لَدیگی سپاہ قدس ماں اسکاندیناوی ءَ

MUST READ

روز شهــدای بلوچستـان گرامـی باد

روز شهــدای بلوچستـان گرامـی باد

Baloch blogger Mureed Baloch on Pakistani Elections 2013 at Tehelka Radio on May 13, 2013.

Baloch blogger Mureed Baloch on Pakistani Elections 2013 at Tehelka Radio on May 13, 2013.

ملت پارس به آفت نژاد پرستی مبتلاست

ملت پارس به آفت نژاد پرستی مبتلاست

بی این پی مینگل و عوامی اور نیشنل پارٹی شروع دن سے قابض ریاست کے معاون و مدد گارہیں : حیربیار مری

بی این پی مینگل و عوامی اور نیشنل پارٹی شروع دن سے قابض ریاست کے معاون و مدد گارہیں : حیربیار مری

ایران کا غصہ

ایران کا غصہ

بلوچی زبان بلوچانی میراث انت

بلوچی زبان بلوچانی میراث انت

تربت . شاپک کے ایریا میں پاکستانی فوج کا بربریت . کئی بے گناہ بلوچ گرفتار . لوٹ مار کے بعد گهروں کو آگ لگا دیا

تربت . شاپک کے ایریا میں پاکستانی فوج کا بربریت . کئی بے گناہ بلوچ گرفتار . لوٹ مار کے بعد گهروں کو آگ لگا دیا

روز شهــدای بلوچستـان گرامـی باد

روز شهــدای بلوچستـان گرامـی باد

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

برطانیہ خان قلات کے ساتھ اپنے76 18 کی توسیع شدہ معاہدے کی پابندی کریں ۔ حیر بیار مری

بلوچ شهیدانی روچ ءِ درگتءَ 13 نوامبر شهیدانی یاتءَ مراگش

بلوچ شهیدانی روچ ءِ درگتءَ 13 نوامبر شهیدانی یاتءَ مراگش

سلمان میایی را بی گناه پرپر کردند – علی میایی جدگال

سلمان میایی را بی گناه پرپر کردند – علی میایی جدگال

ایرانءِ بلــوچ دژمنیـں واکدارانی پنـــدل

ایرانءِ بلــوچ دژمنیـں واکدارانی پنـــدل

آزادی سرزمينهاى اِشغالى حتمی است

آزادی سرزمينهاى اِشغالى حتمی است

پِگــری گُلامـــی – دومی بهر

پِگــری گُلامـــی – دومی بهر

اگربلوچ قیادت منتشر رہی توقومی تحریک آزادی دنیاکے توجہ سے محروم رہے گی:عبدالستار پُردلی

اگربلوچ قیادت منتشر رہی توقومی تحریک آزادی دنیاکے توجہ سے محروم رہے گی:عبدالستار پُردلی

لَدیگی سپاہ قدس ماں اسکاندیناوی ءَ

2020-03-26 12:41:08
Share on

گوستگیں روچانی درگت ءَ  دانمارک، نروژ ءُ سوئد ءِ پلیس ءِ ھژاری ءُ ھمکاری  سپاہ قدس ءِ بد نیتی ءُ تروریستی  کارکردءَ یکبرے دگہ پاشک ءُ پدّر کت۰ سوئد ءِ پلیس بیست ءُ یک اکتبر ءَ  ایرانی مزن تروریستے ماں یوتبوریءِ ائیرپورٹ ءَ دسگر کت ءُ دانمارک ءِ پلیس ءِ دستءَ دات۰
نروژ ءِ پلیس  سپاہ قدس ءِ ھمے تروریست ءِ باروا جار جت کہ کہ آ سی ءُ نُہ سالگیں ایرانی ایت ءُ اسلوءِ جاھمنند انت۰  چنت سال پیشءَ  نروژءَ میار بوته بلئے ھنوں آیی ءَ نروژی پاسپورت ھست۰   پلیس ءِ ھالانی ردا اے تروریست  ایران ءَ شتگ ءُ بِرتَرّگ ءِ وھد ماں سوئد ءِ «لاند وِتِر» ائیرپورٹ ءَ دسگر کنگ بوتگ۰  
دانمارک ءِ پلیس جار پِرّینت کہ ھمے تروریست سپتامبر ءِ گڈی روچاں  الاحواز ءِ سیاسی ءُ آزادی پسندیں رھشون واجہ حبیب جبر ءِ لوگ ءِ کش ءُ گورا ماں دانمارک  “رینگ ستِاد” شھرا  گندگ بوتہ ءُ چہ اوداں تامُر ءُ بُت (فیلم و عکس) کش اتگ۰  
دانمارک ءِ سروزیر ایران ءِ انسان کُشی ءُ تروریستی کارکرد پہ زپتی ایرجت ءُ  وتی سفیر چہ تھران لوٹائینت۰ نروژ، سوئد، فنلاند ءُ ایسلند ءِ سروزیراں ھم  ایرانی  واکداران ایرجت ءُ وادہ اِش کت تروریسم ءِ ھلاپ  گوں دانمارک ءَ ھم کوپگ ءُ ھمشور بنت۰ 
سپاه قدس دگنیاے ءَ پیش داشتگ که یک  تروریستی ءُ انسان دژمنیں ٹولی ایت۰ اے لدیگی ٹولی ءِ ھامنہ ای ءُ ایرانی واکدارانی پرهونیں پنچگ اَنت که گوں تهارپگری ءُ بے بنیاتیں مذهبی باوراں انسان کشی کنگاینت۰ 
شهید مولوی عبدالمالک ملازاده، شھید محمد حسن ارباب، شهید مولوی عبدالرئوف ریگی،  شهیدتاج محمد گمشادزهی، شهیدحاجی بلوچ خان سمالزی ءُ  دگه بلوچ کماشانی ترورکنگ ،  کوردانی کلانیں سروکانی کُشگ ماں اتریش (شهید عبدالرحمان قاسملو) ءُ جرمنی (شهید صادق شرفکندی) ، شاپور بهتیارءِ کارچ کُش کنگ ماں پاریس، کاظم رجوی ءِ ترورءُ  الاحواز ءِ احمد مولی نیسی ءِ کشگ ماں ھلند ءُ اپوزیسیونءِ دگه مردمانی کشگ  سپاه قدس ءِ تروریستانی کاراَنت۰  
ھنوں گپ اش انت کہ سپاہ قدس په رپک ءُ پندل وتی مردم ماں اسکاندیناوی ملکاں کہ تنے وھدا دگنیاے ءِ امن تریں ملک زانگ بوتگ انت نندارینتگ۰

سپاہ قدس ءِ  تروریست ماں اسکاندیناوی کئے اَنت؟

اے پدّرانت کہ مافیایی سپاہ رُمبے چہ وتی تروریستاں ھور گوں آدگہ سیاسی باھوٹاں اروپایی ملکاں، کانادا ءُ امریکاے ءَ راہ داتہ ءُ  ھمے رُمب ءَ لھتیں زابلی تروریست ھور جنگ بوتگنت۰   دگہ بھرے لبنانی شیھہ (حسن نصراللہ ءِ ٹولی)ءُ  اوگانستانءِ  ھزارہ یانی دو ٹولی اَنت کہ گوں سپاہ قدس ءِ  انسان کُشی ءَ شریک  اَنت۰ 
 لھتیں دگہ ارزانیں گلام ءُ چاروگ کہ گوں سپاہ قدس ھمکاری کننت،  ھما ایرانی انت کہ بندرا سیاسی باھوٹ اتنت بلئے گوں وھدءِ دراج کش بیگ ءَ نا اُمیت بوتنت۰ اے شاں خاتمی ءِ سرکماشی ءِ دورا  توبَّہ کت ءُ ایران ءِ روءُ آے ءَ شرو کت۰ بھرے چہ ھمے پشومانیں مردم سپاہ قدس ءِ ابلیسی دام ءَ مان گیشتگ اَنت۰  البت اداں گشگی انت ھر کَس کہ مُلک ءَ روءُ آ کنت “مشکوک” نھنت  بلئے ھما کہ گوں انسان کشیں سپاہ قدس ھمکاری کننت آ تروریستانءِ رستری کاراں شریک اَنت۰  سپاہ قدس ء دگہ ٹولی ئے  پاکستانی اَنت ءُ اے جاھلاں زرّ ءِ گلام انت ءُ ھر کارے پہ “کلدار” ءِ ھاترا کننت۰ 
سپاہ قدس ءِ تروریستانی بُندر ءُ بُنجاہ  ماں استکھلم، اسلو ،کپنھاگ، یوتبوری، مالمو، آرھوس، تروندھایم  ءَ شیھہ یانی مسیتاں ( لبنانی، عراقی، ھزارہ ءُ پارس شیھہ ھاسکار ھامنہ ای ٹولی )، آھانی حوزہ ءُ حسینیہ ءُ ایران ءِ کنسولگری ءُ سفارتخانہ  اَنت۰  
آزات ءُ آبــاد بــات گنجیــــں بلوچستـــــان
پروشت ءُ پروش باتنت ایـران ءُ پاکستـان
محمد کریم بلــــوچ
نوامبر ۲۰۱۸

Share on
Previous article

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

NEXT article

مکران آپریشنوں کے پیچھے اصل محرک پاکستان وچین معاہدات ہیں،حیر بیار مری

LEAVE A REPLY