راجدوستیں بلوچاں تپاک بیگی انت

MUST READ

کوئٹہ میں ھزارہ کمونیٹی پر خودکش بم دھماکہ کے سانحہ پر ریڈیو گوانک کی خصوصی گفتگو ھزارہ دموکرااٹیک پاڑٹی کے عبدالخالق کے ساتھ

کوئٹہ میں ھزارہ کمونیٹی پر خودکش بم دھماکہ کے سانحہ پر ریڈیو گوانک کی خصوصی گفتگو ھزارہ دموکرااٹیک پاڑٹی کے عبدالخالق کے ساتھ

نہ چاہتے ہوئے بھی – کردگار بلوچ

نہ چاہتے ہوئے بھی – کردگار بلوچ

بلـوچستــان ءِ آزاتــی ءِ روچ مبـارک بـات

بلـوچستــان ءِ آزاتــی ءِ روچ مبـارک بـات

طرح توسعه سواحل مکران –  پندلے په بلوچستـــان ءِ مدامی زوربرد کنگ ءَ

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ

گنجیں گوادر شُت؟

گنجیں گوادر شُت؟

طرح توسعه سواحل مکران” پندلے په بلوچستـــان ءِ مدامی زوربرد کنگ ءَ – سرجمیں نبشتانک

طرح توسعه سواحل مکران” پندلے په بلوچستـــان ءِ مدامی زوربرد کنگ ءَ – سرجمیں نبشتانک

مستاگمستاگـــے په ایردستیـــں راجـــاںـــے په ایردستیـــں راجـــاں

مستاگمستاگـــے په ایردستیـــں راجـــاںـــے په ایردستیـــں راجـــاں

پاکستان عالمی قوانین کی خلاف ورزیوں کا مرتکب ہورہا ہے

پاکستان عالمی قوانین کی خلاف ورزیوں کا مرتکب ہورہا ہے

دو دانک ” شورای دمکراسی خواهان ایران” ءِ باروا

دو دانک ” شورای دمکراسی خواهان ایران” ءِ باروا

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

پرچہ! بلوچستانءِ وانگجاہ آس دیگ بنت؟ گپ و ترانےگون بلوچ احوالکار کیاّ بلوچءَ

پاکستانی ایٹمی سلاحانی چکاسءِ تباه کاریانی ریڈیو رپورٹ

پاکستانی ایٹمی سلاحانی چکاسءِ تباه کاریانی ریڈیو رپورٹ

استقــلالِ بلوچستــان حتمــی اســت – بخش آخر

استقــلالِ بلوچستــان حتمــی اســت – بخش آخر

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

حالیہ نصیرآباد میں بلوچ خواتین اور بچوں کی پاکستانی فوج کی جانب سے اغواه کی شدید مذمت کرتا هوں بے – جی پی کے ترجمان انیل بالونی صاحب

وه جو روشنی کی کوشان میں تاریک راتوں میں مارے گئے – ک ب فراق

وه جو روشنی کی کوشان میں تاریک راتوں میں مارے گئے – ک ب فراق

شرکت مزدوران خارجی سپاه قدس در سرکوب مردم بپاخاسته

شرکت مزدوران خارجی سپاه قدس در سرکوب مردم بپاخاسته

راجدوستیں بلوچاں تپاک بیگی انت

2020-03-23 10:46:15
Share on

بهرے چه رونشتی بلوچستان ءِ سرپدیں ورنا هورگوں آدگه ایردستیں راجانی مهلوک وتی توار په آزاتی ءُ تهران ءِ واکدارانی زدّ ءَ برز کت۰ هزاراں پاشپاد ءُ شُدیگ ( گُژنگ )  ءُ واریں پارس مهلوک پاد آتک اَنتءُ هما که وتی زرّاں ماں ایرانی بانک ءُ شرکتاں باهینتگ اَت هم ماں مزں شهراں گوں کوکار ءُ سلوات وتی نارازی یاں چه واکداراں درشاں کت اَنت۰

ماں چنت مزن شهرءَ پلیس ءُ بسیج ءِ بنجاه آس ماندارگ بوتنت ءُ ده روچ ءِ درگت ءَ بیست لدیگی بسیجی ءُ سپاهیگ ماں بلوچستان ، کوردستان ءُ الاحوازءَ کشگ بوتنت۰  سدانی سد نارازیں دسگر ءُ بےشمار زدگ ءُ ٹپی بوت انت۰ پنجاه نپر چه پادآتکگیں مهلوک کشگ بوتنت۰ 

مافیایی سپاه ءُ هامنه ای ٹولی په مردمی جنزءِ گٹ تروس کنگ ءَ وتی گلامیں شیهه چه اوگانستان، پاکستان  ، بگداد ءُ شام ءِ کٹریں مردم کُش آورت انت ءُ گوں کارچ ءُ تبرزین ءُ تپنگ پادآتگیں مردمانی سرا دور دات اَنت۰ پریشانیں لبنانی ” حسن نصر۰۰۰” شر زانت که گوں پادآتکگیں مردمانی سُوب  آیی ءِ ٹولی ءِ درچ ءُ پگار بند بیت،  جار جت که آیی ءِ ٹولی په وتی لدیگی پئوجءِ راهی کنگ ءَ دیم په ایران تیارانت تاں تهرانءِ رژیم برجاه بمانیت .

هما وڑا که پدّر بوت هنوگیں جنز یکدست ءُ تپاک نه اَت ءُ ایشی مستریں سوب ایش انت که مردمانی نارازی ءِ دلیل ءُ آهانی مکسد بید چه “مرگ بر خامنه ای”  یک نهنت۰ په درور ایردستیں راجانی لوٹ ءُ واهگاں گون پارس مهلوک ءِ لوٹاں یک وڑا نه اتنت۰

پادآتکگیں  پارس مهلوک په وتی باهینتگیں زرانی درگیجگ، وردنی چیزانی ارزاں کنگ، پارس ناسیونالیسم ءِ برزدستی ، ملا ٹولی ءِ رژیمءِ چپیگ کنگ ءُ په وتی هژم ءِ درشاں کنگ ءَ چه لوگاں درآتکنت ءُ کوکار ءُ سلوات اِش کُت۰ هال آنکه ایردستیں راج په وتی راجی هکآنی پچ گرگ ءَ   پادآتکنت ءُ په درور تورک  جار  جت که آ په آزربایجان ءِ هاترا ءُ په وتی هکّاں پاآتکگ انت۰ الاحوازی ورنا په وتی ڈیه ءِ آزاتی ءَ هنگت ءَ اوشتاتگ ءُ رمبے سلاه چست کته هنوں گوں مافیایی سپاه ءُ لدیگی بسیج جنگ  کنگاینت۰ بلوچ ورنا هم گوں آزاد بلوچستان ءِ برزیں نام ءِ کوکار کنگ ءَ  راجدپتری کارے کُت۰ کورد هم ایردستی ءَ نه منّ انت ءُ کرماشان جنگجاهے جوڑ بوتگ۰  

  بلوچانی اگده داریں واننده ، راجدوستیں دینی رهنما، درانڈیهیں سیاسی ءُ اگده داریں زانتکار، جلاوتنین مردمءُ سیاسی هوربند هم یکدست ءُ تپاک نهنت ءُ الم انت بے سروکیں جنز چنت روچ گیشترا دراج کش نه بیت۰ 

هنوں بن گپ ایش انت که بلوچاں په وتی راجی هکّانی پد جنگ ءَ چونکا دیما روگی انت۰ درستاں  سرپد بیگی ءُ باورکنگی انت که نه اے هونواریں ملایانی  لدیگی رژیم مانیت ءُ نئیکه ایران نامیں ملکے اے داب ءَ برجاه بوت کنت۰ البت هامنه ای  ٹولی ءِ سیاسی واک  بید چه ایردستیں راجانی هوربندی جهداں تهنا په کوکارءُ سلوات پچ گرگ نه بیت۰

بلوچ ڈیه ءِ رونشتی بهرءِ  بلوچاں هاسکار راجدوستیں مردماں تپاک ءُ یکجاه بیگی انت ءُ درستاں په یک تپاکیں هوربندے ءُ راجی پلاتفرمے ءِ  اڈ کنگ ءَ وتی کوشست  بکننت تاں په آیوکیں دورا چه مردمانی جُنز پَشت مه کپنت۰ بلوچ ءِ راجی جنز ءُ بلوچانی بیداری مرچی هما میزاں رستگ که اگاں بلوچ کماش ءُ سروک په وتی کهدایی ءُ ادارُکی نپ ءُ سیتّاں تپاکی ءِ دیمپاں مه بنت په ڈیه ءُ مئے راج ءَ گهترانت۰ 

اگاں انگت ءَ هست انت چُشیں بلوچ که  ایران ءِ سیم سرانی رکّینگ ءِ وَهم ءَ اَنت وتی چماں شر پچ بکننت ءُ تُشے گیشتر بلوچی پگربکن انت۰ دژمن بزاں پارس ناسیونالیستاں لوٹنت  چنت میلیوں درآمد ءُ ڈنّی به لڈیننت ءُ بلوچستان  بیارنت ءُ ماں ملک ءِ تیاب دپی شهر ءُ بندناں جاه مننداِش بکننت تاں مئے ڈیه ءُ ملک ءَ مدامی زوربرد بکننت،  مئے راجی پجّارءَ گار ءُ گمسار بکننت ءُ ما  ءُ مئے پدریچاں مدام وتی ایردست بدارنت ۰

مئے ایردستیں راج دراجیں مدتے اوپار کشّ اِتگ۰ نوں ما را سار کنگی انت، یکدگرءِ وجود ءُ هکّاں به منّین ءُ بزانیں که  نا تپاکی ءُ وت ماں وتی جیڑه یاں ما را  باز تاوان داتگ۰ پمّا بلوچان راهے بید چه تپاکی ءُ همتواری پَشت نه کپتگ۰

محمد کریم بلوچ

ژانویه ۲۰۱۸

Share on
Previous article

چرا دولت آلمان شاهرودی را فراری داد؟

NEXT article

شاهرودی مسئول اعدام صدها بلوچ است

LEAVE A REPLY