۷ ءَ چـه راديو دهلـی ءَ شنــگ بـوت ءُ گـوں خـان کــلات ءِ سرکماشــی ءَ آزاتيـــں بلوچستـــان ءِ بيـرک مـاں کــلات ءَ  بــرز کنـگ بــوت۰

        http://baluchsarmachar.files.wordpress.com/2009/05/balochistan-declaration-of-independence-11-aug-1947-1.jpg 

 

 مـاں بلـوچستــــان ءِ آزاتـی ءِ جـار ءَ نبشته کنـگ بوتـه که محمد علـی جناح ءِ جـند هم بلـوچستــــان ءِ ءِ وت مستری ءَ منّ اِت۰  وت مستريـں بلـوچستــــان ءِ سروک ءُ سیاست زانت  وتـی دوئيـں ديوان اڈ کـت انـت۰  ملک ءِ سياسـی ءُ مالی سيستم ءَ جـوڑينگ ءَ گلائيش بوت انت۰  بلئـے محمد علی جناح ءُ مسلم ليگ گـوں  دوتل ءُ دوپوستی ءُ بـے بنياتيـں پاکستان ءِ پنجاپی پئوج ءِ زور ءَ په بلوچستــان ءِ آوارجنگ ءُ بلـوچانــی ايردست کنگ ءّ وتی بلــوچ دژمنيـں چيـريـں پنــدل ءُ برنامه اِش جـوڑ کتگ اَتنـت البت گـوں انگريزانی سر ءُ سـوج ءُ مــدت ءَ۰ 

رنـد چه بلوچانـی وت ماں وت میڑينگ ءَ گڈسرا کلات ءِ سراِش هلگر کـت ءُ ۲۷ مارچ ۱۹۴۸ ءَ رودراتکـی بلوچستـــان اِش په زور گـوں  پاکستان ءَ هوار کرت۰  بلوچ سرمچـار، سياسی سـروک ءُ راجــی کمـاش چـه هما دمان ءَ په ملـک ءِ آزاتی ءِ جنـگ ءِ ديمبری ءَ لانک اِش بست۰  هما جنگ ءُ جد ءُ جهـد بنگیج بوت که تـاں مروچــی ديم په ســوب ءِ منزل جـاری انـت۰  اگاں چـه شست ءُ نُـه  سال چه رودراتکـی بلوچستـــان ءِ آوارجنگ ءَ گوستگ بلئـے بلوچستـــان ءِ آجويـی ءِ جنــز پرزورتـر ءُ بلــوچ جهدکارانــی رِداں بزتــر بؤتگنـت۰ 

بلـــوچ ءُ بلوچستـــان ءِ دژمـں بزاں ايـران ءِ فاشيستيــں پارس واکــداران ءُ اسلام آباد ءِ انسـان دژمنيـں سياسی ءُ پئوجی ٹولــی ءَ په بلوچ جهدکارانی پروش ديگ ءَ يکدگـرا سياسـی، مالـی ءُ پئـوجــی کمـک ءُ مدت کنگاينـت۰  اـے شومپاليــں همکـاری په دو سبب ءَ مـاں  تاريخ ءَ بے درورانــت۰  يکے ايش که بلوچستــان ءِ چنت هزار ساليگيـں راجدپتر تـهءَ اے اولی رند انت که بلــوچ ءُ مزنيـں بهـرے چـه بلوچستــان  پنجاپی يانی دست ءَ بنديگ انـت۰  دوئمی سبــب ايش که چـه بهٹــو ءُ شـاه ءِ دؤر بگــر تاں هنوں بزاں گيش چه چـل ءُ هپت سال انـت که  پارس ءُ بلـوچ دژمنيـں پنجاپـی هـورءُ تپاک انـت تنـکه بلوچستـــان ءَ مـدامــی وتيگــی بکننـت ءُ هـوری ءَ بلـوچ راج ءَ ايردست بدار انـت۰ 

 پـارس پاسدار، بسيجی ءُ پنجاپــی پئـوج ءُ آی۰ اس۰ آی همـا رستــری  گـوں مئی کـوم ءُ ملک ءَ کتـگ ءُ همــا زيادتــی کنگاينــت که آجوج ماجـوج ( مــُگــولاں ) يا اسکنـدرءَ هــم چــُش نه کتــگ۰  مروچـی بـزاں يازده اگسـت بلوچستــان ءِ راجدپتــر ءِ هما روچ انــت که ماں سوگيگيـں رودراتکی بلوچستان ءَ همک سالءَ  يات کنـگ بيـت۰  بلئـے ايران ءِ بلوچ دژمنيــں واکدارانی کوشسـت همے بوتگ ءُ هست انــت که بلـــوچ مهلـوک مـاں رونشتی بلوچستـــان ءَ چه مئی اے راجی روچ ( يازده اگسـت ) ءُ بلوچستــان ءِ آزاتی ءِ جـار نامالـوم به بنــت۰

چـه  رضا ميرپنچ ءِ سياهيــں دؤر بگــر تــاں مـروچـــی بــزاں مـاں گـوستگيـں نَـوَد ســالاں تهران ءِ  زورانسرین  واکدارانی سياسـت ءُ کارکـرد بلوچانی راجی پجـار ءُ بلـوچستــان ءِ هـلاپ بوتگ۰

آ کوشست کته تنکه مئـی گنجيـں ملـک ءَ مدامی زوربرد بکننت۰  مئی راجـی دود ءُ ربيدگ ءُ مئی ماسی زبان ءَ گار بکننــت۰  مـا را گــوں مئی وتــی راجدپتر ءُ تاريخ نامالــوم ءُ درآمــد بکــن انــت۰  گـوں وتـی شونيستی وانينگـی سيستــم ءَ مئـی واننــده ءُ ورنايـاں په زور پارس به تريننـت۰ هنچـوش که چه وتی راج ءُ راجی پجــّار ءَ دور به بنــت ءُ پوستگيــں شونيسم پارس ءِ پگری گــلام به بنــت۰

یکــے چــه اے بلـوچ دژمنيـں سياست ءِ برورد اں ( نتيجــه ياں ) ايش انـت کـه چيـزـے بلـوچ ورنا مـاں رونشتی بلوچستــان ءَ « آسيميلـه » بوتگ انت۰  وتــی راج ءُ راجـی پجـار ءِ بنـداِش جتــگ ءُ ناهودگ ءَ کوشســت کننــت تاں وتا را گــوں شونيســـم پارس ءَ به لـَـچيـننــت !  اداں هما پارس ءِ گپ بيگ انـت کـه سياسـی واکدار انـت ءُ بلوچ ءِ زند جاور اِش چه جهندم ءَ گنتـر کتگ۰

بـے هساب بلوچ ورنايان اِش شهيد کتگ انت۰  مئی هاتونيـں گهار اِش جنوزام ءُ مکئيـں ماتان اِش سوگيگ کتگ انت۰ هـزاراں بلـوچ تبل اِش چوره ءُ يتيم کتـگ انـت۰   بلوچانی باور ءُ دين ءِ بدل کنـگ لوٹنت۰  بلوچی زبان ءِ نزوری ءُ گارکنگ ءَ بـے تهمبل انت ءُ اشتاپ کنگاينت۰ بلوچستان ءِ مال ءُ مادنان شپ ءُ روچ پل ءُ پانچ کنگاينـت۰ آ گون وتی بلوچ دژمنین « طرح توسعه سواحل مکران »  لوتنت تان  بلوچستــان ءِ تیاب ءُ بندنان ءُ ملک ءِ نيلبوئيـں مزن زر ءَ مدامی زوربرد بکننت۰  

اپسـوزی گپ ایش انـت که چنــت بلـوچ واننــده هنچـو چـه وتا ءُ وتــی کــوم ءَ سستـگ ءُ درآمـد بوتگنـت که  هکومت ءِ رستــری کارکرداں مـاں بلـوچ گلزميـــن ءَ  نه گنـدانـت يا کـه گـوں کرمـه گـوشــی ءُ په کســت انکار اِش کننــت۰  بلــوچ دژمنيـں تهـران ءِ واکــداراں گنـدگ ءُ زانـگ انـت که بلوچستـان ءِ آزاتـی ءُ بلوچانـی وت مستری ءِ دؤر نزيک بيگاينــت۰  پـه وتــی مالی ءُ سياســی نـپ ءُ پائـدگ ءِ بـرجـاه دارگ ءَ تکانســـر انــت۰  آ هچبــرنه لوٹنـت که بلوچستـان ءِ وڑيــں گنجيــں ملکــے ءَ آزات ءُ وت مستر به گنـد انــت۰ 

بلئـے ايردستيـں راجانــی جد ءُ جهد ءُ بلوچستــان ءِ تاريـخ پيش داريـت کـه آيوکيـں دؤر ءُ بلوچستـان ءِ بانـدات په زالــم ءُ زورانسرانـی دل ءِ تـب ءُ دلکــش نه بنــــت۰  اے بلـوچ راج انـت که وتـی باندات ءِ هدابـُنــد انـت۰  اگاں چـه تهـران ءِ واکـداراں، هندوستانــی مهاجـر ءُ پنجاپی ياں بلـوچ گلزميــن ء سرا باز زورانســری، کارهرابی ءُ زوالکاری کتگ ءُ مئـے ملک ءُ مردم ءِ ديمـروی ءِ ديمپـاں بوتگ ءُ هست انـت بلئـے بلوچستــان ءُ بلــوچ انگت ءَ هست ءُ سربلنــدانـت۰ 

بلوچستــان ءِ آزاتی ءُ وت مستـری انـت که مئـے آيوکيــں نسل ءُ پدريچـاں شريـں زنــد دات کت کنــت۰  پنجاپی، پارس ءُ گجـرءِ گـلامـی ءُ ايردسـت مانــَگ په بلوچــانی راجی نپ ءَ نــه اِنـت۰  بلــوچ وتـی راجی پجـّارءِ سرا پهــر بند ايـت ءُ بيــد گلامـی سانـکل ءُ زمزيــراں گـِهتـر ديـم په آسـراتی ءُ گهبـودی ءَ شت کنــت۰ 

بلوچستان ءِ آزاتـی ءِ روچ مبارک بات۰  

آزات ءُ آبــاد بات گنجيـــں بلـوچستـــــــــان 

پروشـت ءُ پروش باتنــت ايران ءُ پاکستــان 

 

محمــد کريــم بلــوچ  

يازده اگسـت ۲۰۱۷

Share on
Previous article

ایران کیوں بلوچ لیبریشن چارٹر کی مخالفت کرتا هے اور کس طرح بلوچ آزادی پسندوں میں اختلاف اور منشترکو پروان چڑایا

NEXT article

استقــلالِ بلوچستــان حتمــی اســت – بخش آخر

LEAVE A REPLY