بلوچستان ءِ راجی جنزءِ دیمپان چے اَنت؟ پنچمی بهر

MUST READ

بلوچستان ءِ راجی جنزءِ دیمپان چے اَنت؟ سیمی بهر

بلوچستان ءِ راجی جنزءِ دیمپان چے اَنت؟ سیمی بهر

واگذاری کنترل بخشی ازمرز سراوان به نيروی تروريستی قدس

واگذاری کنترل بخشی ازمرز سراوان به نيروی تروريستی قدس

تجاربی خونین از مذاکرات با اشغالگران

تجاربی خونین از مذاکرات با اشغالگران

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

زمیں کا الَم – نوشین قمبرانی

زمیں کا الَم – نوشین قمبرانی

راهی بجز دفاع از موجودیت ملی و آزادی بلوچستــان باقی نمانده است

راهی بجز دفاع از موجودیت ملی و آزادی بلوچستــان باقی نمانده است

اوجگیری جنبش استقلال طلبانه بلوچستـان و سبعیت ارتش پاکستان

اوجگیری جنبش استقلال طلبانه بلوچستـان و سبعیت ارتش پاکستان

مـولانا آزات بــوت

مـولانا آزات بــوت

27 March Black Day – Baloch Nation Rejects Forceful Occupation of Balochistan

27 March Black Day – Baloch Nation Rejects Forceful Occupation of Balochistan

کیچ مکران دشتءَ پاکستانی فوجی آپریشن – ریڈیو حال

کیچ مکران دشتءَ پاکستانی فوجی آپریشن – ریڈیو حال

بلوچ دژمنیں “سپاه قدس” بلوچ جُهدکاراں میڑینگ انت

بلوچ دژمنیں “سپاه قدس” بلوچ جُهدکاراں میڑینگ انت

بلوچستان اِشغالی در چنگال خونینِ غارتگران – قسمت چهارم

بلوچستان اِشغالی در چنگال خونینِ غارتگران – قسمت چهارم

چرا کمبود آب “مسئله امنیتی” شــد؟

چرا کمبود آب “مسئله امنیتی” شــد؟

شکست اخلاقی اشغالگران

شکست اخلاقی اشغالگران

من ءُ تو همراہ نہ ایں – حفیظ روف

من ءُ تو همراہ نہ ایں – حفیظ روف

بلوچستان ءِ راجی جنزءِ دیمپان چے اَنت؟ پنچمی بهر

2020-03-27 12:03:57
Share on

مئے ءِ راجدپتر ءِ تهاریں بهرے هما سردار ءُ بے سمائیں سردارزادگانی باروانت که گوں ڈنّی یاںهمراه بوته ءُ په بلوچ ءُ بلوچستان ءِ ایردست دارگ ءَ گوں دژمناں  همشؤر بوتگنت۰ اے درآمد پسندیں ٹولی په وتی اَدارُکی نپ ءُ سیتانی هاترا  بلوچ راج  ءَ بے کساس  تاوان داتگ ءُ گلزمین اِش ویران کنائینتگ۰ 

اداں دو هنچوشیں راجدپتری دروَر نام گر کنگی انت که مئے ڈیه ءُ راج اِش بے کچّ ءُ کساس تاوان داته ءُ ملک ءِ تباهی ءُ مرچیگیں بدیں جاورانی دو مزنیں سَوَب انت۰  اولی دروَر رونشتی بلوچستانءِ بارواِنت۰ 

هما درگت ( نوامبر ۱۹۲۸) ءَ که پارس ءِ لدیگی لشکر چه مَشَد، بیرجند ءُ کرمان گوں امان۰۰۰جهانبانی ءِ سروکی ءَ آتک ءَ گلزمین ءِ سرا هلگر کت دوازده کسان ءُ مزنیں سردارگوں شهید دوست محمد هان بدکولی کت؛  بلوچستان ءِ لشکراِش یله کت ءُ  چه میدانِ جنگ ءَ جِست اَنت۰ چنت نپرچه آهان دَرادَر گوں جهانبانی هور بوتنت ءُ چنتے دگه کاسد ءُ کلوه راه دات که آهاں “تسلیم” اَنت ءُ نه لوٹنت پارس ءِ لشکرءِ دیما به اوشتنت۰

دومی  دَروَر مئے ڈیه ءِ رودراتکی بهرءِ بارواِنت۰ رند چه دومی جهانی جنگ ءَ انگریزءِ واکدارءُ مسلم لیگ ٹولی گوں محمد علی جناح ءِ سروکی ءَ شومیں مکسدے گلزمین ءِ باروا هست اَت۰ آ لوٹت بلوچستان ءَ آوار به جننت۰  هما درگت ءَ که پاکستان نامیں ملکے اڈ بیگ اَت محمد علی جناح په بلوچ سردارانی ناتپاک کنگ ءَ باز پلینڈی کت ءُ گڈسرا کامیاب بوت تاں سردارِ خاران، جامِ بیله ءُ گچکی یانی سردارے ءَ گوں وتا هوربه ترینیت۰  
اداں گوشگی انت که ۱۱ اگست ۱۹۴۷ ءَ آزاد بلوچستان ءِ وت مستری چه انگریز ءُ هندوستان ءِ نیمگ ءَ منّگ بوت۰ شومپالیں پاکستان ءِ بُن هِشت ۱۴ اگست هما سال ءَ ایر بوت۰ بیانیه آزادی بلوچستان چه رادیو دهلی  ءَ شنگ بوت۰ بلئے چنت ماه ءَ رند کلپیں جناح که چه بلوچانی بدنسیبی ءَ آوهدا میر احمد یار هان ءِ وکیل اَت هور گوں رَدوارتَگیں سرداراں جار جت که بیله؛ کیچ ءُ خاران گوں پاکستان ءَ هوار بنت ءُ اے وڑا آزاد بلوچستان ءِ ریاست نزور کنگ بوت ءُ گڈسرا  ۲۷ مارچ ۱۹۴۸ ءَ   په رپک ءُ زور  پنجاپی لشکر کلاتءِ سرا هلگر کت ءُ بلوچستان ایردست کنگ بوت۰

 رستریں ڈنّی ( انگریز، پنجاپی ءُ پارس)  ءُ هما بے ساریں سردارءُ هاکم که ماں ۱۹۲۸ ءُ ۱۹۴۷ ءَ گوں ڈنّی یاں همشور بوتنت ءُ بلوچ راچ اِش ایردست کنائینت؛ بلوچستان ءِ هنوگیں جهندمی جاورانی مزنیں میاریگ ءُ گنهکار اَنت۰  
هما  سردارانی لهتیں کاسگ چٹ ءُ نالائکیں پدریچ انگت ءَ گوں ڈنّی یاں هورانت ءُ بلوچاں کشگاینت۰ همیش انت که گوں سپاه ایرانی ءُ  پاکستانی آی۰ اس۰آی همزان انت ءُ هنوں یکے چه بلوچستان ءِ راجی جنزءِ دیمپاناں بوتگنت۰ اشاں په بلوچانی ناتپاک کنگ ءُ میڑینگ، بلوچانی هلاپ ءَ جاسوسی ءُ چگلی، بلوچ کشی، بلوچستان ءِ راجی سرمایه یانی پل ءُ پانچ لدیگی دژمنانی اَزبابے جوڑ بوتگ اَنت۰  
ماں رونشتی بلوچستان ءَ ایرانی واکداراں په کست ءُ کینگ لوٹنت پدا بے سیت ءُ مرتگیں سرداری سیستم ءَ زندگ به کننت ءُ په اے شومیں مکسدءِ پوره کنگ ءَ هر جاهلیں مردمے ءِ سرا پاگے بنداَنت۰  اشانی نام ءُ نشان په بلوچاں پدّرانت ءُ اگاں چه ماں اے نبشتانک ءَ نام گر کنگ اش پَکار نهنت بلئے روچے کئیت که اشانی پلیتیں نام شنگ به بنت۰  
سپاه پاسدارانءِ نامینتگیں  وتگلا ءُ جاهلیں سردارُک په  رِڈیں پاگے ءِ هاترا  هر بلوچے ءَ کوشاریننت۰  آ بلوچ راج ءِ دشمنانی گلام اَنت ءُ ناهودگیں زند اِش گوں ڈنی دشمنانی نپ ءُ سیتاں همگرنچ انت۰ راجی جنزءِ اے دیمپاں گوں بلوچانی راجی بیداری ءُ تپاکی ءُ جهدکاری نزور کنگ ءُ دور کنگ بیت.
 

 

پروشت ءُ پروش باتنت ايران ءُ پاکستـــان

آزات ءُ آبــاد بــات گنجيـــں بلوچستــــــان

محمــد کريـم بلــوچ
دسمبر ۲۰۱۷

Share on
Previous article

صوفی باہوٹ چک پیر محمد سری کلگ پیدارک کیچ ءُ ولی محمد چک شکاری یوسف سولانی سری کلگ پیدارک کیچ بیگواهیءُ شهادتءِ حال

NEXT article

منی غیر بلوچیں معلمءَ منا هر وهد توهین کت ءُ جہل جت و کوشیشت کرت کہ من وانگءَ هلاس به کنان . سامان ریگی

LEAVE A REPLY