طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

MUST READ

جنگ روانی استاندار اشغالگران در بلوچستان

جنگ روانی استاندار اشغالگران در بلوچستان

بلوچستان کی آذادی کے علاوہ کسی اور نقطے پر پاکستان سے کسی قسم کے مزاکرات نہیں ہوسکتے۔ نوابزادہ حیر بیار مری

بلوچستان کی آذادی کے علاوہ کسی اور نقطے پر پاکستان سے کسی قسم کے مزاکرات نہیں ہوسکتے۔ نوابزادہ حیر بیار مری

بلــوچ ءِ راجی سرمایہ ءُ مالانی پُل ءُ پانـچ

بلــوچ ءِ راجی سرمایہ ءُ مالانی پُل ءُ پانـچ

طرح تقسیم بلوچستان خیانتی است بزرگ به ملت بلوچ

طرح تقسیم بلوچستان خیانتی است بزرگ به ملت بلوچ

واجه عبدالصمد امیریءِ تپاکیءِ پیغام پا بلوچ راجءَ

واجه عبدالصمد امیریءِ تپاکیءِ پیغام پا بلوچ راجءَ

پاکستانی الیکشن بلوچ سرزمینءِ سرا

پاکستانی الیکشن بلوچ سرزمینءِ سرا

پاکستانی زوراکین فوجءَ بلوچستانءِ تیاپ دپ پسنيءَ 70 بلوچ ورنا بیگواہ کت

پاکستانی زوراکین فوجءَ بلوچستانءِ تیاپ دپ پسنيءَ 70 بلوچ ورنا بیگواہ کت

بیگواه بوتگین کسان سالین بلوچ ورناه عبدالحقءِ کهولءَ گون ترانے

بیگواه بوتگین کسان سالین بلوچ ورناه عبدالحقءِ کهولءَ گون ترانے

جنگی مجرم مشرف ءِ رسوایی

جنگی مجرم مشرف ءِ رسوایی

بلوچ لبریشن فرنٹ ءِ نیمگ ءَ شنگ بیتگیں ھالے ردا بازیں دھشت گردیں گل ماں بلوچستان ءَ زمین چنڈ ءَ اثرمند بیتگیں مردمانی کمک ءَ گُلائیش انت۔

بلوچ لبریشن فرنٹ ءِ نیمگ ءَ شنگ بیتگیں ھالے ردا بازیں دھشت گردیں گل ماں بلوچستان ءَ زمین چنڈ ءَ اثرمند بیتگیں مردمانی کمک ءَ گُلائیش انت۔

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

جیش العدل کے کمانڈر ایوب بلوچ سے هماری گفتگو کا خلاصہ

جیش العدل کے کمانڈر ایوب بلوچ سے هماری گفتگو کا خلاصہ

براہمداخ بگٹی کا انتخابات کے بائیکاٹ کا اعلان

براہمداخ بگٹی کا انتخابات کے بائیکاٹ کا اعلان

گپ وتران گون شہید محمد اکبر خان بگٹی ء 20060402 گون ریڈیو بلوچی ایف ایم

گپ وتران گون شہید محمد اکبر خان بگٹی ء 20060402 گون ریڈیو بلوچی ایف ایم

بلوچ ورنایانی کشت ءُ کوش تروریستی سپاه ءِ کارانت

بلوچ ورنایانی کشت ءُ کوش تروریستی سپاه ءِ کارانت

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

2020-03-24 11:21:50
Share on

دراجیں مدتے انـت که پارسءِ سپاهی ءُ لشکـر ءُ تهـران ءِ بلوچ دشمنیں واکداراں اے پنـدل ءَ بزاں « طـرح توسعه سواحل مکـران » ءَ سازاِتگ۰

بیست سال ءَ پیش کلپییں ملا علی خامنه ایءِ جِند ماں یک گشتانکے ماں گُمبداں (بندر عباس) جار جـت که «سواحل مکران » بزاں مکران ءِ تیاب گوران ءَ آباد کنت  ءُ دیمروی دنتءُ اودان ءِ مردماں گیش کنگ لوٹیت، بزاں درآمدیں مردم چه دگه هَند ءُ دَمگاں دیم په بلوچستــانءِ  تیاب دپی شهر ءُ بندناں لڈینگ ءُ هموداں جاهمنند کنگ به بنت۰ بازکَسءَ پگر کُـت که آ گپ هنچنائیں ملائی وازے ات۰ لهتیں هم گلے چِـت  که ابلیسیں خامنه ای ملک ءَ آباد کنت۰  هنوں پدر انت که هما واز یک بلوچ دشمنیں پندلے ءِ بنگیجی گپ اَتنــت۰

 گوں وهـد ءِ گوزگ ءَ پَـدَّر بیگ انت که  « طرح توسعـه سواحل مکـران» هنچیں بلـوچ دشمنیں پندل ایت که چه رضامیرپنچ ءِ دورءَ ڈنی یاں آرگ ءُ ماں بلوچستـــان نندارینگ باز گئیرانسانی تر ءُ اِبلیسی ترانت۰  آ زمانگ ءَ درآمـداں چه پارس ءَ آرگ ءُ ماں دزآپ ءُ هامون ءِ کش ءُ گوران ءُ حسین آباد ( زابل )ءَ جاهمنند بوتنت۰ آ درآمداں هشتاد سال پیش ءَ مُلک ءِ مستـریءُ کهدائیءِ تماه نیست اَت۰ بلئے اے مهاجـر که تیاب دپی شهـر ءُ بلوچستـــان ءِ بندناں آرگ بنت په ماڑیءُ لوگ ءُ کارے رزا نه بنت۰ اشاں په هاکمی ءُ ملک ءِ مدامی زوربردکنگ ءَ لڈینگ ءُ آرگ بنــت۰

پارسیانی سپاه ءُ ملا روحانی ءِ وزیرانی کابینه ءَ جار جتـگ که «طرح توسعه سواحل مکران» ءِ پروجیکت  آهانی هنونیں دور ءِ مستریں برنامه ءُ ایران ءِ « پروژه ملـی » انـت۰ هر وزیرے په وت ءَ وڑوڑیں اداره پیم کتگ۰ زابلی ٹولی ءُ بلوچستـــانءِ چم جهلیں گورنر هم گوں ملا روحانی ءِ کابینه همراه ءُ هم شوراِنت۰

بلوچ راج ءُ انساندوستیں سیاسی ءُ گئیر سیاسی مهلوکءَ  دلگوش گوَر کنگی انت که دگنیاے ءِ هچ جاگهے سی لک (  ۳۰۰۰۰۰۰ )  درآمدیں مردم  په یکبر ماں دگه  ملکے ءَ جاهمنند کنگ نه بوتگنت۰ نوں شما وَت ایرانی زورانسریـں واکدارانی « پروژه ملی» ءِ بلوچ دشمنیءَ اندازه به جنیت ۰اے وڑیں کلونیالیزم بزاں استعمار دگنیا ےءِ هچ جاگه گندگ نه بوتگ۰ اداں گوشگی انت که خامنه ای ءُ پارسیانی  واکداران ءُ سپاه ءَ  پیسله کتگ تنکه په اے پندلءِ دیما برگ ءُ پوره کنگ ءَ اولسرا یک سد ءُ هشتاد میلیارد (  ۱۸۰۰۰۰۰۰۰۰۰۰)  تومُن هرچ بکننت۰  

پروجیکت ءِ نام  پر چے « طرح توسعه سواحل مکران » انت؟

هما وڑءَ که زانیت  ڈنی یاں وتی بلوچ دشمنیں پروجیکت ءَ «طرح توسعه سواحل مکران»  نام پِرکتگ۰ اے پندل ءِ نام ءِ پشت ءَ جَهل ءَ نبشته کتگیں ابلیسی مکســد ءُ بلوچ دژمنیں اِستراتجـی چیراَنت ۰   

اول ایش که بلوچستـان ءِ پلیں نام ءَ ایرانی هکومـت ءِ جِند چه گلزمیـن ءِ زرباری بهـرءَ دور کنگ لوٹیت۰ بلوچستـان ءِ تیاب کرّاں گوں بدنیتی « سواحل مکران » گُشنت۰

دوئم  گوں لبزِ مکـرانءِ کارمرز کنگ ءَ  میدیا ءُ پارسی رسانکاں په بلوچستـان ءِ بهر بهر کنگ ءَ جاوران تیار کنگاینت۰ اگاں رندترا سواحل مکران ءِ جاگه ءَ مئی ڈیه ءِ زرباری بهرءُ سراوانءَ  استان مکـران به نامیننت ، واش ءُ دزاپ ءَ سرحد به گُشنت، گنجیں پهره ءُ بنپورءُ بزمانءِ  نام ءَ استان ولایت ایر بکننت ءُ ڈیهءِ گوریچی بهرسیستان نامینگ به بیت گڑا پلیں بلوچستــان ءِ نام ءَ گوں کست کینگ بلئے په رپک ءُ پندل چه وتی کاگدانی سـرا دورکننـت۰

سیم ایش که اگاں بلوچستـــان ءِ زربار ءُ تیاب دپی شهر ءُ بندناں توسعه بزاں دیم روی دینت  اے په بلوچاں نهنت۰ بلوچانی ملک ءُ زمیناں چه جاشک ءَ بگر تاں گواتر هنوں  زوربرد کنگاینت تنکه په سی لک بزاں سئے میلیون درآمدیں مردم لوگجاه به بندانت په آهاں کار باری جاوراں تیار بکننت۰

چارمی برباد کنوکیں گپ ایش انت که گوں سی لک ( ۳۰۰۰۰۰۰ ) درآمـد ءِ آیگ ءُ ماں گلزمیـن ءِ زربارءَ جاهمننـد بیگ بلوچاںی شمـارءَ ماں وتی بُن پیرکی گلزمیـن ءَ کمتـر بکننت ءُ ماں آیوکیں دورءَ په اے نیمـون که وت گیشتریک اَنت بلوچـاں ایردست بدارنـتءُ بلوچستانءِ زِرءِ نیامتان  په وت بکننت  ءُ بلوچستان ءَ مُـدامـی زوربرد بکننت۰

 پنچم ایش که بلوچستــان ءِ بندنان ءُ پرنیامتیں زِر ءَ گوں تیاب کرّاں وتی پنجگانی چیرا بیارنت ءُ وتیگی بکننت۰ گوں بلوچانی راجی سرمایه هانی پل ءُ پانچ ءَ  آسودگ ءُ آسراتیں زنداِش بیت ءُ لکانی لک بلــوچ ءَ ماں بلوچانی وتی بُن پیرکی ڈیـه ءَ « استعمـار» ءُ مُهتاج به کننت ۰

ششمی گپ ایش که خامنه ایءِ ٹولی ءُ رستریں سپاه لوٹنت  گنجیں بلوچستـــان ءِ زرباری بهــرءَ وتی شیعه یاں بیارنت ءُ جاهمنند بکننت،  تنکه زابلی ٹولی چه گلزمین ءِ گوریچی بهر ءُ نوکیں مهاجر چه زربارءَ بلـــوچ راجءِ آینده ءَ چه هنوں تهارتر بکننت ءُ تهــران ءِ بلوچ دشمنیں سیاست ءُ استعماری کارکرداں پرزورتِر بکننت۰ 

آزات ءُ آباد بات گنجيــــں بلوچستـــــــــان
پروشت ءُ پروش باتنـــت ايران ءُ پاکستان

محمــد کریــم بلــوچ
فــروری ۲۰۱۷

Share on
Previous article

تجاربی خونین از مذاکرات با اشغالگران

NEXT article

طرحِ تجزیه و تقسیـم بلوچستـان خیانتی است بزرگ به ملت بلـوچ سرزمین بلوچستــان درطول تاریخ به مردم مقاوم بلــوچ تعلـق داشته است

LEAVE A REPLY