منی پت شہید ڈاکٹر منان ءِ لہتیں یات – ذیشان بلوچ

منی پت شہید ڈاکٹر منان ءِ لہتیں یات – ذیشان بلوچ

2020-03-26 11:42:31
Share on

چہ بابا ءِ شہادت ءَ پد، منا ھمائیں دل ءَ بوتگ کہ من وتی یاداں قلم بند بہ کنیں۔ بلے منی نزوریں قلم یک مہروانیں پت یے ءِ باروا، یا یک لیڈرے ءِ باروا لکھ اِت نہ کنت۔بابا ءَ چہ کسانی ءَ بزّگی دیستگ۔ بابا ءِ زندگی پہ بزّگیں مخلوق ءَ یک سبق ے بوت کنت اگاں مخلوق بابا ءِ زند ءَ سرپد بہ بیت۔ بابا ایوک ءَ پہ وتی جند ءِ چکّاں پت ءِ پئیم ءَ نہ اَت، بلکیں ہرمردم ءَ گوں بابا ءِ مہر انچو مہکم اَت کہ درستیں مردماناں بابا ءَ یک وڑا دوست داشت۔بابا ءَ مارا لاشعوری چہ کسانی ءَ اے سبق داتگ اَت کہ آئی ءِ ذمہ داری چہ پت ےءَ گیش یک لیڈرے ئیگ اِنت۔ پمشکہ بابا ءِ جتائی ءِ درد منا ءُ منی کسانیں برات (پپّی) ءَ ھوار کلیں راج ءَ یک پئیم ءَ بوتگ۔
پہ مئے چاگرد ءَ اے یک نوکیں مثالے کہ پت وتی چک ءِ سنگت بہ بیت۔ بلے بابا وتی چکانی سنگت بوتگ۔ پت بوھگ ءِ روایتی ترس ءُ بیم بابا ءَ کدی اوں زاہر نہ کرتگ۔ بابا ءَ مدام گشتگ چکاناں زہر گرگ آھاناں لگور کنت، آھانی صلاحیتاں چیر دنت۔ من ءَ انگت ءَ یاد اِنت کہ کجام وھد ءَ بابا علاقہ ءَ اتک گڈا مئے لوگ سک رش بوت۔ بابا ءِ سنگت اتکاں ءُ دنیا ءُ جہان ءِ موضوعانی سرا گپ جت اِش۔ ہندی ءُ میان استمانی سیاست ءِ سرا مشکے ءِ میتگ کرکی ءَ مئے لوگ گشے یک شریں وانگ جاہ یے اَت۔ من مدام ھمے دیواناں نشتوں۔ اے دیوانانی گپ اگاں منی سمجھ ءَ آ وھد ءَ نہ اتکاں بلے لاشعور ءِ حصہ جوڑ بوان بوتاں۔ بابا گیشتر چہ لوگ ءَ ءُ چہ شہر ءَ دور اَت۔ برے جھاؤ، برے گریشہ، برے مکران ءُ برے خاران، پمشکہ مارا کم موقع رستگ کہ ما بابا ءَ گوں نزدیک بہ باں۔بلے کدی بابا لوگ ءَ اتکگ گڈا مئے واستہ وش تریں ساعت ھما بوتگاں۔ چک ءِ واستہ پت ءِ مہر سکیں گران بہائیں مارشتے۔
بابا ءِ مہر پہ مئے واستہ مدام یک رنگ ءَ اَت۔ بابا ءَ شہید بچوک، شہیدماجد، شہید زمیندار، شہید سرفراز ءُ بول بچن ہم وتی چک گشت۔ راستیں گپ ایش اِنت کہ آ وھد ءَ من زہر اتک کہ منی پت چیا دگراں وتی چک گشیت۔بابا ءِ کل چک پدا یک یک ءَ شہید بوتاں،من، بول بچن ءُ پپی ءَ ابید۔
2011ءَ من شتوں شہرا پہ وانگ ءَ۔ اے دوران ءَ منی ءُ بابا ءِ سنگتی مضبوط بوان اَت۔2012ءِ جولائی ءَ من شتوں علاقہ ءَ۔ رمضان ءِ ماہ اَت۔ اے ماہ ءَ بابا وت روچگ اَت ءُ مئے واستہ وشی ءِ گپ ایش اَت کہ کلّیں ماہ ءَ بابا دگہ علاقہ آں نہ روت۔ بزاں کہ ما گوں بابا ءَ یک ماہے دیوان کت کناں۔ رمضان ءِ اولی صحب ءَ من شتاں بابا ءِ کرّا ، من انگریزی ءَ جُست ے کت کہ Are you fast?من گشت No۔
رمضان ءَ پد من شہرا پہ وانگ ءَ شتوں، مزنیں عید ءِ وھد ءَ من بابا ءَ فون کت کہ من آھگ آں علاقہ ءَ۔ بابا ءَ گشت کہ میا حالت شر نیاں علاقہ ءَ۔ بلے من شتوں۔
بابا منا دیست تہ گشت ے کہ منی دل ءَ بوتا تو بیائے ، بلے تئی مات ءَ نہ منّ اِتگ کہ منی زھگ علاقہ ءَ خوار بیت۔
2012ءَ پد علاقہ ءَ حالات خراب بوہان بوتاں۔ مئے لوگ ءَ چھاپہ بوت گڈا بابا ءَ وتی جاگہ بدل کت۔ نوکیں جاگہ ءَ ما شہید شہیک جان دیست۔ شہیک جان ءِ نام ءُ تعریف چہ بابا ءِ کرا باز اشکتگ اَت۔ بابا ءَ مدام شہیک جان ءِ تعریف گوں شریں لبزاں کتگ اَت۔ من ھم شہیک جان ھما وڑا دیست کہ بابا ءِ کرا اشکتگ اَت۔ بابا ءُ شہیک جان شطرنج ءِ کھلاڑی اَتاں۔من پدا کدی کہ علاقہ ءَ شتگاں گڈا الم شہیک جان ءِ لوگ ءَ ھم شتگاں۔
2014ءَ من علاقہ ءِ شُتاں۔ اے دوران ءَ بابا ءَ لوگ بدل کتگ اَتاں۔ اولی لوگ کرکی اَت، دوہمی زونگ ءَ ءُ سیمی لوگ ہارونی ءَ اَت۔ شطرنج ءِ گوازی بابا ءَ من ءَ سوج داتگ اَت بلے کدی ھم من بابا شطرنج ءَ نہ بُرت۔ برے برے کہ لوگ ءَ مہمان نہ بوت گڈا بابا ءَ مارا وھد دات۔مئے گوں لڈو ءُ شطرنج گوازی کرت۔ مئے گوں کند اِت گپ کرت۔
2015ءَ من چہ شہر ءَ دیم پہ علاقہ ءِ شتاں۔ بلے اے بری مشکے ءَ نہ شتاں۔بابا وت دگہ علاقہ یےءَ اَت، پمشکہ منا وتی نیمگ ءَ لوٹائینت ے۔ من ءَ معلوم نہ اَت کہ اے منی ءُ بابا ءِ آخری دیوان بیت۔ بابا ءِ شہادت ءَ پد من مارگ ءَ اوں کہ آ مئے آخری دیوان اَت۔ لڈو ءِ آخری گیم ھم من ھمودا بابا ءِ گوما لیب کت۔ شطرنج ءِ آخری لیب ھم من بابا ءِ گوما ھمودا کرت بلے بابا ءَ منا بُرت۔ ھمودا بابا ءَ منی دست چک اِتاں ءُ من ءَ پہ شہر ءَ دیم دات۔
اے رندی منا گمان بوت کہ حادثہ یے بیت، بلے اے وڑیں خیالاناں من چہ وتا دور کنگ ءِ مدامی وڑا جہد کت۔
جنوری ءِ 30تاریخ صحب ءَ من مہلہ پاد اتکاں ۔ موبائل پچ کت ءُ میسج چارتاں۔ نیوز گروپ ءَ اتکگ اَت کہ مستونگ ءَ فوج ءَ پنچ مردم شہید کتگ۔ من موبائل ایر کت ءُ ھمے مردمانی باروا جیڑگ ءِ تہ ءَ واب کپتگاں۔ 12بج ءَ پدا پاد اتکاں۔ موبائل چار اِت تہ سنگتاں وتی بی بی ایم ڈی پی سیاہ کرتگاں۔ یک سنگتے ءَ اسٹیٹس ایر کتگ اَت کہ’ منا پہل کن ڈاکٹر جان‘۔
من حیران بوتاں کہ کجام ڈاکٹر اِنت۔ نیوز گروپ ءَ چارگ ءَ لگ اِتاں تہ اولی عکس منی دیم ءَ اَت بابا ءِ ہون ءَ چہ میچلیں عکسے اَت۔ بابا کپتگ اَت ءُ چہ سرگ ءَ ھون ریچگ ءَ اَت۔ منی ذہن ہچ وڈا اے تہلیں راستی ءِ منّگ ءَ تیار نہ اَت۔ منی سنگت، منی بابا ءِ شہادت ءِ برداشت کنگ پہ من ءَ سک گران اَت، بابا ءِ شہید بوھگ انگت ءَ ھم منا باور نئیں۔ بلے راستی ایش اِنت کہ بابا ءَ وتی زند ندر کتگ ءُ نوں بابا کدی ہم منی گونءَ لیب نہ کنت، منا وتی بچ نہ گشیت۔۔۔۔

 

Share on
Previous article

 ایرانءِ بلـوچ دژمنیں “استراتجی” ماں رودراتکی بلوچستانءَ

NEXT article

دکتر الله نظر راجی جنزءِ لائکیـں رهشــون

LEAVE A REPLY

MUST READ

من اگت در ملکءَ روان منی جان رکھیت ، بلہ اے ھزارانی بزگین مھلوک ءُ وتی زمینءَ ھلاس بہ کناں پا من انگت گرانترین مرگءِ بیت – قمبر چاکر 2010

من اگت در ملکءَ روان منی جان رکھیت ، بلہ اے ھزارانی بزگین مھلوک ءُ وتی زمینءَ ھلاس بہ کناں پا من انگت گرانترین مرگءِ بیت – قمبر چاکر 2010

مکران آپریشنوں کے پیچھے اصل محرک پاکستان وچین معاہدات ہیں،حیر بیار مری

مکران آپریشنوں کے پیچھے اصل محرک پاکستان وچین معاہدات ہیں،حیر بیار مری

وه جو روشنی کی کوشان میں تاریک راتوں میں مارے گئے – ک ب فراق

وه جو روشنی کی کوشان میں تاریک راتوں میں مارے گئے – ک ب فراق

Two Baloch killed in Mastung as FC given free hand to conduct operations in Balochistan

Two Baloch killed in Mastung as FC given free hand to conduct operations in Balochistan

شھید حمید بلوچءِ پیغامءِ چا مچ جیلءَ – توار سرمچار وبلاگ

شھید حمید بلوچءِ پیغامءِ چا مچ جیلءَ – توار سرمچار وبلاگ

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

بلوچ قوم کو قابض کی عدالت سے انصاف کی توقع نہیں رکهنا چاہیے :حیربیار مری

بلوچ قوم کو قابض کی عدالت سے انصاف کی توقع نہیں رکهنا چاہیے :حیربیار مری

جنگ آزادی بخش بلوچستان و توطئه چینی سپاه تروریستی قدس

جنگ آزادی بخش بلوچستان و توطئه چینی سپاه تروریستی قدس

بلوچ رہنما ڈاکٹر اللہ نذر کاپیغام تمام عالمی و انسانی حقوق کے تنظیموں کے نام

بلوچ رہنما ڈاکٹر اللہ نذر کاپیغام تمام عالمی و انسانی حقوق کے تنظیموں کے نام

بلوچ راجءِ میارجلّی ءِ جَوریں تجربه اے

بلوچ راجءِ میارجلّی ءِ جَوریں تجربه اے

هجوم وحشيانه قشـون پارس و اشغال بلوچستان در سـال ۱۳۰۷ هجـری شمسـی

هجوم وحشيانه قشـون پارس و اشغال بلوچستان در سـال ۱۳۰۷ هجـری شمسـی

مال ءُ مڈّی

مال ءُ مڈّی

مروچی صحافی هانی میان استمانی روچ دارگ بواگءَ انت – ریڈیو حال

مروچی صحافی هانی میان استمانی روچ دارگ بواگءَ انت – ریڈیو حال

اُوَیس سمبل انگیزه یادگیری است

اُوَیس سمبل انگیزه یادگیری است

بلوچستانءَ پاکستانی آئیوکین گچین کاریانی بابتءَ گپ ءُ ترانے گون روچتاک انتخابءِ سرمستر واجہ انور ساجديءَ

بلوچستانءَ پاکستانی آئیوکین گچین کاریانی بابتءَ گپ ءُ ترانے گون روچتاک انتخابءِ سرمستر واجہ انور ساجديءَ