مروچی 17 سالءَ رند پاکستانءِ اسلامی جوہری سلاحانی تراکینگءِ چکاسءَ بلوچ سرڈگارءَ وڑ وڑین تباہ کاریان ء دیم پا دیم بوت، ساہ داران چہ بگر درچک دار، سری و چیر زمینی آپ، کشاران ایٹمی تابکاریانی آماچ بوتگ انت.
انسانان کینسر، پوستی نادراھی ،حیوان و دلوتانی دست و پاد چوٹ بُواگ ءُ کشار 80% کم ءُ وراکی آپ زھرءِ وڑءَ تام کن انت۔ پیش چہ تراگءَ بلوچ مھلوک ھچ دابین حال ءُ سرپدی دیگ نبوت بلکہ پاکستانءِ وزیراعظمءَ ھمے گواشت کہ چنت بلوچءِ مرگ انچوکین بازین فرقءِ نکنت۔ اے سلین ءُ مردوم کشین سلاحءِ چکاسءَ رند اے دمگے مردوم بازین نادراھی یان دوچار بوتگ انت