طرح توسعه سواحل مکران” پندلے په بلوچستـــان ءِ مدامی زوربرد کنگ ءَ – سرجمیں نبشتانک

MUST READ

کمبر چاکر- گوانک ٹیم

کمبر چاکر- گوانک ٹیم

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ مروچی 18 روچ انت کہ چا کراچيءَ لونگ مارچ دیم پا اسلام آبادءَ روگ انت

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ مروچی 18 روچ انت کہ چا کراچيءَ لونگ مارچ دیم پا اسلام آبادءَ روگ انت

راهی بجز دفاع از موجودیت ملی و آزادی بلوچستــان باقی نمانده است

راهی بجز دفاع از موجودیت ملی و آزادی بلوچستــان باقی نمانده است

زبان

زبان

سوءِ استفاده اشغالگران از فاجعه زلزله در کوردستان

سوءِ استفاده اشغالگران از فاجعه زلزله در کوردستان

میر دوست مھمد ھان ءَ چو میر مھراب ھان ءِ وڑا سر جَھل نہ کرتگ اَت ءُ ایرانی بادشاہانی گُلامی نہ منّ اتگ اَت ۔ ھیر بیار

میر دوست مھمد ھان ءَ چو میر مھراب ھان ءِ وڑا سر جَھل نہ کرتگ اَت ءُ ایرانی بادشاہانی گُلامی نہ منّ اتگ اَت ۔ ھیر بیار

مند میں پاکستانی آرمی کا شہید غلام محمد کے گھر پرحملہ

مند میں پاکستانی آرمی کا شہید غلام محمد کے گھر پرحملہ

تمپ و گومازیء پاکستانی فوجی آپریشنء بابتء بلوچ ہیومن راٹس آرگنائزیشن ء سروک بی بی گل بلوچء گو ن گپ تران

تمپ و گومازیء پاکستانی فوجی آپریشنء بابتء بلوچ ہیومن راٹس آرگنائزیشن ء سروک بی بی گل بلوچء گو ن گپ تران

ﺑﻠﻮﭼﯽ ﺯﺑﺎﻥ ﺀِ ﻧﺎﻣﺪﺍﺭﯾﮟ ﺷﺎﺋﺮ ﺀُ ﮐﻮﺍﺱ ﺟﯽ۔ ﺁﺭ۔ ﻣُﻼ ﺑﯿﺮﺍﻥ ﺑﯿﺘﮓ

ﺑﻠﻮﭼﯽ ﺯﺑﺎﻥ ﺀِ ﻧﺎﻣﺪﺍﺭﯾﮟ ﺷﺎﺋﺮ ﺀُ ﮐﻮﺍﺱ ﺟﯽ۔ ﺁﺭ۔ ﻣُﻼ ﺑﯿﺮﺍﻥ ﺑﯿﺘﮓ

تربت: فورسز نے محاصرہ شدہ مکان سے خاتون کو دو بچوں سمیت نامعلوم مقام پہ منتقل کر دیا

تربت: فورسز نے محاصرہ شدہ مکان سے خاتون کو دو بچوں سمیت نامعلوم مقام پہ منتقل کر دیا

گپے گـوں ناشریں امینی فـرد

گپے گـوں ناشریں امینی فـرد

منی وتن – مسعود بلوچ

منی وتن – مسعود بلوچ

ھَشر ءُ کمک کاری گرانبھائیں بلوچی دود اَنت

ھَشر ءُ کمک کاری گرانبھائیں بلوچی دود اَنت

گپ و ترانے چا مغربی بلوچستانءَ گون جیش العدلءِ ترجمان محمد سعید ترکمن زهیءَ

گپ و ترانے چا مغربی بلوچستانءَ گون جیش العدلءِ ترجمان محمد سعید ترکمن زهیءَ

بلوچستــــانءِ هیروشیمـــا

بلوچستــــانءِ هیروشیمـــا

طرح توسعه سواحل مکران” پندلے په بلوچستـــان ءِ مدامی زوربرد کنگ ءَ – سرجمیں نبشتانک

2020-03-27 12:26:17
Share on

دراجیں مدتے انـت که پارسءِ سپاهی ءُ لشکـر ءُ تهـران ءِ بلوچ دشمنیں واکداراں اے پنـدل ءَ بزاں « طـرح توسعه سواحل مکـران » ءَ سازاِتگ۰   بیست سال ءَ پیش کلپییں ملا علی خامنه ایءِ جِند ماں یک گشتانکے ماں گُمبداں (بندر عباس) جار جـت که «سواحل مکران » بزاں مکران ءِ تیاب گوران ءَ آباد کنت  ءُ دیمروی دنتءُ اودان ءِ مردماں گیش کنگ لوٹیت، بزاں درآمدیں مردم چه دگه هَند ءُ دَمگاں دیم په بلوچستــانءِ  تیاب دپی شهر ءُ بندناں لڈینگ ءُ هموداں جاهمنند کنگ به بنت۰ بازکَسءَ پگر کُـت که آ گپ هنچنائیں ملائی وازے ات۰ لهتیں هم گلے چِـت  که ابلیسیں خامنه ای ملک ءَ آباد کنت۰  هنوں پدر انت که هما واز یک بلوچ دشمنیں پندلے ءِ بنگیجی گپ اَتنــت۰

گوں وهـد ءِ گوزگ ءَ پَـدَّر بیگ انت که  « طرح توسعـه سواحل مکـران» هنچیں بلـوچ دشمنیں پندل ایت که چه رضامیرپنچ ءِ دورءَ ڈنی یاں آرگ ءُ ماں بلوچستـــان نندارینگ باز گئیرانسانی تر ءُ اِبلیسی ترانت۰  آ زمانگ ءَ درآمـداں چه پارس ءَ آرگ ءُ ماں دزآپ ءُ هامون ءِ کش ءُ گوران ءُ حسین آباد ( زابل )ءَ جاهمنند بوتنت۰ آ درآمداں هشتاد سال پیش ءَ مُلک ءِ مستـریءُ کهدائیءِ تماه نیست اَت۰ بلئے اے مهاجـر که تیاب دپی شهـر ءُ بلوچستـــان ءِ بندناں آرگ بنت په ماڑیءُ لوگ ءُ کارے رزا نه بنت۰ اشاں په هاکمی ءُ ملک ءِ مدامی زوربردکنگ ءَ لڈینگ ءُ آرگ بنــت۰

 

پارسیانی سپاه ءُ ملا روحانی ءِ وزیرانی کابینه ءَ جار جتـگ که «طرح توسعه سواحل مکران» ءِ پروجیکت  آهانی هنونیں دور ءِ مستریں برنامه ءُ ایران ءِ « پروژه ملـی » انـت۰ هر وزیرے په وت ءَ وڑوڑیں اداره پیم کتگ۰ زابلی ٹولی ءُ بلوچستـــانءِ چم جهلیں گورنر هم گوں ملا روحانی ءِ کابینه همراه ءُ هم شوراِنت۰

 

بلوچ راج ءُ انساندوستیں سیاسی ءُ گئیر سیاسی مهلوکءَ  دلگوش گوَر کنگی انت که دگنیاے ءِ هچ جاگهے سی لک (  ۳۰۰۰۰۰۰ )  درآمدیں مردم  په یکبر ماں دگه  ملکے ءَ جاهمنند کنگ نه بوتگنت۰ نوں شما وَت ایرانی زورانسریـں واکدارانی « پروژه ملی» ءِ بلوچ دشمنیءَ اندازه به جنیت ۰اے وڑیں کلونیالیزم بزاں استعمار دگنیا ےءِ هچ جاگه گندگ نه بوتگ۰ اداں گوشگی انت که خامنه ای ءُ پارسیانی  واکداران ءُ سپاه ءَ  پیسله کتگ تنکه په اے پندلءِ دیما برگ ءُ پوره کنگ ءَ اولسرا یک سد ءُ هشتاد میلیارد   (  ۱۸۰۰۰۰۰۰۰۰۰۰)   تومُن هرچ بکننت۰  

 


پروجیکت ءِ نام  پر چے « طرح توسعه سواحل مکران » انت؟

 

هما وڑءَ که زانیت  ڈنی یاں وتی بلوچ دشمنیں پروجیکت ءَ «طرح توسعه سواحل مکران»  نام پِرکتگ۰ اے پندل ءِ نام ءِ پشت ءَ جَهل ءَ نبشته کتگیں ابلیسی مکســد ءُ بلوچ دژمنیں اِستراتجـی چیراَنت ۰   

اول ایش که بلوچستـان ءِ پلیں نام ءَ ایرانی هکومـت ءِ جِند چه گلزمیـن ءِ زرباری بهـرءَ دور کنگ لوٹیت۰ بلوچستـان ءِ تیاب کرّاں گوں بدنیتی « سواحل مکران » گُشنت۰

دوئم  گوں لبزِ مکـرانءِ کارمرز کنگ ءَ  میدیا ءُ پارسی رسانکاں په بلوچستـان ءِ بهر بهر کنگ ءَ جاوران تیار کنگاینت۰ اگاں رندترا سواحل مکران ءِ جاگه ءَ مئی ڈیه ءِ زرباری بهرءُ سراوانءَ  استان مکـران به نامیننت ، واش ءُ دزاپ ءَ سرحد به گُشنت، گنجیں پهره ءُ بنپورءُ بزمانءِ  نام ءَ استان ولایت ایر بکننت ءُ ڈیهءِ گوریچی بهرسیستان نامینگ به بیت گڑا پلیں بلوچستــان ءِ نام ءَ گوں کست کینگ بلئے په رپک ءُ پندل چه وتی کاگدانی سـرا دورکننـت۰ سیم ایش که اگاں بلوچستـــان ءِ زربار ءُ تیاب دپی شهر ءُ بندناں توسعه بزاں دیم روی دینت  اے په بلوچاں نهنت۰ بلوچانی ملک ءُ زمیناں چه جاشک ءَ بگر تاں گواتر هنوں  زوربرد کنگاینت تنکه په سی لک بزاں سئے میلیون درآمدیں مردم لوگجاه به بندانت په آهاں کار باری جاوراں تیار بکننت۰

چارمی برباد کنوکیں گپ ایش انت که گوں سی لک ( ۳۰۰۰۰۰۰ ) درآمـد ءِ آیگ ءُ ماں گلزمیـن ءِ زربارءَ جاهمننـد بیگ بلوچاںی شمـارءَ ماں وتی بُن پیرکی گلزمیـن ءَ کمتـر بکننت ءُ ماں آیوکیں دورءَ په اے نیمـون که وت گیشتریک اَنت بلوچـاں ایردست بدارنـتءُ بلوچستانءِ زِرءِ نیامتان  په وت بکننت  ءُ بلوچستان ءَ مُـدامـی زوربرد بکننت۰   پنچم ایش که بلوچستــان ءِ بندنان ءُ پرنیامتیں زِر ءَ گوں تیاب کرّاں وتی پنجگانی چیرا بیارنت ءُ وتیگی بکننت۰ گوں بلوچانی راجی سرمایه هانی پل ءُ پانچ ءَ  آسودگ ءُ آسراتیں زنداِش بیت ءُ لکانی لک بلــوچ ءَ ماں بلوچانی وتی بُن پیرکی ڈیـه ءَ « استعمـار» ءُ مُهتاج به کننت ۰

ششمی گپ ایش که خامنه ایءِ ٹولی ءُ رستریں سپاه لوٹنت  گنجیں بلوچستـــان ءِ زرباری بهــرءَ وتی شیعه یاں بیارنت ءُ جاهمنند بکننت،  تنکه زابلی ٹولی چه گلزمین ءِ گوریچی بهر ءُ نوکیں مهاجر چه زربارءَ بلـــوچ راجءِ آینده ءَ چه هنوں تهارتر بکننت ءُ تهــران ءِ بلوچ دشمنیں سیاست ءُ استعماری کارکرداں پرزورتِر بکننت۰ 

 

کئے لــڈینگ ءُ بلوچستـــــان ءَ آرگ بنــت ؟

 

مزنیں  بهـرے چه اے درآمـداں گوں تهران ءِ واکدارانــی برنامه ءُ هـرچ چه پارسیانی مزن شهـرءُ هَنـد ءُ دَمَگاں لڈینگ بنـت۰ تهـران ءِ واکدارانی پدریں سیاستے ماں گوستگیـں سی ءُ هشـت سالاں  اے بوته که شیعه ئیں پارس ءِ مردمانی شمارماں ایران زوت گیش به بیت اے مردم ماں کرمان، یزد ءُ اسپهـان ءِ هشکیں پٹ ءُ زمیناں جاهمنند وَ نه بنت۰ایشاں دیم په گلزمیـن ءَ لڈینگ بنت۰همے رُمب ءَ لهتیں زوالکاریں زابلی هم گون انـت۰  
دگه بهرے چه اے مهاجـرکه بلوچستــان ءَ آرگ بنت اوگانستان ءِ درانڈیهیـں هزاره اَنــت۰ رند چه ۱۹۷۹ ءِ بدلی یاں خمینی ءُ خامنه ای ءِ شیعه ٹولی ایران ءِ سیاسی واک ءَ چه ایرانءِ آدگه سیاسی هوربندانـی دیم ءَ په زور ءُ پندل چَکاپت۰
گوستگیں سی ءُ هشت سالانی درگت ءَ اے ٹولی وتی همشـور ءُ هم پگریں شیعه یاں ماں اوگانستان، لبنان، شام، عراق ءُ پاکستان ءَ هر وڑیں کمک ءُ مدت کتـگ۰ ایران ءِ واکدارانی شنگ بوتگیں اوگان شماری ءِ هساب پیش دارنت که  چه تمامیں باهوٹیں اوگاناں که ماں ایران ءَ نشتگ اَنت چل ءُ هپت درسد ( ٪ ۴۷) هَـزاره اَنـت۰ بزاں اوگانستانءِ دوارسوچیں جنگ ءِ درگت ءَ کم ءُ گیش دوازده لک اوگانستان ءِ هـزاره آتکگ ءُ ماں ایران ءَ جاهمنند بوتگ انت ۰اشانی زبان دَری انت که بیه ءَ گوں پارسی ءَ یک اِنت۰ بهرے چه هـزاره یاں که شیعه هم هَست اَنت وت ءَ را گوں خامنـه ای ءِ ٹولـی ءُ  بسیـج ءُ سپـاه ءَ هـوار کتگ۰هـزاراں نپر چه ایشاں ایرانی پاسپورٹ ءُ سجل دیگ بوتگ۰اے  ماں ایرانءَ گوں واکـداراں شریک اَنت ءُ رمبے چه ایشاں هنوں پهـره ءُ ایرآپ ءَ جاهمنندانـت۰ سپاه ءُ ملاخامنه ای ءِ جند لوٹنت تاں جلاوتنیں هـزاره یاں چه پارسءِ شهرءُ میتگاں به لڈین انت  ءُ گلزمینءِ زربارءَ جاهمننـد به کننت۰گپ اوداں سربوتگ که چه مَشَـد (مشهد) شـال (کویٹه)، بامیـانءُ کابل ءَ هم هـزاره چِن ءُ لانچ انت تنکه گوں پارسیانی رمب ءَ هور بنت ءُ  بلوچستــان ءِ بنـدن ءُ تیاب کرّاں وتیگی به کننت

سیمی مزنیں رُمب  که بهـرے چه آیوکیں مهاجـران اَنت عراق ءُ شامءُ لبنان ءِ باهوٹیـں شیعه اَنت که  ایران ءَ په باهوٹی آتکگ ءُ ماں مزں شهـراں جاهمنندانت۰ اشانی زنـد ءُ آینـده گوں سپاه ءِ پلینـڈی یان ءُ تهـران ءِ واکدارانی سیاستاں همگرنچ اِنـت۰ اے هم هزاره یا نی پیمءَ سجل ءُ ایرانی پاسپورت دیگ بوتگ ءُ شمارے چه هـَمشـاں هنوں وتا را ایرانی هم زاننت۰  
اداں اے گپ پدّر کنگی انت که ایران ءِ جاهمنندیــں هزاره ءُ لبنانیءُ عراقی باهوٹاں که شیعـه اَنت چه ایردستیں راجاں بزاں کورد، بلــوچ، الاحوازی عرب، تورکمن، آزری تورک ءُ لُـراں گیشتر واک هست انت۰ اشانی زندجـاور چه ایردستیـں مردمانی زندجاوراں باز گهتـراَنت ءُ لهتیں ماں سپاه ءُ چاروگی اداره ءُ آدگه هکومتی اداره ءُ کارجاهاں کاردیگ بوتگنـت۰اشانی زرداریں مردم سرمایه کاری ءُ تجارت ءِ اجازت ماں ایران ءَهسـت۰ایرانی سپاه ءُ خامنه ای ءِ ٹولی په همے جلاوتنیـں مردمانی آسراتی ءُ وشهالـی ءَ اِشانی جِندِ په ایردستیں بلوچانی مِلک ءُ زمینانی زوربرد کنگ ءُ بلوچستـــانءِ راجی سرمایه یانی پل ءُ پانچ ءَ شَریک کنگاینـت۰

Share on
Previous article

وقت کا بھی یہی تقاضا ہے کہ ہم قابضین کی مسلط کردہ نظام کو مضبوط بنانے کے بجائے قومی سوچ کو وسعت دیں

NEXT article

بابائے بلوچ نواب خیر بخش مری کا نمازہ جنازہ نیو کاهان میں ادا کردیا گیا

LEAVE A REPLY