بلوچ دژمنیں سپاہ ڈیہ ءِ جنیں آدماں بندی کنگ اِنت
2020-03-25 16:02:39
پانزدہ روچ انت شیرزالیں رابعہ گمشادزھی خامنہ ای لدیگی سپاہ ءِ دستا بندیگ بزاں “اسیر” اِنت ۰ ھچ کس چہ بانُک رابعہ ھال مالوم نھنت۰ بلوچستان ءِ بے گناھیں رابعہ ءُ آدگہ جنین آدمانی بندیگ کنگ ھنچیں دَروَراَنت کہ تاں ابد ماں ڈیہ ءِ راجدپترا ماننت۰ اے درآمدیں سپاہ ءِ زوراکی ءُ ءِ ھما رستری کارکردانت کہ قاجار ءُ صفوی یانی سیا ھیں دورءِ ازاب دیوکیں یاتاں تاجگ کننت۰
انسان دژمنیں سپاہ رابعہ گمشادزھی ءَ ماں زندان ءُ شزاجاہاں جلّتگ تاں چہ آیی ءِ لوگ واجہ پکیر محمد گمشادزھی ءُ چہ جیش العدل ءُ بلوچ راج ءَ بیرگیری بکنت۰ اے گھار ڈیہ ءِ جنین آدمانی بےگناھی ءِ تواراِنت۰ رابعہ ءِ بندی کنگ بلوچ ءِ وجود ءَ پدرد کتگ ءُ آتھنا نھنت۰ باید انت آیی ءِ آزاتی بلوچ راج ءِ لوٹ بہ بیت۰
اگاں وتی توار ءَ ھنوں پہ گھار رابعہ ءُ آدگہ بلوچ بندیگانی آزاتی ءَ بُرز مہ کنیں باندات دیربیت۰ اگاں بے برمش بہ نندین ءُ بچاریں درستاں میاریگیں۰ گڑا مئے بندیگیں برات ءُ گھاراں، ڈیہ ءِ آیوکیں نسل ھچ کَس ءَ پَھل نکننت۰
زالمیں خامنہ ای ءُ آیی ءِ بزدلیں سپاہ ءِ المّی شکست نزّیک انت۰ بلوچستان ءِ راجدپترگواہ انت کہ بلوچانی لشکر صفویانی بادشاھی پروش دات۰ پہ ھامنہ ای ءُ ھنوگیں زالمانی بادشاھی ءِ پروش دیگ ءَ بلوچ راج شپ ءُ روچ کربانی دیگ انت۰ گھار رابعہ ءُ ڈیہ ءِ جنیں آدمانی بندیگ کنگ ءُ شزادیگ دژمن ءِ ھنچوشیں بزدلی ءُ رستری کاراَنت کہ ھچ بر شموشگ نہ بنت ءُ بے پَسّو( جواب ) نماننت۰
محمد کریم بلوچ
مانداشتــگ اِت ڈیه ءَ مئے آســے تئـے هَنـکیں کپـات
ھَشر ءُ کمک کاری گرانبھائیں بلوچی دود اَنت
