بلوچ دژمنیں “سپاه قدس” بلوچ جُهدکاراں میڑینگ انت

بلوچ دژمنیں “سپاه قدس” بلوچ جُهدکاراں میڑینگ انت

2020-03-25 18:40:19
Share on

بلوچستان ءِ راجدپترءِ تجربه ءُ اِندِرستانی شموشگ په راجی جنزءِ نپ ءُ سیت ءَ نهنت۰ ادان راجدپترءِ هما درسءَ  نام گِر کنان که نبایداِنت یک رندے  دگه چکاسگ به بیـت۰ دوار سوچیں وت ماں وتی جنگ ءُ جیڑه چه چاکر ءُ گوهرام ءِ دور بگر تاں هنوگیں دور یکی چه سَوَبان اِنت که ڈنی  ءُ دژمن بلوچانی ملک ءَ آوار جتگ ءْ هنوں وتیگی کنگ ۰ 

بید بلوچانی وت ماں وتی جیڑه هچ دژمنے گلزمین ءَ آوار جت کت نه کت۰  بید بلوچانی میڑینگ ءَ انگریز اں نه توانت سوبین به بنت۰ اگاں بلوچ تپاک به بوتین انت گڑا رضا میرپنج پروش وارتگ ات ءُ مگربی بلوچستان ءَ اے “هالِ زار” نه بوت۰ اگاں جام بیله ءُ سردار خاران ءُ  گچکی سردارگوں خان ءَ کلات هور ءُ تپاک به بوتین انت ءُ محمد علی جناح ءِ ابلیسی دام ءَ مه کپتین انت گڑا  بلوچاں ماں ۱۹۴۸ ءَ پروش نه وارت ءُ  رودراتکی بلوچستان هنوں آزاتیں ملکے اَت۰

هنوں بلوچ دژمنیں “سپاه قدس” ءُ پارس فاشیستاں چن ءُ لانچ انت تاں بلوچاں به میڑین  انت۰  اے پدریں گپے انت که رودراتکی بلوچستان ءِ شمارے جهدکار مگربی بلوچستان ءَ آتکگ انت ءُ اداں ایرانی واکداراں بزاں سپاه پاسداران آهاں په یک ڈکّے ( شرطے)  ماں بلوچستان ءِ سربازءُ سراوان ءُ چهبار ءُ دشتیاری ءَ جلّتگ اَنت۰ 

گجرانی  ڈکّ بزاں “شرط” ایش انت که آ گوں بسیج ءُ سپاه ءَ همکاری بکننت اگاں ناں آهانی آسر شهید عابد زامرانی ءُ دو بلوچ ورناے وڑا بیت که ماں مگس ءَ شهید بوتنت۰

رونشتی بلوچستان ءِ  جهدکارانی سلهبندیں هوربند “جیش عدل” ءَ جار جتگ که سئے جهدکار  مدتے ءَ پیش گلزار نامیں بلوچے ءِ گروپ  چه رودراتکی بلوچستان ءَ دسگر کتگ ءُ  ماں رونشتی بلوچستان ءَ سپاه پاسداران ءِ دستا داتگ اَنت۰ 

چنت روچ پیش  ءَ هم ماں زامران ءَ “جیش عدل” ءِ جهدکارانی سرا هلگر ءُ تیرگواری کنگ بوته ءُ هلگرکنوکاں سپاه قدس ءَ پرمائینتگ اَنت۰ 

اداں نبیسگی انت که اے گئیر بلوچی کِرد انت۰  آ سئیں  ورنایانی پت ءُ مات ءُ لوگ مردمانی جوابءَ کئے دنت؟  اے دژمن پسندیں کارءِ زمه وار کئے انت؟

بلوچ رهشون ءُ جهدکاراں دلگوش گورکنگی انت که لائکیں راجی رهشون ءِ جوانیں درورے کوردستان ءِ جلال طالبانی انت۰  وهدے که تورکی ءِ واکدار ماں دیوانے چه آیی ءَ  لوٹت تاں کوردستان ءِ باهوٹیں پ۰ ک۰ ک۰ پیشمرگان ءَ دسگر بکنت ءُ تورکانی دست ءَ بدنت گڑا آیی ءَ درّائینت : ” پیشمرگ که اناں  من شما را یک کوردی پِشِّکے ( گُربگے) هم دستا نه دیاں”۰ 

بلوچ رهشون ءُ جهدکاراں زانگی انت که  اے نئے بلوچی کار اَنت ءُ نئیکه راجی کِرد۰   بلوچاں دشمن ءِ دستا دیگ ءُ کوشارینگ په سرمچار ءُ راجی کماش ءُ رهشوناں پهرے نهنت۰ چشیں  ردیں کار راجی جنز ءِ هُنڈالاں هشک کنت۰
ما را هژار بیگی انت که بلوچ دشمنیں سپاه ءِ برنامه ءُ لوٹ مگربی ءُ رودراتکی جهدکارانی میڑینگ انت۰  اگاں  دوارسوچیں جنگے بنگیج به بیت گڑا راجی جنز ءِ کاروان سریں پروش بیت۰ چه دوئیں نیمگ ءَ بلوچ تاوان کننت ءُ مئے دشمن بزاں پارس ءُ پنجاپی په ملک ءِ مدامی زوربرد کنگ ءَ سوبین بنت۰ 

اے درستیں بلوچانی انسانی ءُ راجی زمّه انت که  “سپاه قدس” ءِ  پلینڈی برنامه ءُ بلوچ دشمنیں کارکرداں پروش به دینت ءُ تهران ءُ اسلام آباد ءِ واکداراں موه مه دینت تاں دوارسوچیں جنگے ءِ آس ماں گلزمین ءَ  روک بکننت۰ 

آزات ءُ آبــاد بات گنجيـــں بلـوچستـــــــــان 

پروشـت ءُ پروش باتنــت ايران ءُ پاکستــان 

محمــد کريــم بلــوچ  

اگسـت ۲۰۱۷

Share on
Previous article

پاکستان وایران کا بلوچ قومی جہد کے خلاف ہمیشہ سے ایک قریبی تعاون رہا ہے:حیربیارمری

NEXT article

دہشت گردی کا مرکز پاکستان جیسے انتہا پسند ممالک ہیں : حیر بیار مری

LEAVE A REPLY

MUST READ

واجه عبدالصمد امیریءِ تپاکیءِ پیغام پا بلوچ راجءَ

واجه عبدالصمد امیریءِ تپاکیءِ پیغام پا بلوچ راجءَ

غارت گستردهٔ معادنِ بلوچستان اِشغالی

غارت گستردهٔ معادنِ بلوچستان اِشغالی

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون بانک کارینا جهانیءَ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون بانک کارینا جهانیءَ

قمبرچاکرءِ زندءِ سرا چماشانکے

قمبرچاکرءِ زندءِ سرا چماشانکے

دیـزل ( گازوئیـل ) ءِ مافیـایی سوداگِـری

دیـزل ( گازوئیـل ) ءِ مافیـایی سوداگِـری

هر کار په بود ءُ هِمّت انت

هر کار په بود ءُ هِمّت انت

بلوچستان ءِ راجی جنزءِ دیمپان چے اَنت؟ پنچمی بهر

بلوچستان ءِ راجی جنزءِ دیمپان چے اَنت؟ پنچمی بهر

حال – بلوچستانءَ بیگواهی ءُ کشت ءُ کوش انگت سرجم انت

حال – بلوچستانءَ بیگواهی ءُ کشت ءُ کوش انگت سرجم انت

شهید فدا احمد پارلیمانی سیاست کنوکانی شازش هانی آماچ بوت – گپ و ترانے گون بلوچ سیاسی جهدکاران شهید فدا احمدءِ بابتءَ

شهید فدا احمد پارلیمانی سیاست کنوکانی شازش هانی آماچ بوت – گپ و ترانے گون بلوچ سیاسی جهدکاران شهید فدا احمدءِ بابتءَ

ملّا فاضل ءِ پنت و شون

ملّا فاضل ءِ پنت و شون

صوفی باہوٹ چک پیر محمد سری کلگ پیدارک کیچ ءُ ولی محمد چک شکاری یوسف سولانی سری کلگ پیدارک کیچ بیگواهیءُ شهادتءِ حال

صوفی باہوٹ چک پیر محمد سری کلگ پیدارک کیچ ءُ ولی محمد چک شکاری یوسف سولانی سری کلگ پیدارک کیچ بیگواهیءُ شهادتءِ حال

بلوچستان ءِ راجی جنزءِ دیمپان چے اَنت؟ سیمی بهر

بلوچستان ءِ راجی جنزءِ دیمپان چے اَنت؟ سیمی بهر

بلــوچ ءِ راجی سرمایہ ءُ مالانی پُل ءُ پانـچ

بلــوچ ءِ راجی سرمایہ ءُ مالانی پُل ءُ پانـچ

ماہِ اپریل میں آپریشن دوران 120 سے زائد افراد لاپتہ، 24قتل کئے گئے، بی بی گل بلوچ

ماہِ اپریل میں آپریشن دوران 120 سے زائد افراد لاپتہ، 24قتل کئے گئے، بی بی گل بلوچ

نوکین حال Saturday, April 20, 2013

نوکین حال Saturday, April 20, 2013