طرح توسعه سواحل مکران –  پندلے په بلوچستـــان ءِ مدامی زوربرد کنگ ءَ

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ

2020-03-25 16:00:35
Share on

دومی بهـر

کئے لــڈینگ ءُ بلوچستـــــان ءَ آرگ بنــت ؟

مزنیں  بهـرے چه اے درآمـداں گوں تهران ءِ واکدارانــی برنامه ءُ هـرچ چه پارسیانی مزن شهـرءُ هَنـد ءُ دَمَگاں لڈینگ بنـت۰ تهـران ءِ واکدارانی پدریں سیاستے ماں گوستگیـں سی ءُ هشـت سالاں  اے بوته که شیعه ئیں پارس ءِ مردمانی شمارماں ایران زوت گیش به بیت اے مردم ماں کرمان، یزد ءُ اسپهـان ءِ هشکیں پٹ ءُ زمیناں جاهمنند وَ نه بنت۰ایشاں دیم په گلزمیـن ءَ لڈینگ بنت۰همے رُمب ءَ لهتیں زوالکاریں زابلی هم گون انـت۰

دگه بهرے چه اے مهاجـرکه بلوچستــان ءَ آرگ بنت اوگانستان ءِ درانڈیهیـں هزاره اَنــت۰ رند چه ۱۹۷۹ ءِ بدلی یاں خمینی ءُ خامنه ای ءِ شیعه ٹولی ایران ءِ سیاسی واک ءَ چه ایرانءِ آدگه سیاسی هوربندانـی دیم ءَ په زور ءُ پندل چَکاپت۰گوستگیں سی ءُ هشت سالانی درگت ءَ اے ٹولی وتی همشـور ءُ هم پگریں شیعه یاں ماں اوگانستان، لبنان، شام، عراق ءُ پاکستان ءَ هر وڑیں کمک ءُ مدت کتـگ۰ ایران ءِ واکدارانی شنگ بوتگیں اوگان شماری ءِ هساب پیش دارنت که  چه تمامیں باهوٹیں اوگاناں که ماں ایران ءَ نشتگ اَنت چل ءُ هپت درسد ( ٪ ۴۷) هَـزاره اَنـت۰ بزاں اوگانستانءِ دوارسوچیں جنگ ءِ درگت ءَ کم ءُ گیش دوازده لک اوگانستان ءِ هـزاره آتکگ ءُ ماں ایران ءَ جاهمنند بوتگ انت ۰اشانی زبان دَری انت که بیه ءَ گوں پارسی ءَ یک اِنت۰ بهرے چه هـزاره یاں که شیعه هم هَست اَنت وت ءَ را گوں خامنـه ای ءِ ٹولـی ءُ  بسیـج ءُ سپـاه ءَ هـوار کتگ۰هـزاراں نپر چه ایشاں ایرانی پاسپورٹ ءُ سجل دیگ بوتگ۰اے  ماں ایرانءَ گوں واکـداراں شریک اَنت ءُ رمبے چه ایشاں هنوں پهـره ءُ ایرآپ ءَ جاهمنندانـت۰ سپاه ءُ ملاخامنه ای ءِ جند لوٹنت تاں جلاوتنیں هـزاره یاں چه پارسءِ شهرءُ میتگاں به لڈین انت  ءُ گلزمینءِ زربارءَ جاهمننـد به کننت۰گپ اوداں سربوتگ که چه مَشَـد (مشهد) شـال (کویٹه)، بامیـانءُ کابل ءَ هم هـزاره چِن ءُ لانچ انت تنکه گوں پارسیانی رمب ءَ هور بنت ءُ  بلوچستــان ءِ بنـدن ءُ تیاب کرّاں وتیگی به کننت

سیمی مزنیں رُمب  که بهـرے چه آیوکیں مهاجـران اَنت عراق ءُ شامءُ لبنان ءِ باهوٹیـں شیعه اَنت که  ایران ءَ په باهوٹی آتکگ ءُ ماں مزں شهـراں جاهمنندانت۰ اشانی زنـد ءُ آینـده گوں سپاه ءِ پلینـڈی یان ءُ تهـران ءِ واکدارانی سیاستاں همگرنچ اِنـت۰ اے هم هزاره یا نی پیمءَ سجل ءُ ایرانی پاسپورت دیگ بوتگ ءُ شمارے چه هـَمشـاں هنوں وتا را ایرانی هم زاننت۰

اداں اے گپ پدّر کنگی انت که ایران ءِ جاهمنندیــں هزاره ءُ لبنانیءُ عراقی باهوٹاں که شیعـه اَنت چه ایردستیں راجاں بزاں کورد، بلــوچ، الاحوازی عرب، تورکمن، آزری تورک ءُ لُـراں گیشتر واک هست انت۰

اشانی زندجـاور چه ایردستیـں مردمانی زندجاوراں باز گهتـراَنت ءُ لهتیں ماں سپاه ءُ چاروگی اداره ءُ آدگه هکومتی اداره ءُ کارجاهاں کاردیگ بوتگنـت۰اشانی زرداریں مردم سرمایه کاری ءُ تجارت ءِ اجازت ماں ایران ءَهسـت۰ایرانی سپاه ءُ خامنه ای ءِ ٹولی په همے جلاوتنیـں مردمانی آسراتی ءُ وشهالـی ءَ اِشانی جِندِ په ایردستیں بلوچانی مِلک ءُ زمینانی زوربرد کنگ ءُ بلوچستـــانءِ راجی سرمایه یانی پل ءُ پانچ ءَ شَریک کنگاینـت۰

ماں اے بلوچ دشمنیں پروجیکت ءَ کئے هـورانت؟

طرح توسعه سواحل مکـران  بیه ءَ خامنه ای ءِ  فاشیستی ٹولی ءُ  پارس ءِ سپاه ءُ لشکـرِءِ پَنـدل اِنت۰ اے لوٹنت هما زلم ءُ رستری گوں بلــوچ راج ءُ بلوچستـان بکننت که گجـرءُ صفوی بادشاهاں کت نه کرت۰ اے پنـدل  تهـران ءِ مجلسءَ  مَنِّ اتگ ءُ هنوں دولت بزاں هکومت ءِ دست ءَ انت۰ ملا روحانی گوں وتی کابینه ءِ تمامیں وزیر اے پندل ءَ « یک طرح ملی » زاننت۰ وڑوڑیں اداره اش جوڑ کتگ تاں په سی لک درآمدیں مردمانی آرگ ءُ جاهمنند کنگءَ کار بکننت۰برنامه اش تیار کتگ تاں شهرءُ بندناں مزنتربکننت، لوگجاه بندآنت، وانگجاه ءُ زانتجاه اڈ بکننت، په ریل گاڑی ءُ موٹلان ریل ءُ  راه اد بکننت  ءُ په گئیر بلوچ ءُ درآمداں کارجاورءُ کارجـاه شــر بکننت۰پارسیآں  چنت دگه ملک ءَ وتی شریک کتگ تاں بلوچانی مال ءُ مڈی یاں هوریءُ پل ءُ پانچ بکننت۰

پلینڈیـں مـلا خامنه ای ءُ آیی ءِ سپاه ءُ بلـوچ دشمنیں لشکر زوالکاریں هدایت میرمـرادزی، ناشریں نعیم امینی فرد ءُ چنت دگه نپرءَ مـاں اے پروجیکت ءَ هوار کتگ اَنت۰ زابلی یانی ٹولی گوں شهریاری، نورا، کیخاءُ حسینی ءِ سروکی ءَ هم ماں اے بلوچ دشمنیں کارءَ شریک انت. ایرانی واکداراں گوستگیـں ماه ءً رند چه یک سیمینـارے ماں یک چهبارءَ جار جت که گیش چه سی ءُ پنچ ( ۳۵ ) ایرانی ( پارسی ) سرمایه کاری بینک ءُ کمپنی هور گـوں سی ( ۳۰ )  دَرملکی مزنیں کمپنی ءِ نمائنده یاں ماں آ سیمینارءَ بهـر زرتگ اَت۰

اگاں چه ایرانی واکداراں لهتیـں مُلک نام گِر کتگ اَنت بلئے اے گپّ ءَ چیر دیگنت که په بلوچستــان ءِ سرمایه یانی  پل ءُ پانـچ ءَ گوں کجام ملکاں بید چه روس، چین، هندوستانءُ پنجاپ اوگانستاں ءُ گوں کجام کمپنی یاں کئول ءُ کرارِاش کتگ۰ اے پَـدّرانت که  روسی سرمایه کار وتی چست ءُ ائیر ماں گلزمین ءِ سیریک ءُ هندوستان ءَ ماں چهبـار بنگیج کتگ انت۰ چینی جنگی ازباب، لوگی سامان، لیبوک ءُ ورگی چیز همک روچ ماں بلوچستان ءِ بندناں چه باری لانچاں ایرگیجگ بنت۰ تَـن تَـن کابُـلی اوگاناں هم مزنیں زمینے ماں چهبـارءَ اجاره کتگ! چهبارءِ بندنءِ مزنیں کارءُ بار هندوستانی سرمایه کاراں دست گپتگ۰

گنجیں میناب ءِ مادن ءُ کیمتی ڈل ءُ ڈوکاں جنوبی کوریاے ءِ سرمایه کار په ۳۷۵ میلیون دلارءَ چه ڈنی یں پارس په بها زرتگنت۰ تهران ءِ پارسی واکداراں گوں زابلی ٹولی یانی دیما آرگءَ بلوچانی لوگ ماں چهبارءُ کنرک ءُ جاسک ءُ سیریک ءِ کش ءُ گوراں لُمبین انت ءُ زمینان اش زور بُـرد کنگاینت۰ بلــوچ مهلـوک ءِ درکنگ چه وتی بُـن پیرکی مُلکءِ زرباری شهر ءُ بندناں تهران ءِ بلـوچ دشمنیں پندل ءِ بهـرے اِنت۰

اے زوال کاریاں گوں « توسعه سواحل مکـران » ءِ نام ءَ کنگا ینت۰ ڈنی یں پارس مئی مکران ءُ بلوچستــان ءِ تیاب کرّاں توسعه بزاں دیمروی ندینت که هچ اِشاں بلوچستــان ءُ بلوچ راجءِ دشمن ءُ بدواه انـت۰ اشاں گوں سی لکّ درآمدانی آرگ ءَ لوٹنت مئی گلزمین ءَ  مدامی زوربرد بکننت ءُ چه زهرکنی ءَ بلوچستــان ءِ پلیں نام ءِ دور کنگ لوٹنت تاں بلوچانی پدریچاں هم وتی گلام ءُ ایردسـت بدارنت ءُ بلــوچ ءِ راجـی وجـود ءُ پجارءَ گار ءُ گمســار بکننت۰

آزات ءُ آباد بات گنجيـــں بلوچستـــــــــان

پروشت ءُ پروش باتنـــت ايران ءُ پاکستان

محمــد کریــم بلــوچ

مـارچ ۲۰۱۷

Share on
Previous article

کئے لــڈینگ ءُ بلوچستـــــان ءَ آرگ بنــت ؟

NEXT article

طرح تقسیم بلوچستان خیانتی است بزرگ به ملت بلوچ

LEAVE A REPLY

MUST READ

بولانءَ پاکستانی فوجءِ آپریشن انگت برجم انت – ریڈیو حال

بولانءَ پاکستانی فوجءِ آپریشن انگت برجم انت – ریڈیو حال

بلوچ لبریشن فرنٹ ءِ نیمگ ءَ شنگ بیتگیں ھالے ردا بازیں دھشت گردیں گل ماں بلوچستان ءَ زمین چنڈ ءَ اثرمند بیتگیں مردمانی کمک ءَ گُلائیش انت۔

بلوچ لبریشن فرنٹ ءِ نیمگ ءَ شنگ بیتگیں ھالے ردا بازیں دھشت گردیں گل ماں بلوچستان ءَ زمین چنڈ ءَ اثرمند بیتگیں مردمانی کمک ءَ گُلائیش انت۔

جنگی مجرم مشرف ءِ رسوایی

جنگی مجرم مشرف ءِ رسوایی

به گروگان گرفتن زنان و کودکان بلوچ اوج ذلت وحقارت اشغالگران

به گروگان گرفتن زنان و کودکان بلوچ اوج ذلت وحقارت اشغالگران

بی این ایم کی جانب سے کوئٹہ پریس کلب کے سامنے احتجاجی مظاہرہ

بی این ایم کی جانب سے کوئٹہ پریس کلب کے سامنے احتجاجی مظاہرہ

Independence Movement of Balochistan-

Independence Movement of Balochistan-

Balochistan Liberation Charter is document of freedom, resistance is the effective form struggle: Bashir Zaib Baloch

Balochistan Liberation Charter is document of freedom, resistance is the effective form struggle: Bashir Zaib Baloch

ںوکین حال

ںوکین حال

فری بلوچستان موومنٹ کی طرف سے 28 مئی کو پاکستان کے ایٹمی دھماکوں اور چین اور پنجابی کی بلوچستان میں آبادکاری کے خلاف مغربی ممالک میں احتجاج کیا جائے گا

فری بلوچستان موومنٹ کی طرف سے 28 مئی کو پاکستان کے ایٹمی دھماکوں اور چین اور پنجابی کی بلوچستان میں آبادکاری کے خلاف مغربی ممالک میں احتجاج کیا جائے گا

بلوچ نوجوانوں کی تحریک میں جوق در جوق شمولیت حوصلہ افزاء عمل ہے : بشیر زیب بلوچ

بلوچ نوجوانوں کی تحریک میں جوق در جوق شمولیت حوصلہ افزاء عمل ہے : بشیر زیب بلوچ

بحـران بـرق در بلوچستـان اشغالـی

بحـران بـرق در بلوچستـان اشغالـی

کراچی کے بلوچ پاکستانی سیاست کی فریب سے خود کو آزاد کریں :حیربیار مری

کراچی کے بلوچ پاکستانی سیاست کی فریب سے خود کو آزاد کریں :حیربیار مری

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

بلوچستـان ءِ پليـں شهيـدان ءَ هـــزاراں ســـلام

بلوچستـان ءِ پليـں شهيـدان ءَ هـــزاراں ســـلام

کوششوں کے باوجود قومی اتحاد اور اصولی اشتراک عمل کے حوالے سے نہ کوئی پیش رفت ہو رہی ہے نہ ہی کسی قسم کے مزاکرات ہو رہے ہیں۔ مزاکراتی کمیٹی کا بیان

کوششوں کے باوجود قومی اتحاد اور اصولی اشتراک عمل کے حوالے سے نہ کوئی پیش رفت ہو رہی ہے نہ ہی کسی قسم کے مزاکرات ہو رہے ہیں۔ مزاکراتی کمیٹی کا بیان