لَدیگی سپاہ قدس ماں اسکاندیناوی ءَ

لَدیگی سپاہ قدس ماں اسکاندیناوی ءَ

2020-03-20 14:37:21
Share on

گوستگیں روچانی درگت ءَ  دانمارک، نروژ ءُ سوئد ءِ پلیس ءِ ھژاری ءُ ھمکاری  سپاہ قدس ءِ بد نیتی ءُ تروریستی  کارکردءَ یکبرے دگہ پاشک ءُ پدّر کت۰ سوئد ءِ پلیس بیست ءُ یک اکتبر ءَ  ایرانی مزن تروریستے ماں یوتبوریءِ ائیرپورٹ ءَ دسگر کت ءُ دانمارک ءِ پلیس ءِ دستءَ دات۰
نروژ ءِ پلیس  سپاہ قدس ءِ ھمے تروریست ءِ باروا جار جت کہ کہ آ سی ءُ نُہ سالگیں ایرانی ایت ءُ اسلوءِ جاھمنند انت۰  چنت سال پیشءَ  نروژءَ میار بوته بلئے ھنوں آیی ءَ نروژی پاسپورت ھست۰   پلیس ءِ ھالانی ردا اے تروریست  ایران ءَ شتگ ءُ بِرتَرّگ ءِ وھد ماں سوئد ءِ «لاند وِتِر» ائیرپورٹ ءَ دسگر کنگ بوتگ۰  
دانمارک ءِ پلیس جار پِرّینت کہ ھمے تروریست سپتامبر ءِ گڈی روچاں  الاحواز ءِ سیاسی ءُ آزادی پسندیں رھشون واجہ حبیب جبر ءِ لوگ ءِ کش ءُ گورا ماں دانمارک  “رینگ ستِاد” شھرا  گندگ بوتہ ءُ چہ اوداں تامُر ءُ بُت (فیلم و عکس) کش اتگ۰  
دانمارک ءِ سروزیر ایران ءِ انسان کُشی ءُ تروریستی کارکرد پہ زپتی ایرجت ءُ  وتی سفیر چہ تھران لوٹائینت۰ نروژ، سوئد، فنلاند ءُ ایسلند ءِ سروزیراں ھم  ایرانی  واکداران ایرجت ءُ وادہ اِش کت تروریسم ءِ ھلاپ  گوں دانمارک ءَ ھم کوپگ ءُ ھمشور بنت۰ 
سپاه قدس دگنیاے ءَ پیش داشتگ که یک  تروریستی ءُ انسان دژمنیں ٹولی ایت۰ اے لدیگی ٹولی ءِ ھامنہ ای ءُ ایرانی واکدارانی پرهونیں پنچگ اَنت که گوں تهارپگری ءُ بے بنیاتیں مذهبی باوراں انسان کشی کنگاینت۰ 
شهید مولوی عبدالمالک ملازاده، شھید محمد حسن ارباب، شهید مولوی عبدالرئوف ریگی،  شهیدتاج محمد گمشادزهی، شهیدحاجی بلوچ خان سمالزی ءُ  دگه بلوچ کماشانی ترورکنگ ،  کوردانی کلانیں سروکانی کُشگ ماں اتریش (شهید عبدالرحمان قاسملو) ءُ جرمنی (شهید صادق شرفکندی) ، شاپور بهتیارءِ کارچ کُش کنگ ماں پاریس، کاظم رجوی ءِ ترورءُ  الاحواز ءِ احمد مولی نیسی ءِ کشگ ماں ھلند ءُ اپوزیسیونءِ دگه مردمانی کشگ  سپاه قدس ءِ تروریستانی کاراَنت۰  
ھنوں گپ اش انت کہ سپاہ قدس په رپک ءُ پندل وتی مردم ماں اسکاندیناوی ملکاں کہ تنے وھدا دگنیاے ءِ امن تریں ملک زانگ بوتگ انت نندارینتگ۰

سپاہ قدس ءِ  تروریست ماں اسکاندیناوی کئے اَنت؟

اے پدّرانت کہ مافیایی سپاہ رُمبے چہ وتی تروریستاں ھور گوں آدگہ سیاسی باھوٹاں اروپایی ملکاں، کانادا ءُ امریکاے ءَ راہ داتہ ءُ  ھمے رُمب ءَ لھتیں زابلی تروریست ھور جنگ بوتگنت۰   دگہ بھرے لبنانی شیھہ (حسن نصراللہ ءِ ٹولی)ءُ  اوگانستانءِ  ھزارہ یانی دو ٹولی اَنت کہ گوں سپاہ قدس ءِ  انسان کُشی ءَ شریک  اَنت۰ 
 لھتیں دگہ ارزانیں گلام ءُ چاروگ کہ گوں سپاہ قدس ھمکاری کننت،  ھما ایرانی انت کہ بندرا سیاسی باھوٹ اتنت بلئے گوں وھدءِ دراج کش بیگ ءَ نا اُمیت بوتنت۰ اے شاں خاتمی ءِ سرکماشی ءِ دورا  توبَّہ کت ءُ ایران ءِ روءُ آے ءَ شرو کت۰ بھرے چہ ھمے پشومانیں مردم سپاہ قدس ءِ ابلیسی دام ءَ مان گیشتگ اَنت۰  البت اداں گشگی انت ھر کَس کہ مُلک ءَ روءُ آ کنت “مشکوک” نھنت  بلئے ھما کہ گوں انسان کشیں سپاہ قدس ھمکاری کننت آ تروریستانءِ رستری کاراں شریک اَنت۰  سپاہ قدس ء دگہ ٹولی ئے  پاکستانی اَنت ءُ اے جاھلاں زرّ ءِ گلام انت ءُ ھر کارے پہ “کلدار” ءِ ھاترا کننت۰ 
سپاہ قدس ءِ تروریستانی بُندر ءُ بُنجاہ  ماں استکھلم، اسلو ،کپنھاگ، یوتبوری، مالمو، آرھوس، تروندھایم  ءَ شیھہ یانی مسیتاں ( لبنانی، عراقی، ھزارہ ءُ پارس شیھہ ھاسکار ھامنہ ای ٹولی )، آھانی حوزہ ءُ حسینیہ ءُ ایران ءِ کنسولگری ءُ سفارتخانہ  اَنت۰  
آزات ءُ آبــاد بــات گنجیــــں بلوچستـــــان
پروشت ءُ پروش باتنت ایـران ءُ پاکستـان
محمد کریم بلــــوچ
نوامبر ۲۰۱۸

Share on
Previous article

امپراتوریِ شیعیِ عجم بازندهٔ جنگ با اعراب

NEXT article

بلوچستان اِشغالی در چنگال خونینِ غارتگران – قسمت پنجم

LEAVE A REPLY

MUST READ

در اقدامی انتقامجویانه، سه زندانی سیاسی در زندان زاهدان اعدام شدند

در اقدامی انتقامجویانه، سه زندانی سیاسی در زندان زاهدان اعدام شدند

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

گپ و ترانے گون بلوچ جهدکار واجه عبدالستار پُردلیءِ چا اوغانستانءَ بلوچ جیڑاهانی سرا

گپ و ترانے گون بلوچ جهدکار واجه عبدالستار پُردلیءِ چا اوغانستانءَ بلوچ جیڑاهانی سرا

 زبانهای اصیل کوردی، تورکی، تورکمنی، عربی و بلوچی زنده هستند

زبانهای اصیل کوردی، تورکی، تورکمنی، عربی و بلوچی زنده هستند

نواب اکبرخانِءِ سالروچءِ درگتءَ تران

نواب اکبرخانِءِ سالروچءِ درگتءَ تران

رحمت آبادِ یزد و بیدخونِ عسلویه مایه شرم بشریت هستند

رحمت آبادِ یزد و بیدخونِ عسلویه مایه شرم بشریت هستند

آزاد بلوچستان کی جنگ سب بلوچوں کو ملکر لڑنی هونگی – بی جے پی کے ترجمان انیل بالونی

آزاد بلوچستان کی جنگ سب بلوچوں کو ملکر لڑنی هونگی – بی جے پی کے ترجمان انیل بالونی

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

بلوچستان سمینار اسٹوکھولم سویڈنءَ پروفیسر ڈاکٹر مصطفےءِ تران

بلوچستان: مختلف علاقوں سے آٹھ لاشیں برآمد

بلوچستان: مختلف علاقوں سے آٹھ لاشیں برآمد

بلوچ دژمنیں سپاہ ڈیہ ءِ جنیں آدماں بندی کنگ اِنت

بلوچ دژمنیں سپاہ ڈیہ ءِ جنیں آدماں بندی کنگ اِنت

واجہ شھید پروفیسر صبا دشیاريءِ 26 اگست 2009ءَ بلوچستان لیبریش چارٹر ءُ آھيءِ رھدربريءِ بابتءَ تران

واجہ شھید پروفیسر صبا دشیاريءِ 26 اگست 2009ءَ بلوچستان لیبریش چارٹر ءُ آھيءِ رھدربريءِ بابتءَ تران

گپ وتران گون شہید محمد اکبر خان بگٹی ء 20060402 گون ریڈیو بلوچی ایف ایم

گپ وتران گون شہید محمد اکبر خان بگٹی ء 20060402 گون ریڈیو بلوچی ایف ایم

بر دانش آموزان بلـوچ چه می گـذرد؟ – بخش پنجـم

بر دانش آموزان بلـوچ چه می گـذرد؟ – بخش پنجـم

آج تک ٹی ويءِ گپ ترانے گون بلوچ قوم دوست رھنما واجہ حیربیار مريءً

آج تک ٹی ويءِ گپ ترانے گون بلوچ قوم دوست رھنما واجہ حیربیار مريءً

گلوکار اُستاد منہاج مختار کے گھر پر حملہ کی مذمت کرتے ہیں۔ بی این ایم

گلوکار اُستاد منہاج مختار کے گھر پر حملہ کی مذمت کرتے ہیں۔ بی این ایم