بلوچستان ءِ راجی جنزءِ دیمپان چے اَنت؟ پنچمی بهر

MUST READ

تربت: فورسز نے محاصرہ شدہ مکان سے خاتون کو دو بچوں سمیت نامعلوم مقام پہ منتقل کر دیا

تربت: فورسز نے محاصرہ شدہ مکان سے خاتون کو دو بچوں سمیت نامعلوم مقام پہ منتقل کر دیا

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

چرا کمبود آب “مسئله امنیتی” شــد؟

چرا کمبود آب “مسئله امنیتی” شــد؟

آزادی پسند تنظیموں کی اتحاد

آزادی پسند تنظیموں کی اتحاد

مغربی بلوچستان میں بلوچ مسلح دستوں کے ھاتھوں ایرانی ڈرون طیارہ نشانہ بنایا گیا۔ دوسری جانب ایرانی فورسسز مشرقی بلوچستان میں داخل ھونے کے لئے پاکستانی حکام سے رابطے میں ھیں۔

مغربی بلوچستان میں بلوچ مسلح دستوں کے ھاتھوں ایرانی ڈرون طیارہ نشانہ بنایا گیا۔ دوسری جانب ایرانی فورسسز مشرقی بلوچستان میں داخل ھونے کے لئے پاکستانی حکام سے رابطے میں ھیں۔

بيگواهی

بيگواهی

بی این ایم کی جانب سے کوئٹہ پریس کلب کے سامنے احتجاجی مظاہرہ

بی این ایم کی جانب سے کوئٹہ پریس کلب کے سامنے احتجاجی مظاہرہ

نوکترین حال Saturday, October 17, 2015

نوکترین حال Saturday, October 17, 2015

Independence Movement of Balochistan-

Independence Movement of Balochistan-

ترانے ڈاکتر اللہ نذر ءَ 3 جانوری 2016 کُتگ

ترانے ڈاکتر اللہ نذر ءَ 3 جانوری 2016 کُتگ

طرحِ تجزیه و تقسیـم بلوچستـان خیانتی است بزرگ به ملت بلـوچ سرزمین بلوچستــان درطول تاریخ به مردم مقاوم بلــوچ تعلـق داشته است

طرحِ تجزیه و تقسیـم بلوچستـان خیانتی است بزرگ به ملت بلـوچ سرزمین بلوچستــان درطول تاریخ به مردم مقاوم بلــوچ تعلـق داشته است

هجوم لشکر تمدن ستیز خامنه ای و العبادی به کوردستان مستقل

هجوم لشکر تمدن ستیز خامنه ای و العبادی به کوردستان مستقل

اوجگیری جنبش استقلال طلبانه بلوچستـان و سبعیت ارتش پاکستان

اوجگیری جنبش استقلال طلبانه بلوچستـان و سبعیت ارتش پاکستان

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

گوادر میں پاکستان نیوی کے اہلکاروں پر حملے کی ذمہ داری بی ایل اے قبول کرتی ہے۔

گوادر میں پاکستان نیوی کے اہلکاروں پر حملے کی ذمہ داری بی ایل اے قبول کرتی ہے۔

بلوچستان ءِ راجی جنزءِ دیمپان چے اَنت؟ پنچمی بهر

2020-03-25 17:07:41
Share on

مئے ءِ راجدپتر ءِ تهاریں بهرے هما سردار ءُ بے سمائیں سردارزادگانی باروانت که گوں ڈنّی یاںهمراه بوته ءُ په بلوچ ءُ بلوچستان ءِ ایردست دارگ ءَ گوں دژمناں  همشؤر بوتگنت۰ اے درآمد پسندیں ٹولی په وتی اَدارُکی نپ ءُ سیتانی هاترا  بلوچ راج  ءَ بے کساس  تاوان داتگ ءُ گلزمین اِش ویران کنائینتگ۰ 

اداں دو هنچوشیں راجدپتری دروَر نام گر کنگی انت که مئے ڈیه ءُ راج اِش بے کچّ ءُ کساس تاوان داته ءُ ملک ءِ تباهی ءُ مرچیگیں بدیں جاورانی دو مزنیں سَوَب انت۰  اولی دروَر رونشتی بلوچستانءِ بارواِنت۰ 

هما درگت ( نوامبر ۱۹۲۸) ءَ که پارس ءِ لدیگی لشکر چه مَشَد، بیرجند ءُ کرمان گوں امان۰۰۰جهانبانی ءِ سروکی ءَ آتک ءَ گلزمین ءِ سرا هلگر کت دوازده کسان ءُ مزنیں سردارگوں شهید دوست محمد هان بدکولی کت؛  بلوچستان ءِ لشکراِش یله کت ءُ  چه میدانِ جنگ ءَ جِست اَنت۰ چنت نپرچه آهان دَرادَر گوں جهانبانی هور بوتنت ءُ چنتے دگه کاسد ءُ کلوه راه دات که آهاں “تسلیم” اَنت ءُ نه لوٹنت پارس ءِ لشکرءِ دیما به اوشتنت۰

دومی  دَروَر مئے ڈیه ءِ رودراتکی بهرءِ بارواِنت۰ رند چه دومی جهانی جنگ ءَ انگریزءِ واکدارءُ مسلم لیگ ٹولی گوں محمد علی جناح ءِ سروکی ءَ شومیں مکسدے گلزمین ءِ باروا هست اَت۰ آ لوٹت بلوچستان ءَ آوار به جننت۰  هما درگت ءَ که پاکستان نامیں ملکے اڈ بیگ اَت محمد علی جناح په بلوچ سردارانی ناتپاک کنگ ءَ باز پلینڈی کت ءُ گڈسرا کامیاب بوت تاں سردارِ خاران، جامِ بیله ءُ گچکی یانی سردارے ءَ گوں وتا هوربه ترینیت۰  
اداں گوشگی انت که ۱۱ اگست ۱۹۴۷ ءَ آزاد بلوچستان ءِ وت مستری چه انگریز ءُ هندوستان ءِ نیمگ ءَ منّگ بوت۰ شومپالیں پاکستان ءِ بُن هِشت ۱۴ اگست هما سال ءَ ایر بوت۰ بیانیه آزادی بلوچستان چه رادیو دهلی  ءَ شنگ بوت۰ بلئے چنت ماه ءَ رند کلپیں جناح که چه بلوچانی بدنسیبی ءَ آوهدا میر احمد یار هان ءِ وکیل اَت هور گوں رَدوارتَگیں سرداراں جار جت که بیله؛ کیچ ءُ خاران گوں پاکستان ءَ هوار بنت ءُ اے وڑا آزاد بلوچستان ءِ ریاست نزور کنگ بوت ءُ گڈسرا  ۲۷ مارچ ۱۹۴۸ ءَ   په رپک ءُ زور  پنجاپی لشکر کلاتءِ سرا هلگر کت ءُ بلوچستان ایردست کنگ بوت۰

 رستریں ڈنّی ( انگریز، پنجاپی ءُ پارس)  ءُ هما بے ساریں سردارءُ هاکم که ماں ۱۹۲۸ ءُ ۱۹۴۷ ءَ گوں ڈنّی یاں همشور بوتنت ءُ بلوچ راچ اِش ایردست کنائینت؛ بلوچستان ءِ هنوگیں جهندمی جاورانی مزنیں میاریگ ءُ گنهکار اَنت۰  
هما  سردارانی لهتیں کاسگ چٹ ءُ نالائکیں پدریچ انگت ءَ گوں ڈنّی یاں هورانت ءُ بلوچاں کشگاینت۰ همیش انت که گوں سپاه ایرانی ءُ  پاکستانی آی۰ اس۰آی همزان انت ءُ هنوں یکے چه بلوچستان ءِ راجی جنزءِ دیمپاناں بوتگنت۰ اشاں په بلوچانی ناتپاک کنگ ءُ میڑینگ، بلوچانی هلاپ ءَ جاسوسی ءُ چگلی، بلوچ کشی، بلوچستان ءِ راجی سرمایه یانی پل ءُ پانچ لدیگی دژمنانی اَزبابے جوڑ بوتگ اَنت۰  
ماں رونشتی بلوچستان ءَ ایرانی واکداراں په کست ءُ کینگ لوٹنت پدا بے سیت ءُ مرتگیں سرداری سیستم ءَ زندگ به کننت ءُ په اے شومیں مکسدءِ پوره کنگ ءَ هر جاهلیں مردمے ءِ سرا پاگے بنداَنت۰  اشانی نام ءُ نشان په بلوچاں پدّرانت ءُ اگاں چه ماں اے نبشتانک ءَ نام گر کنگ اش پَکار نهنت بلئے روچے کئیت که اشانی پلیتیں نام شنگ به بنت۰  
سپاه پاسدارانءِ نامینتگیں  وتگلا ءُ جاهلیں سردارُک په  رِڈیں پاگے ءِ هاترا  هر بلوچے ءَ کوشاریننت۰  آ بلوچ راج ءِ دشمنانی گلام اَنت ءُ ناهودگیں زند اِش گوں ڈنی دشمنانی نپ ءُ سیتاں همگرنچ انت۰ راجی جنزءِ اے دیمپاں گوں بلوچانی راجی بیداری ءُ تپاکی ءُ جهدکاری نزور کنگ ءُ دور کنگ بیت.
 

 

پروشت ءُ پروش باتنت ايران ءُ پاکستـــان

آزات ءُ آبــاد بــات گنجيـــں بلوچستــــــان

محمــد کريـم بلــوچ
دسمبر ۲۰۱۷

 

Share on
Previous article

بلوچستــــانءِ هیروشیمـــا

NEXT article

بلـــوچ گلزميــــن ءِ انــــداز ءُ سيمســـراں

LEAVE A REPLY