تکانسـریـں خامنه ای: ایران ٹُکُّــرٹُـکُّــربیـت

MUST READ

سلمان میایی را بی گناه پرپر کردند – علی میایی جدگال

سلمان میایی را بی گناه پرپر کردند – علی میایی جدگال

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ – دومی بهر

بلوچ راجی مزن جهدکار واجہ عبدالصمد امیریءِ زندتاک، دیوانے گون واجہ اسماعیل امیریءَ – دومی بهر

اگربلوچ قیادت منتشر رہی توقومی تحریک آزادی دنیاکے توجہ سے محروم رہے گی:عبدالستار پُردلی

اگربلوچ قیادت منتشر رہی توقومی تحریک آزادی دنیاکے توجہ سے محروم رہے گی:عبدالستار پُردلی

بلوچی زبان بلوچانی میراث انت

بلوچی زبان بلوچانی میراث انت

ایران کیوں بلوچ لیبریشن چارٹر کی مخالفت کرتا هے اور کس طرح بلوچ آزادی پسندوں میں اختلاف اور منشترکو پروان چڑایا

ایران کیوں بلوچ لیبریشن چارٹر کی مخالفت کرتا هے اور کس طرح بلوچ آزادی پسندوں میں اختلاف اور منشترکو پروان چڑایا

سچ وہی جو جھوٹا بولے – کردگار بلوچ

سچ وہی جو جھوٹا بولے – کردگار بلوچ

بيست و هفتم مارس روزی سياه در تاريــخ بلوچستــــان

بيست و هفتم مارس روزی سياه در تاريــخ بلوچستــــان

جیش العدل کے کمانڈر ایوب بلوچ سے گفتگو

جیش العدل کے کمانڈر ایوب بلوچ سے گفتگو

پاکستان عالمی قوانین کی خلاف ورزیوں کا مرتکب ہورہا ہے

پاکستان عالمی قوانین کی خلاف ورزیوں کا مرتکب ہورہا ہے

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

خاطره شهدای دِزَّک و هُشَّک جاودان خواهد ماند

خاطره شهدای دِزَّک و هُشَّک جاودان خواهد ماند

زوراکیانی-آماچ-یعقوب-مھر-نہاد

زوراکیانی-آماچ-یعقوب-مھر-نہاد

شاهرودی مسئول اعدام صدها بلوچ است

شاهرودی مسئول اعدام صدها بلوچ است

اساتذہ و سرکاری ملازمین مردم شماری میں حصہ لینے سے گریز کریں،سخت حملے کریں گے، بی ایل ایف

اساتذہ و سرکاری ملازمین مردم شماری میں حصہ لینے سے گریز کریں،سخت حملے کریں گے، بی ایل ایف

شھید الیاس نزرءِ ماتءِ کلوّہ

شھید الیاس نزرءِ ماتءِ کلوّہ

تکانسـریـں خامنه ای: ایران ٹُکُّــرٹُـکُّــربیـت

2020-03-30 12:52:25
Share on

گوں رضا میرپنچ ءِ دیماآرگ ءَ رند چه اولی جهانی جنگ ءَ انگریزاں ایران ءِ اداری ءُ سیاسی سیستم ءِ بن هشت ءَ ایرکرت۰ رضا میرپنچ ءُ پرشیاےءِ  لشکر (قشون فارس) گوں انگریزانی همشوری ءُ همکاری ءَ کورد، بلوچ، آزری تورک، تورکمن ءُ ا لاحوازی عرب ءِ سرا ارش برت۰ رند چه آهانی کشت ءُ کوش ءُ پروش دیگ ءَ رضا میرپنچ جارجت که آ پرشیاےءِ  بادشاه انت.

ایران گوں جنگ ءُ کشت ءُ کوش ءَ اڈ بیت ءُ اے ملکءِ وجـود ءُ شومیں زند بیگناهیـں انسانانءِ هونانی ریچگ ءُ انسان کشـی ءَ گوں همگرنچ انـت۰ اے ملک زلم ءُ بے عدالتـی ءُ تروریسـم ءِ نشان انـت۰

ملا خامنه ای که هنوں همے زوال بیگی ملک ءِ مذهبی ءُ سیاسی سروک انت گوں پریشانی ءَ گندگاینت که اے پرشتگیں بوجیگ ماں بیگناهیں انسانانی دریایِ هون ءَ بڈگ اِنت. هچ شک ءُ شهبه اے نیست که ایران پرُشگ انت بلئےدلگوش گور کنگی گپ ایش انت که پر چے هنوں ملا خامنه ای اے المی گپ ءَ دیما آرگ اِنت

خامنه ای اے گپ ءَ هنچیں وهد ءُ دورے ءُ  کنگ اِنت که ایرانی لشکر ءُ سپاه ماں یمن ، شام ، عراق ءُ اوگانستان ءَ  پلینڈی، جنگ  ءُ جهان سوچی کنگاینت تنکه  وتی شیعی امپراتوری ءِ برجاه بکنت۰ آ ییءِ مذهبی ٹولی شپ ءُ روچ بیگناهیں انساناں  کشگایِنت ءُ اے مردم کشی ءَ په وتا جهــاد ءُ مزنیں پَهرے زانت۰

امنه ای گوستگیں یکشمبه ءَ انگریزاں میاریگ کرت ءُ گشت :انگریزءِ واکدار نشتگ ءُ برنامه اڈ کنگاینت که چوںکا دگرانی ملکاں ٹکر ٹکر بکننت۰ آ گوشنت که نه سوریه یکجاه بیگی انت ءُ نئیکه عراق۰ اے دوئیں ملک بهر بهر بنت۰ اگاں چه  انگت ءَ ایران ءِ نام ءَ نگرنت بلئے آ لوٹنت اے ملک هم ٹکر ٹکر ببیت۰ خامنه ای شـر زانت که انگریزهم سرپد بوتگنت که ایران ءِ اڈ کنگ ءُ کورد، بلوچ، آزری تورک، تورکمن ءُ الاحوازی عربان ءَ تهران ءُ پارس ءِ ایردست کنگ یک تاریخی رَدی اَت۰

اداں کوشست کناں که ملا خامنه ای ءِ  گپانی چنت سَوَب په نبشتانک ءِ مڑاداریں وانوکاں بیاراں۰

اول ایش که خامنه ای لوٹیت ایران ءِ هونواریں سپاه ءُ واکداران تپاک ءُ یکجاه ببنت۰ گوشگی انت که ایرانی سپاه ءُ تهران ءِ واکداراں دیراِنت ٹولی ٹولی ءُ ناتپاک انت۰ ایشانی ناتپاکیءِ مستریں سَوَب سی ءُ هپت سال ءِ دزّتگیں زرّءُ سرمایه یانی بهربهر کنگ انت ءُ هریک ٹولی یے چه آدگرا گیشتر لوٹیت۰ البت آ درستاں په گئیرپارس مهلوک ءِ کشت ءُ کوش ءُ ایردست دارگ ءَ تپاک انت۰

دوم ایش که خامنه ای لوٹیت پارسیاں  چه ایران ءِ پروشگ ءَ به ترسینیت ءُ آهاں ڈاه بکنت۰ پارسیاں شر زاننت که ایران نامیں ملکے ءِ اڈ بیگ ءُ شومیں وجود تهنا په همایانی وتی  نپ ءُ سیت انتءُ گوں ایران ءِ چنڈ چنڈ بیگ ءَ کورد، بلوچ، تورکمن، عرب، آزری تورک ءُ تن تن لُر هم آزات بنت ۰ گڑا عربانی نپت ءُ گیس ءُ آدگه ایردستیں راجانی مال ءُ مڈی ءِ پل ءُ پانچ ءِ دیمگیری بیت۰

پارس ءَ دو راه گیش نیست انت۰ یا  په هما چیز رزا به بنت که ماں وتی ملکءَ بزاں  یزد، کرمان، مشهد ءُ اصفهان ءَ هست اِش ءُ وتی پنجگاں چه دگرانی مِلک ءُ مال ءُ راجی سرمایه دور بکننت یا ایش که په جنگ ءُ بیگناهیں انسانانی کشتارءَ تیار ببنت تاں ایران ءِ مَرکی ءُ بیماریں وجود ءَ دو روچ گیشتر زندگ بدارنت۰

سیمی سوب ایش انت که خامنه ای چه میاں استمانی جاوراں باز پریشان انت ءُ زانت دگنیا سرپد انت که آییءِ  سپاه ءُ مذهبی ٹولی ماں یمن، عراق، شام ءُ اوگانستان ءَ دستمانجنی ءُ پلینڈی کنگاینت ۰خامنه ای گندگنت که ایران ءِ تروریستی کارکرد پروش وارتگ ءُ ایشی ءَ یک نشانے په وتی “مُوری بادشاهی” ءِ هلاسی زانت۰ 

چارم ایش که هنوں ایردستیں راجانی بیــداری ءِ دور انتءُ کورد، بلوچ، تورکمن، عرب، آزری تورک ءُ تن تن کومِ لُــرهم  پارس ءِ ایردستی ءَ نه مَـنّ انت۰ آ وتی راجی هکاں پد جنگاینت۰ اگاں چه رستریں سپاه ءُ اطلاعات گوں روسی ءُ چینی سلاهاں هر روچ ماں کوردستان، بلوچستــانءُ الاحواز مردم کشنت بلئے ایردستیـں راجانی توار برزتر بیتءُ آهانی جهداں په آزاتی ءَ پرزور بیان انت۰په همیش انت که خامنه ای ءُ آییءِ ٹولی بازپریشان ءُ تکانسـر اَنت۰ آشـر زاننت که اگاں چه انگریزاں رضا میرپنچ ءَ دیما آورت ءُ  ایران ءِ سیاسی، اداری ءُ فوجی اداره اِش اڈ کتنت بلئے اے ایردستیں راجان ءُ آهانی بیداری، زانت ءُ هشتـاد

سالءِ جهدانـی آسرانت که ایران ءَ پروشت ءُ پروش کنـت نئیـکه انگریـز۰

آزات ءُ آبــاد بــات گنجیــــں بلوچستـــــان

پروشت ءُ پروش باتنت ایـران ءُ پاکستـان

محمد کریم بلــــوچ

جنوری۲۰۱۷

Share on
Previous article

بلوچستان کی آزادی سے ہمسایہ ممالک میں پاکستانی دخل اندازی کم ہوگا: حیربیار مری

NEXT article

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

LEAVE A REPLY