بلوچستــــانءِ هیروشیمـــا

بلوچستــــانءِ هیروشیمـــا

2020-03-20 17:06:31
Share on

بیست ءُ هشـت تاں سی اُم ماهِ مئـی  سال ۱۹۹۸ ءَ پاکستان ءِ بلوچ دژمنیں پَئوج ءِ اتمی تیم  ماں بلوچ گلزمین ءِ چاگی ءُ  راسکوه ءَ هما رستـری کار کت که تاں زمین ءُ زمان هست اَنت آ انسان دژمنیں زوالکاریءِ کارپد گار نه بنت۰ آ وتی ابلیسی بمباں دور چه گجرات ءُ پنجاپ ءَ ماں بلوچ گلزمیـن سرا تِست کتنت تانکه بلـوچ راج گیشتــرتاوانبار به بیـت۰  

 پاکستانی پئوج ءِ اَتمی تیم  هما سئيں روچاںی درگت ءَ  پنچ اتمی بمب ماں راسکوه ءِ  دلءَ  چَکّاس اِت ءُ تراکینت۰ چار بمب که سرجم ءَ چل و پنچ کیلو تُن اتنت بیست ءُ هشت مئی ءِ شومیں روچ ءَ راسکوه ءُ چاگی ءُ بلوچ گلزمین ءَ جکسینت ءُ پنچمی بمب که هژده کیلو تُـن اَت ماه مئی ءِ سی اُمی  روچءَ  ماں گنجیں راسکوهءَ تِست کنگ بوت۰ 

بمبانی چَکّاسگ ءَ رند  رستریں پئوجی گل کت ءُ پنجاپ جشن گپت بلئے بلــوچ سوگیگ بوتنت۰  پاکستان ءِ اتمی بمباں هـزاراں انسـان ءُ دگه سادارانی زند ءُ جان سلامتی جاوراں هما دمانءَ  تباه کـت ءُ تن تن بلوچانی لآپی چکاں هم پنجاب ءِ بمبانی رادیواکتیوی زهـرءِ آماچ بوتنت۰ 

رند چه بمبانی تِست کنگءَ آ دمگءِ مـردم وڑوڑیں پوستی بیماری ءُ لاپرچ ءُ شانَگ، سردرد، چمءِ بیماری،  جاندرد، کوری، پُپّ ءُ گٹگانی بیماری، شومک ( کینسر)ءِ آماچ انت۰  بمبانی توار ءُ گوات ءُ لوڈ ءُ جهان سوچیں رادیواکتیوی پُلگ ءُ دنزءَ  هر سادارے ءَ که سر بوت هما دمان ءَ مرت انت یا که سر سوچ ءُ بیمار بوتنت ءُ رندترا ازاب کوش بوتنت۰ 

بلوچستـان ءِ راسکـوه ءِ  هنار ءُ هنگور ءُ هالگ ءِ درچکانی هنڈالاں هم ستک ءُ مرت انت ءُ اگاں چه دور چه بمبانی ترکَّگ ءِ جاهے جاهے هنگت ءَ بر ءُ نیبگ دینت بلئے  ورگی نهنت۰ گوستگیں دؤر شاهد انت که راسکوه ءِ گـٹ ءُ گَـر ءُ سنداتانی نیبگ بے درور اتنت۰ 

آ دمگ ءِ جرّ ءُ داراں، گون ءُ کسور، آرچن ءُ گیشر، گواتام ءُ پلوش، ڈولوک ءُ کریچان هم سُتک انت ءُ هشـک بوتنت۰ راسکوه ءِ چمگانی آپ رادیواکتیوی بوتنت ءُ ورگی نهنت۰ اگاں انسان یا دگه سادارے گلمبے چه آ آپءَ به وارت  گڑا دیر یا زوت بیمار بیت ءُ گڈسرا چه همے سَوَب ءَ مِریت۰  

چاگی ءُ راسکوه ءِ هشترءُ گوک ءُ آسک، کوهی پاچن ءُ گورانڈ، بز ءُ میش ءُ هـرءَ روباه ءُ مم ءُ تولگ ءُ مار ءُ زیم ءُ کُلیڑءُ داب دابیں بالی مرگاں هم چه  پاکستان ءِ اتمی بمبانی سَوَب ءَ مُرت انت یا که مرکی بوتنت۰

 اتمی بمبانی همے زوالکاری ءُ بربادی یانی سوب ءَ پنجاپ ءِ پئوج وتی ابلیسی بمباں ماں پنجاپ ءَ تِست نه کتنـت۰ آ بلوچ دژمنیں لَدیگ په پنجاپیانی آسراتی ءَ مئے لوگ ءُ مئے ڈیه ءُ هنکیں آس مانداشتـگ ءُ راسکـوه اِش مُـدامی ویـران کــت۰ 

آزات ءُ آباد بـــات گنجيـــــں بلـوچستــــان 

پروشـت ءُ پروش باتنت ايران ءُ پاکستــان

محمــد کريم بلــوچ  

ماهِ مئـی ۲۰۱۸ 

Share on
Previous article

حمید صمصام نمونه بارز یک فاشیست ملی ـ مذهبی

NEXT article

بلوچ ورنایانی راجی بیداری

LEAVE A REPLY

MUST READ

بلوچ بامرد دادشاہ کمال

بلوچ بامرد دادشاہ کمال

لالچ ءُ پاکستان: پت ءُ چُک یا چُک ءُ پت؟

لالچ ءُ پاکستان: پت ءُ چُک یا چُک ءُ پت؟

خاطره شهدای دِزَّک و هُشَّک جاودان خواهد ماند

خاطره شهدای دِزَّک و هُشَّک جاودان خواهد ماند

ہم پاکستان کے ہاتھوں نسل کشی کا شکار ہیں‘: بی ایل ایف کے کمانڈر ڈاکٹر اللہ نذر سے انٹرویو

ہم پاکستان کے ہاتھوں نسل کشی کا شکار ہیں‘: بی ایل ایف کے کمانڈر ڈاکٹر اللہ نذر سے انٹرویو

نوکترین ریڈیو حال

نوکترین ریڈیو حال

گپ ءُ ترانے گون وائس فار بلوچ میسنگ پرسنزءِ چیرمین نصراللہ بلوچءَ

گپ ءُ ترانے گون وائس فار بلوچ میسنگ پرسنزءِ چیرمین نصراللہ بلوچءَ

بلوچستان اِشغالی در چنگال خونینِ غارتگران

بلوچستان اِشغالی در چنگال خونینِ غارتگران

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

واجه عبدالصمد امیریءِ تپاکیءِ پیغام پا بلوچ راجءَ

واجه عبدالصمد امیریءِ تپاکیءِ پیغام پا بلوچ راجءَ

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

دس 10 ہزار سے زاہد بگٹی پناہ گزین افغانستان میں کسمپرسی کی زندگی گزار رہے ہیں۔ نواب براہمدغ بگٹی ریڈیو

دس 10 ہزار سے زاہد بگٹی پناہ گزین افغانستان میں کسمپرسی کی زندگی گزار رہے ہیں۔ نواب براہمدغ بگٹی ریڈیو

مسعود بارزانی کی طرف سے کردستان کی آزادی کی ریفرنڈم پر سمجھوتہ نہ کرنا خوش آئند ہے: حیربیار مری

مسعود بارزانی کی طرف سے کردستان کی آزادی کی ریفرنڈم پر سمجھوتہ نہ کرنا خوش آئند ہے: حیربیار مری

من ءُ تو همراہ نہ ایں – حفیظ روف

من ءُ تو همراہ نہ ایں – حفیظ روف

ہندوستان کھل کر بلوچوں کی سیاسی ،سفارتی اور اخلاقی مدد کریں۔ حیر بیار مری

ہندوستان کھل کر بلوچوں کی سیاسی ،سفارتی اور اخلاقی مدد کریں۔ حیر بیار مری

استقلال الاحواز حق مسلم ملت عرب است

استقلال الاحواز حق مسلم ملت عرب است