*بلوچ شیرزالانی توار ابدمان بوت!*

کاناداءِ پلیس زیکّیں روچ 21 دسمبر ءَ جار پرّینت که بانک کریمه بلوچ ءِ لاش ماں تورنتو ءَ دست کپتگ!  

شهید کریمه بلوچ بلوچستان ءِ میلیوناں جنینءِ برزیں توار، بی. اس. او ءُ بی. ان. ام ءِ رهدربر،  بلوچ راج ءِ جهدکاریں رهشون ءُ بلوچستان ءُ دگنیاءِ جنینانی برزیں توار اَت.

شهید کریمه بلوچ دشمنان ءِ کینگانی آماچ بوت. آ په ا ے هاترءَ  ترور کنگءُ کشگ بوت که بلوچستان ءِ جنینان ءُ بلوچ سرزمین ءِ آجویی زرمبش ءِ توار اَت ءُ په انسانی ارزشانی پهریزگ ءَ جهد ءُ کوشست کنگ اَت.

درملک ءِ جاهمنندیں بلوچاں هاسکار کاناداءِ بلوچاں دلگوش گور کنگی انت که  ما درستاں مزنیں اگده اے هنوں هست انت.  

ما را زانگی انت که شهید کریمه ءِ کیس ءَ یک تجربه کار ءُ الکاپیں کانادایی وکیلے پکار انت تنکه شهید ساجد حسین ءِ کیس ءِ پیم ءَ زوت بندگ مه بیت.  

شهید کریمه ءِ هون ءُ بلوچستان ءِ هزاراں شهیدانی هون هچبر تاوان نه بنت ءُ بلوچستان ءِ شیرزالانی برزیں  توار،  شهید کریمه ءِ انساندوستی کلوه په آزاتی ءُ انسانیت ابدمان انت.

محمد کریم بلوچ

22 دسمبر 2020