غیر فطری اتحادوں سے بکھرتی شیرازہ – اداریہ

غیر فطری اتحادوں سے بکھرتی شیرازہ – اداریہ

2020-03-26 13:21:02
Share on

گوانگ اداریہ – 2012  کے آغاز کے ساتھ ہی ہمارے سیاسی سوشلسٹ اور قبائلی دوستوں کے ظاھری و باطنی اتحادوں کا جوسلسلہ شروع ہوا وہ 2014 میں ہاتھوں کے زنجیر پر منتج ہوا لیکن قوم نے اتحاد کو کبھی عملی طور پر محسوس کرپائی اور نا ہی بلوچ حالت زار پر اسکے کوئ بھی نمایاں مثبت اثرات ظاھر ہوئے ۔ ان اتحادوں نے قومی یکجہتی کے نام پر خاص کر بیروبی مما لک بلوچ قومی اداروں کا شیرازہ بکھیرنے کا ایک ایسا بھیانک آغاز کردیا جو ہنوز جاری ہے ۔ وہ بلوچ تارکین وطن جو منظم ہوکر جنرل مشرف جیسے ڈکٹیٹر تک کے دورے کو ناکام کرنے میں کامیاب ہوئے ، اور عالمی اداروں میں بلوچوں کی انسانی حقوق اور قومی آزادی کی جدوجہد کو قانونی حیثیت و پذیرائی دینے میں شب و روز کوشاں تھے حیرت انگیز طور پر یہ اتحاد کے نعروں کے بعد ایسے مفلوج ہوگئے کہ ذہن یہ سمجھنے سے قاصر ہے کہ جہاں پوری دنیا میں اتحاد قوت کا مظہر ہوتا ہے وہیں آخر بلوچ کیلئے یہی اتحاد کیوں کمزوری و انتشار کی طرف دلالت کرتا ہے ، پھر یہ یقیناً قیاسات کا رخ اسکے غیر فطری ہونے اور اسکا مطمع نظر ذاتی و گروہی ہونے کی طرف ہوگا۔

ہم آج تمام ثبوتوں کے باوجود 19000 مرد ، بچے اور خواتین بلوچوں کی پاکستانی فوج کے توسط سے جبری اغواء 3000 ہزار سے زائد بلوچ نوجوانوں کا بہیمانہ قتل 1600 سے زائد مسخ شدہ لاشوں 5 سے زائد اجتماعی قبروں کے ذمہ داروں کے خلاف کوئ قانونی چارہ جوئی کرنا درکنار ان جائز اعداد و شمار کو کہیں منوا تک نہیں سکے اور ان سب کے بنیادی ذمہ داروں قاتلوں میں سے ایک جنرل راحیل جب لندن پہنچتے ہیں تو ہم اسکے خلاف لندن ڈاوننگ اسٹریٹ میں اپنا احتجاج تک ریکارڈ نہیں کرسکے اور نا ہی ہم نے اس بات کو ضروری سمجھا یا یہ اہلیت نہیں پائ کے ہم اس قتال کے خلاف عالمی عدالت میں ایک مقدمہ تک درج کراسکیں ۔ ان درجنوں لیڈروں اور مقدس جماعتوں و اتحادوں کے باوجود بھی ہم اپنے ارگرد پھیلے کئی سو لاشوں کی اجتماعی قبروں کے بارے کی طرف عالمی برادری اور عدالتوں کا توجہ مبذول کرانے میں بھی سراسر ناکام نظر آتے ہیں۔ جب اس ناکامی کا تجزیہ کرو گے تو گنگا الٹی بہتی نظر آئیگی یعنی ہماری نا اہلی کے پیچھے تعداد کا کم ہونا نہیں بلکہ یہ حالت یورپ میں تعداد زیادہ ہونے کے بعد ہوا ، اسکے پیچھے منتشر و بغیر جماعتی کام کا ہاتھ نہیں بلکہ اس دگرگوں حالت کا آغاز اسوقت ہوا جب باہر ملک تنظیمیں بننے لگے اتحادیں جڑنے لگیں ۔ان ناکامیوں کا آغاز در حقیت اس 2012 والے اتحادی سلسلوں کے آغاز کے طفیل ہی منظر عام پر آیا ، جس نے چار یکجاں تارکین وطین بلوچوں کو اس غیر فطری اتحاد کا بھینٹ چڑھا کر دس جگہوں میں تقسیم کرکے منتشر کردیا ۔

اس دوران سارا حقیقی کام پس پشت ڈال کر بس ہر کوئ اپنی بڑی بڑی تصویریں چند بلوچ درخواست دہندہ پناہ گزینوں کے بدولت کھینچ کر شائع کرتے ہیں اور بلوچ عوام کو سراسر دھوکہ دیکر فیس بک میں اپنے متحرک پن و استقلال کو ایک جھوٹے اور بھونڈے طریقے سے ثابت کرنے کی کوشش کرتے ہیں۔ سب ایک دوسرے سے فوٹو سیشنوں کے مقابلے میں سبقت لیجانے کی دوڑ میں مصروف ہیں ۔ بلوچ قومی اداروں اور ان تمام دوستوں کو جو اس اتحاد سے پہلے ایک دوسرے کا جز لاینفک ہوتے تھے ہر کام میں یکجا ہوتے تھے انھیں دیوار سے لگا کے اپنے دکانوں کو چمکانے کیلئے بھرپور زور آزمائی کی جارہی ہے ۔

ایسے غیر فطری و گروہی مفادات کے بننے والے نقصانات کو دیکھ کر ذہن میں کئی سوالات ابھرتے ہیں ، کیا واقعی یہ اتحاد حقیقی ہیں ؟ گر حقیقی ہیں تو پھر نتائج پختگی کے بجائے انتشار کیوں ؟ کیا یہ اتحاد قومی تحریک کے کشتی کو کنارے لگا سکیں گے ؟ یا یہ قومی کشتی کو بپھرتے بھنور سے نکال سکے گی ؟ کہیں ایسا تو نہیں کہ مفادات کے سجے اسٹیج ڈرامے میں ہمیں محض تالیاں بجانے والا تماشائی بنا دیا گیا ہے ؟۔ لیکن مجھے یہ یقین ہے اس غیر فطری اتحاد کا صدمہ کسی نا کسی دن ہمیں اور آپکو کسی المیے کی صورت میں ضرور برداشت کرنا پڑیگا۔ ایسے صورت میں کیا اس نقصان کا ازالہ وقت گذرنے کے بعد ہم میں سے کوئی کرسکے گا؟ کیا ابتک بلوچ قوم اس اتحاد کے نتائج سے مطمئن ہے یا پھر بس ہمیشہ کی طرح خشک گلو ہوکر اسکے مشکوک وناممکن سے دور رس ثمرات کا انتظار کریں ؟ اس اتحاد نے قوم کے باسیوں کو یکجاہ کرنے کے بجائے منتشر کردیا ، کیا اس انتشار پر قابو پانے کا وقت گزرچکا ہے ؟ کیا ہم اسکے ذمہ داروں ،اسباب اور عوامل کی چھان بین کرنے کی صلاحیت کھوچکے ہیں ؟ اگر ہم باصلاحیت ہیں تو نئ اور عملی حکمت عملی کے تحت ان تمام عوامل کا سدباب کرکے قومی مفادات کے خاطر ہمیں حالات کے تقاضوں کے مطابق ایک فطری اور حقیقی اتحاد کی جانب ضرور قدم بڑھانا ہوگا ورنہ یہ وقت بھی ہاتھوں سے نکل جائیگا اور ہم اس \”جرم ضعیفی کی سزا مرگ مفاجات \” کی صورت میں بھگتتے رہیں گے۔

Share on
Previous article

محمود خان اچکزئی خود محکوم قوم کا فرد ہے اس کے ساتھ کیا ڈیل ہو سکتی ہے: حیربیار مری

NEXT article

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

LEAVE A REPLY

MUST READ

تمام آزادی پسند بلوچ 5 اگست کو برلن کے احتجاجی مظاہرے میں شرکت کریں : حیربیار مری

تمام آزادی پسند بلوچ 5 اگست کو برلن کے احتجاجی مظاہرے میں شرکت کریں : حیربیار مری

گپ و ترانے چا گیبنءَ گون شهید حیات بیوسءِ گهارءَ

گپ و ترانے چا گیبنءَ گون شهید حیات بیوسءِ گهارءَ

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

دنیا کو بلوچستان میں قتل عام و جبری گمشدگیوں پر خاموشی توڑنی چاہیے – ڈاکٹر اللہ نذر بلوچ

حال – بلوچستانءَ بیگواهی ءُ کشت ءُ کوش انگت سرجم انت

حال – بلوچستانءَ بیگواهی ءُ کشت ءُ کوش انگت سرجم انت

نواب مری کو بھی کاہان کوہستان مری لے جانے کے بجائے نیوکاہان کوئٹہ میں اپنے فکری ساتھیوں کے قبرستان میں سپرد خاک کیا جائے۔حیربیار مری

نواب مری کو بھی کاہان کوہستان مری لے جانے کے بجائے نیوکاہان کوئٹہ میں اپنے فکری ساتھیوں کے قبرستان میں سپرد خاک کیا جائے۔حیربیار مری

بر دانش آموزان بلوچ چه می گذرد؟

بر دانش آموزان بلوچ چه می گذرد؟

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

بلوچ نوجوانوں سے اپیل ھے کہ وہ بلوچ رائٹس کے تحت وہ اس ریاستی جرم کے خلاف آواز بلند کریں

بلوچ نوجوانوں سے اپیل ھے کہ وہ بلوچ رائٹس کے تحت وہ اس ریاستی جرم کے خلاف آواز بلند کریں

بلوچستان ءِ پُلیں شهیدان ءَ هزاراں سلام

بلوچستان ءِ پُلیں شهیدان ءَ هزاراں سلام

بی این پی مینگل و عوامی اور نیشنل پارٹی شروع دن سے قابض ریاست کے معاون و مدد گارہیں : حیربیار مری

بی این پی مینگل و عوامی اور نیشنل پارٹی شروع دن سے قابض ریاست کے معاون و مدد گارہیں : حیربیار مری

نژاد پرستی در ایران

نژاد پرستی در ایران

تربت سے ایف سی اور پاکستانی خفیہ اداروں کی توسط سے اغواہ شدہ بلوچ نوجوان کی تشدّد شدہ لاش برآمد

تربت سے ایف سی اور پاکستانی خفیہ اداروں کی توسط سے اغواہ شدہ بلوچ نوجوان کی تشدّد شدہ لاش برآمد

قندیل بلوچ واجہ شهید صبا دشتیاری

قندیل بلوچ واجہ شهید صبا دشتیاری

حادثے میں لانگ مارچ میں شریک دو افراد زخمی

حادثے میں لانگ مارچ میں شریک دو افراد زخمی