سپاه پاسـدارانءِ تروریستی ٹولـی

MUST READ

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

بلوچستان میں اسلامی ایٹمی تجربات کے اثرات نے چاغی میں 200 سے زائد اونٹوں کی جان لی

بلوچستان ءِ راجی جنزءِ دیمپان چے اَنت؟

بلوچستان ءِ راجی جنزءِ دیمپان چے اَنت؟

دادگاههای ناعادلانە ایران، بازداشت های خودسرانه روزنامەنگاران و سلب آزادی مطبوعات”

دادگاههای ناعادلانە ایران، بازداشت های خودسرانه روزنامەنگاران و سلب آزادی مطبوعات”

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری

ھزار گنجی بس اڈہ، اصل مسئلہ کیا ہے۔۔؟ کردگار بلوچ

ھزار گنجی بس اڈہ، اصل مسئلہ کیا ہے۔۔؟ کردگار بلوچ

اقوام متحدہ، عالمی طاقتوں کی خاموشی بلوچ قوم کی لسانی اور ثقافتی نسل کشی کا باعث بن رہی ہے – ڈاکٹر اللہ نذر بلوچ

اقوام متحدہ، عالمی طاقتوں کی خاموشی بلوچ قوم کی لسانی اور ثقافتی نسل کشی کا باعث بن رہی ہے – ڈاکٹر اللہ نذر بلوچ

بيست و هفتم مارس روزی سياه در تاريخ بلوچستــان – محمــد کـريــم بلــوچ

بيست و هفتم مارس روزی سياه در تاريخ بلوچستــان – محمــد کـريــم بلــوچ

واجه پُردلی بلوچ ءُ واجه سرمچارءِ بلوچ گپ و تران گون کابل ٹی ویءَ بلوچ شهمیرانیءِ روچءِ بابتَءَ

واجه پُردلی بلوچ ءُ واجه سرمچارءِ بلوچ گپ و تران گون کابل ٹی ویءَ بلوچ شهمیرانیءِ روچءِ بابتَءَ

پِگــری گُلامـــی – چارمــی بهـــر

پِگــری گُلامـــی – چارمــی بهـــر

شھید پروفیسر صبا دشتیاری

شھید پروفیسر صبا دشتیاری

ترانے ڈاکتر اللہ نذر ءَ 3 جانوری 2016 کُتگ

ترانے ڈاکتر اللہ نذر ءَ 3 جانوری 2016 کُتگ

پنجگور کے علاقے تپس ہائی اسکول کے قریب سے فورسز نے اکرم ولداسمائیل کو اِن کے گھر کے سامنے سے اغوا کرلیا

پنجگور کے علاقے تپس ہائی اسکول کے قریب سے فورسز نے اکرم ولداسمائیل کو اِن کے گھر کے سامنے سے اغوا کرلیا

بلوچستانءِ نوکترین – ریڈیو حال

بلوچستانءِ نوکترین – ریڈیو حال

Two Baloch killed in Mastung as FC given free hand to conduct operations in Balochistan

Two Baloch killed in Mastung as FC given free hand to conduct operations in Balochistan

چو وَ انسان ءِ دل پُرشیت گندئے

چو وَ انسان ءِ دل پُرشیت گندئے

سپاه پاسـدارانءِ تروریستی ٹولـی

2020-03-27 15:34:19
Share on

ماں گوستگیں سی ءُ هشت سالاں ایرانی سپاه پاسداران ءِ ٹولی گوں وتی درملکی بهر بزاں سپاه قدس دگنیاے ءَ پیش داشتگ که یک تروریستی ءُ انسان دژمنیں ٹولی  انت۰ اے لدیگی ٹولی تهران ءِ واکدارانی پرهونیں پنچگ اَنت که ماں بلوچستان ءُ کوردستان ءُ الاحوازالعربی ءُ آزربایجان ءُ تورکمنستان ءُ دگه باز ملکانی ته ءَ انسان کشی کنگ ءُ گوں وتی تهارپگری ءُ بے بنیاتیں مذهبی باوراں انسانی تمـدن ءِ دیما اوشتاتگ۰ 

هزاراں بی گناهیں بلوچ ءِ لٹ کٹ، ترور ءُ کُشگ ماں بلوچانی وتی ڈیه ءُ شهید شیخ علی دهواری ءُ شهید مولانا محمد عمر سربازی ءُ شهید مولوی عبدالمالک ملازاده ءُ  شهید مولوی عبدالرئوف ریگی ءُ شهیدتاج محمد گمشادزهی ءُشهیدحاجی بلوچ خان ءُ  دگه بلوچ کماشانی ترورکنگ ،  کوردانی کلانیں سروکانی کشگ ماں اتریش (شهید عبدالرحمان قاسملو) ءُ جرمنی (شهید صادق شرفکندی) ، شاپور بهتیارءِ کارچ کُش کنگ ماں پاریس ءْ دگه بازیں اپوزیسیونءِ سروکانی کشگ ماں اروپایی ملکاں سپاه پاسداران ءِ تروریستانی کاراَنت۰  

سپاه قدس گوں وتی ناشریں سروک سلیمانی ءَ په دوارسوچیں جنگانی آس ءِ بُن دیگ ءَ ماں عربی ملکان  گوں دمگی مجرم شریک اَنت۰  بید سپاه قدس ءُ هامنه ای ءِ کمکاں لبنانی نصرالله ءِ ٹولی هـچ اِنت۰ لبنان ءِ تروریستانی سروک وت منّ اِتگ که حزب شیتان ءِ درستیں درچ ءُ تیر ءُ توپک ءُ دگه جنگی ازباب آهاں چه ایران ءَ  رسیت۰ 

یمن ءِ حَوثی  ٹولی گوں سپاه قدس ءِ کمکاں یمن ءَ هما دوارسوچیں وت ماں وتی جنگےءِ تہ ءَ دور داتگ که لکّانی لکّ بیگناهیں انسان ءِ زندماں  تباه بوتگنت۰ چه سپاه قدس ءِ پلینڈی یاں بگداد ءُ شام جهندم ءِ وڑا بوتگ انـت۰ ناشریں بشراسد گوں سپاه ءُ هامنه ای ءِ کمک ءَ انگت ءَ ماں شام ءَ انسان کشی کنگاینت۰  اوگانستان ءِ هزاره یانی بهـرے هم گوں هامنه ای ءِ تروریستی ٹولی ءَ ماں تراِتگ اَنت۰  شمارے چه آ بدنسیباں گوں سپاه ءِ تروریستی لشکرا بگداد ءُ شام ءَ  راه دیگ بوتگنت که کشگ یا که ٹپی ءُ زدگ بوتگنت۰ 

مافیایی سپاه بید چه پَدّریں تروریستی چست ءُ ائیر گوں میاں استمانی شپکی یاں هم شریک اِنت۰ تریاک ءُ هروئین ءِ سوداگری یکے چه سپاه ءِ انسان دژمنیں کاران اِنت۰ ایرانی سپاه قدس ماں تاجیکستان ءُ اوزبکستان ءُ تورکمنستان ءُ گوریچی آزربایجان هم وتی تروریستی “نِت ورک” ءَ تالان  کتگ ءُ آ ملکانی وت مستری ءُ اودءِ  مردمانی هلاپ ءَ پلینـڈی

کنگاینت۰

پرچے سپاه پاسداران انگت ءَ یک تروریستی

ٹولی یے جار جنگ نه بوتگ؟

اگاں چه  تروریستی سپاه ءِ کارپد په دگنیاے ءِ درستیں سیاسی ءُ آزات هیالیں مردم هاسکار په اروپایی مردم پدّرانت بلئے انگت ءَ یک تروریستی ٹولی یے جارجنگ نه بوتگ ءُ اے گپ ءِ مستریں سَوَب ایش انت که مگربی ملکانی سدانی سد کمپنی گوں ایران ءِ واکداراں وڑوڑیں بازاری کرارداد نبشته کتگ ءُ سرمایه کاری همکاری اِش هست اِنت۰ اے کراردادانی گیشتریک په آوارجتگیں بلوچستـان ءُ رودراتکی کوردستـان ءُ الاحـواز العـربی ءُ زرباری آزربایجان ءُ زرباری تورکمنستان ءِ مال ءُ مڈی یانی پل ءُ پانچ انـت ءُ لدیگی سپاه ءِ نشان ماں درستیں کـرارداد  گون انت۰  پرچا که آوارجتگیں ملکاں سپاه ءِ پرهونیـں پنجگانی چیراَنت ءُ په درورسپاه پیسله کته که ماں بلوچستـانءِ تیاب دپی شهـر ءُ بندناں  روسی ، هندوستانی ، اوگانستانی ، کوریاییءُ اروپایی سرمایه دار په بلوچانی راجی سرمایه یانی پل ءُ پانچ ءَ هور کنگ به بنت۰

اروپایی ءُ مگربی ملکانی سیاستدان نه لوٹنت که آ ملکانی زردارءُ کمپنی یانی کرارداد گوں ایران ءَ اوشتارینگ به بنت۰ اگاں سپاه یک تروریستی ٹولی یے جار جنگ به بیت گڑا آ درستیں کرارداد بے ارزش بنت۰ چشیں کارپه آهیریں یوروپی ملکانی واکدارءُ زردارانی نپ ءُ سیت نهنت۰ 

ماں هنوگیں میاں استمانی جاوراں بوت کنت که امریکایی دیما بکنزنت ءُ سپاه پاسداران ءَ یک تروریستی مچی یے جار بجننت۰ گڑا بلکیں اروپایی یاں مجبوربه بنت ءُ  وتی زرپرستی ءُ آهیری ءَ لگام بجننت ءُ پاسدارانی تروریستی کارپدان گیشتراِنکار مه کننت۰ 

ایرانی سپاه پاسداران  یک انسان دژمنیں  مذهبی ءُ تروریستی ٹولی اِنت که پارس ءِ مذهبی  امپراتوری ءِ  ناهودگیں واب ءَ گندگآِنت۰

په انسانیت ءُ درستیں ملکانی نپ اِنت که اے تروریستی ٹولی اوشتارینگ به بیت۰ 

پروشت ءُ پــروش باتنـت ايران ءُ پاکستـان
آزات ءُ آبـــــاد بات گنجيـــــں بلوچستــــان
محمــد کـريــم بلـــوچ
جون ۲۰۱۷

Share on
Previous article

بحـران بـرق در بلوچستـان اشغالـی

NEXT article

بلوچستــــان ءِ پُلّيــں شهيــدان ءَ هــزاراں ســــلام

LEAVE A REPLY