طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

MUST READ

ایرانءِ بلــوچ دژمنیـں واکدارانی پنـــدل

ایرانءِ بلــوچ دژمنیـں واکدارانی پنـــدل

ماتی زبان – گوس بھاربلوچ

ماتی زبان – گوس بھاربلوچ

گپ ءُ ترانے گون وائس فار بلوچ میسنگ پرسنزءِ چیرمین نصراللہ بلوچءَ

گپ ءُ ترانے گون وائس فار بلوچ میسنگ پرسنزءِ چیرمین نصراللہ بلوچءَ

دود ءُ ربیدگ

دود ءُ ربیدگ

Reports of military operations in New Kahan Quetta and Dera Bugti Balochistan

Reports of military operations in New Kahan Quetta and Dera Bugti Balochistan

کراچی: بلوچ ٹیک ویژن کے زیر اہتمام سافٹ ویئر نمائشی پروگرام

کراچی: بلوچ ٹیک ویژن کے زیر اہتمام سافٹ ویئر نمائشی پروگرام

کراچی پر یس کلب کے سامنے بلوچ ہیومن رائٹس آرگنائزیشن کا احتجاجی مظاہرہ

کراچی پر یس کلب کے سامنے بلوچ ہیومن رائٹس آرگنائزیشن کا احتجاجی مظاہرہ

از شیخ خزعل تا شهید احمد نیسی

از شیخ خزعل تا شهید احمد نیسی

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25 ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25 ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

بلوچ قوم دوست رھنما واجہ حیربیار مريءِ کلو پا 27 مارچءِ بابتءَ

بلوچستان میں پاکستان انسانی حقوق کی سنگین خلاف ورزیاں کررها هے ۔ بھارتی وزیر خارجہ سشما سوراج

بلوچستان میں پاکستان انسانی حقوق کی سنگین خلاف ورزیاں کررها هے ۔ بھارتی وزیر خارجہ سشما سوراج

طرح تقسیم بلوچستان خیانتی است بزرگ به ملت بلوچ

طرح تقسیم بلوچستان خیانتی است بزرگ به ملت بلوچ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون پروفیسرصبوربلوچءَ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون پروفیسرصبوربلوچءَ

استقلال کوردستان مبارک باد

استقلال کوردستان مبارک باد

هجوم وحشيانه قشـون پارس و اشغال بلوچستان در سـال ۱۳۰۷ هجـری شمسـی

هجوم وحشيانه قشـون پارس و اشغال بلوچستان در سـال ۱۳۰۷ هجـری شمسـی

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – گـُـڈّی (آهری) بهر

2020-03-25 21:35:03
Share on

بلوچ دژمنیں ایرانی واکداراں پیسله کتـگ که  په سی لک (۳۰۰۰۰۰۰ ) ڈنّی یانی  لڈینگ ءُ ماں گنجیں بلوچستــان ءِ تیاب دپی شهـر ءُ بندناں جاهمنند کنگ ءَ بیست ءُ دو هزار و پانصد میلیارد ( ۲۲۵۰۰۰۰۰۰۰۰۰۰۰ )  ریال هـرچ بکننت۰

اے گپ پدّرانت که پارسیاں اے مزنیں زرءَ چه یَزد ءِ هشکیں پَٹّ  یا  تهـران ءُ اسپهانءَ وَ نیارنت۰ اے  بلـوچ گلزمین ءُ آدگه ایردستیں راجانی دُّزِتگیـں  سرمایه انت که په بلوچانی مال ءُ مڈی یانی گیشتر پل ءُ پانچ ءَ هرچ کنگ بنت۰ هنوں پدرانت که روس، هند، پنجاپ، چین ءُ اوگانستان په بلوچستان ءِ راجی سرمایه یانی پل ءُ پانچ ءُ گوں ڈنی یں پارسیاں هورانت۰ اگاں چه تهران ءِ لدیگیں واکداراں په وتی ابلیسی مکسدانی  پوره کنگ ءَ لهتیں مُلک ءُ کمپنی گوں وت ءَ هور ترینتگ ءُ چنت تگارلاپ ءُ ناشریں بلوچ اِش هم وتی گلام کتگ اَنت بلئے اے مُلک ءُ سرزمین بلوچانی کانودی ءُ راجدپتری ڈیــه انت۰

ما بلوچانءَ تپاک بیگی انت۰

اے سبزیں زرءُ گنجیں مُلک ءُ ڈیه ایرانی واکدارانی میراس نَهنت۰گنجیں بلوچستــان میرکمبرءُ میر همل ءِ گلزمین اِنت، اے بلوچ راج ءِ وتن انت که ڈنی یں پارس آوارجتگ ءُ هنوں لوٹنٹ په بیه ءُ مدامی زوربرد بکننت۰هنونیں دور په بلوچستان ءُ مئی راجی وجود ءُ پجّارءِ مانگ یا بیگواهی ءَ پیسله ءِ دورانت۰ اے پیسله بلـوچ راج وت کرت کنت که گوں زالم ءُ زورانسراں جهد بکنت ءُ وتی ملک ءَ پچ بگیپت ءُ وتی راجی وجـودءَ به رکینیت۰ ما را زانگی انت که بے تـواری، کرمه گوشی ءُ سیل چارگ مئے بیگواهـی اِنت۰ دگه هچ راهے پَشت نه کپتگ ما بلوچانءَ تپاک بیگی ءُ پادآیگی انت تاں وتی بُن پیـرکی ڈیه ءَ چه لدیگانی ایردستیءَ آزات بکنیـن ءُ وتی پدریچاں چه پارسیانی گلامی به رکینیـں۰ ما را دلگوش گور کنگی انت که په ڈنی یانی در کنگءَ چه گلزمین  انگت ءَ دیر نهنـت۰ اگاں مروچی هوری ءَ جهد مه کنین ءُ چِست مه بئیں بوت کنت که باندات باز دیر به بیت ۰اگاں ما هنوں  وت ماں وتی ءُ دگه اڑ ءُ جنجالاں مه شموشین ءُ په ملک ءُ راج ءِ هاترا تپاک مه بئیں دلجم اوں که بانداتءِ پشومانی بے نپ ءُ سیت اِنت۰ اے راه ءَ هروڑیں جـد ءُ جهـد په ما جائزانت۰ په هر بلوچے  واجب انت که په ملک ءُ راجءِ رکّینگ ءَ وتی کوشست ءَ بکنت اگاں ناں آینده ءُ راجءِ پدریچاں ما را میاریگ کننت ءُ هچ کَس ءَ پهـل نه کننت۰ آ جست گرنت پرچا  پارس ءِ سپاه ءُ لشکرءِ دیم  دارگ نه بوت؟

!مڑاداریں وانوکاں

 *پارسیاں جار جتگ که بیست ملک ءِ کمپنی ءُ نماینده ماں چهبارءِ سیمینارءَ بهرزرتگ اَت ۰ آ نام گپتگیں ملک ایش اَنت فرانس ، ژاپن،  جنوبی کوریا، چین، جرمنی ، روس ، ناروے، هندوستان، اسلواکی، لبنان، فنلاند، بنگلادش، اسپانیا، قزاقستان، ترکمنستان، پاکستان، هلند، ترکیه، اوگانستان و سوئد۰

    *بلوچانی سیاسی هوربند، انسانی هکانی انجمناں، درانڈیهیں بلوچاں اے ملکانی هکومت ءُ کمپنی یاں؛ بید چه بلوچ دژمنیں پاکستان ءَ کاگد ءُ اے میل راه دیگی ءُ گوشگی انت که بلوچاں آهانی کرارداد ءُ بلوچ دشمنیں معاهده گوں ایرانی واکداراں نه منّ اَنت۰

  *تپاکیں راجانی هوربندءَ چه اے زورانسری ءُ بلوچستان ءِ دموگرافی  ءِ بدلینگ ءَ سهی ءُ سرپد کنگ هم درانڈیهیں بلوچانی کارانت ۰

         *ما را تمامیں یوروپی ملکانی دیوانان ءُ هوریں یوروپءِ پارلمان ءَ چه بلوچستان ءِ جاوران ءُ ایران ءِ انسان دشمنیں پندلاں سهی کنگی انت۰
* بلوچانی سیاسی ءُ سلهبندییں جهدکارانی رهشون ءُ ادبی مچیءُ انسانی هکانی انجمناں باز مزنیں زمّه واری ءُ اگده اے هست انت۰ په بلوچ راج ءُ ملک ءِ نپ ءَ هاله ئیں تپاکی ءُ یکویی ءَ پکار ءُ لازمی انت۰ تپاکی ءِ مانا اے نهنت که درستاں ماں یک پارٹی یا هوربندے شامل ببنت۰ بلکه ایش انت که چنت بن گپ ءِ سرا هوریں جبهه اے اڈ بکننت۰ په درور یکے چه اے بن گپ همے پندل ءِ زد ءَ کارکنگ انت۰بزاں گوں راج ءِ همراهی ءَ مئیلنت که سی لک ڈنی ملک ءِ بندنان آرگ ءُ جاهمنند به بنت۰
* ایرانی واکدارانی بلوچ دژمنیں هلاپ ءَ هوری ءُ  سیستماتیکیں وڑے کار کنگی انت۰اگاں چه آهاں  جنگی ازباب باز هست بلئے زورانسر اَنت ءُ کارکرداِش لَدیگی اَنت۰اگاں چه دگه ملکان اِش په بلوچستان ءِ مدامی زوربرد کنگءَ گوں وت ءَ هورترینتگ بلئے میاں استمانی کانودانی ردا  اے مُلک گوں سبزیں  زر ءُ گنجیں تیاب کراں بلوچانی بیه ءُ ڈیه اِنت، اے بلوچانی هک انت که وتی آوارجتگیں ملک ءَ پد بجننت ءُ چه رستریں ڈنّی یاں پچ بگر نت۰ پارسیانی وڑوڑیں پندل گوں تپاکی ءُ هوریں جهداں پروش دیگ بنت۰

آزات ءُ آباد بات گنجيـــں بلوچستـــــــــان
پروشت ءُ پروش باتنـــت ايران ءُ پاکستان
محمــد کریــم بلــوچ

مـارچ ۲۰۱۷

Share on
Previous article

دُزّآپ ءِ بُلـوارِ (زاهدانِءِ چوک) بلوچستـــان

NEXT article

کوششوں کے باوجود قومی اتحاد اور اصولی اشتراک عمل کے حوالے سے نہ کوئی پیش رفت ہو رہی ہے نہ ہی کسی قسم کے مزاکرات ہو رہے ہیں۔ مزاکراتی کمیٹی کا بیان

LEAVE A REPLY