پرچے ناشریں ڈنّی یاں مئے مَچکَدَگاں ماندارَگ اَنت؟

پرچے ناشریں ڈنّی یاں مئے مَچکَدَگاں ماندارَگ اَنت؟

2020-03-20 16:20:20
Share on

جالک ءُ گُشتءِ گنجیں مچکدگان اِش ھم مانداشت ءُ ھزاراں مچ اِش گوں بَراں سُھت انت۰ انسان دژمنیں درآمد گوں ڈیہ ءِ مچکدگاںی بُن دیگ ءَ ھامین ءَ ھم سوچَنت ءُ سدانی سد بلوچ ءِ روزی ءَ دَستی ءُ پہ کست زوال کننت۰  اے ھنچیں آسے کہ بید چہ مچکدگ ءُ ھامین ءُ کلونٹ ءُ ھرماگانی سوچگ ءَ مئے راجی زند ءُ شھدیں بلوچی زبان ءَ سَکّ تَورینیت۰ ھامین ڈیہ ءِ ھزاراں دھکانءِ زھمتانی برورد ءِ وھد انت، ھامیں کدرتی ءُ ھُدایی دادایت۰ 

مئے مچکدگ ءُ ھرماگ ءُ ھامین ءِ برکت ءَ گنجیں بلوچستان ءُ بلوچ راج ھچبر اپریکایی واریں ملکانی وڑا شدیگی ءِ آماچ نبوتگ اَنت۰  مچ ءُ مچکدگ، کُوگ، گوَنگ، نُوک بر، سال بَر، ڈاک، گڈیل، کوکُرّ، کَرز، پیش، پیش تاک، کپات، چیلُّک، ھژبُرّ، گَرَگ، جوژ، کنٹک، سیس (سوس)، کَپُتک، کلمپوگ، کانزگ، کُہ کراچیک، مَچ ایوار، گُشّ، ھوش،  پَپُک، مچ بند، گوَربند، سُند گواپ، مچ سُند، کلونٹ، کُنک، زپتیں کلونٹ، کونڈاگ ( دریپانچ )، تازگیں ھرما (ناہ) ، لیچرتگیں ھرما، چل ءُ پون، گڈگ، سرمپک، لَرّ، پینُک، کوَھک ءُ گیش چہ ھپتاد زات ھرماگ ءُ ڈیہ ءِ مچانی نام  بلوچی زبان ءُ مئے  زند ءِ باز کیمتی بھرے اَنت۰ اے درستاں ھنوں ناشریں درآمدانی رستری کینگانی آماچ انت۰  

رستگین ھالانی ردا پیش چہ مچانی بُن گِرَگ ءَ درآمدیں مردم ماں مچکدگاں گندگ بوتگنت۰ پہ درور ماں جالک، ریگانءُ گُشت ءَ چم دیستیں شاھد ھست بزاں ھنچیں گواہ ھست اَنت کہ ڈنّی یان اِش وَت ماں شھرءُ مچکدگان دیستگ اَنت۰ 

پوہ ءُ سرپد بئیں کہ مچکدگانی ماندارگ بلوچ دژمنیں ڈنی یانی ابلیسی پندلان ءِ بھرایت۰ بلوچستان ءِ راجدپتر گواھی ندنت کہ مُلک ءِ مچ ءُ مچکدگ چہ ریکان بگردان ایرکشان، چہ جالک بگر تان اسپکہ، چہ گِہ بگر تاں سرباز، چہ گُشت بگر تاں شارک اے وڑا زوال بہ بنت۰ 

ڈنّی یانی اے رستری کار گوں انسان کُشی برابر انت۰ اگاں ما وَت دژمنان مہ اوشتارینین ءُ وتی زند ءُ ڈیہ  ءِ مچکدگانی پاسپانی ءَ مہ کنیں گڑا ھارّیں ڈنی گنتر کن اَنت ءُ  ملک ءِ پش کپتگیں مچکدگ، کِشت ءُ کِشار ءُ تن تن میتگاں سوچنت تاں بلوچ وتی بُن پیرکی ڈیہ ءُ ھنکین ءَ یلہ بکن اَنت۰ 

بلئے ناشریں درآمدانی اے ناھودگیں واب ھچبر پورہ نہ بیت۰ بلوچستان گوں بلوچ راج ءَ مانگی اَنت ءُ مئے تیاب ءُ کورسراں، کیلگ ءُ کھچراں، مچکدگ ءُ میتگاں، کوہ ءُ پٹّ ءُ گلزمیں ناشریں ڈنی یانی جاہ نھنت  ءُ  دلجم اوں اے رستراں وتی بُن پیرکانی وڑا پروش ورنت۰

آزات ءُ آباد بات گنجيـــں بلوچستـــــــــان 

پروشت ءُ پروش باتنـــت ايران ءُ پاکستان 

 

محمــد کريم بلــوچ
جولای ۲۰۱۸ 

Share on
Previous article

شکست اخلاقی اشغالگران

NEXT article

آزادی سرزمينهاى اِشغالى حتمی است

LEAVE A REPLY

MUST READ

نہ چاہتے ہوئے بھی – کردگار بلوچ

نہ چاہتے ہوئے بھی – کردگار بلوچ

مسعود بارزانی کی طرف سے کردستان کی آزادی کی ریفرنڈم پر سمجھوتہ نہ کرنا خوش آئند ہے: حیربیار مری

مسعود بارزانی کی طرف سے کردستان کی آزادی کی ریفرنڈم پر سمجھوتہ نہ کرنا خوش آئند ہے: حیربیار مری

واجه عبدالصمد امیریءِ تپاکیءِ پیغام پا بلوچ راجءَ

واجه عبدالصمد امیریءِ تپاکیءِ پیغام پا بلوچ راجءَ

We Strongly Condemn Pakistan for Abducting Indian Citizen, Gulbushan Yadhu! Anil Boluni

We Strongly Condemn Pakistan for Abducting Indian Citizen, Gulbushan Yadhu! Anil Boluni

داغ ننگی بر پیشانیِ خامنه ایِ خون آشام

داغ ننگی بر پیشانیِ خامنه ایِ خون آشام

بلـــوچ گلزميــــن ءِ انــــداز ءُ سيمســـراں

بلـــوچ گلزميــــن ءِ انــــداز ءُ سيمســـراں

گپ و ترانے گون واجہ قدیر بلوچءَ اسلام آبادءِ لانگ مارچءِ اوّلی روچءَ

گپ و ترانے گون واجہ قدیر بلوچءَ اسلام آبادءِ لانگ مارچءِ اوّلی روچءَ

لالچ ءُ پاکستان: پت ءُ چُک یا چُک ءُ پت؟

لالچ ءُ پاکستان: پت ءُ چُک یا چُک ءُ پت؟

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

IVBMP -لاپتہ بلوچ اسیران کو جعلی مقابلوں میں شہید کرکے شدت پسند قرار دینا تشوشناک امر ہے

بلوچ بامرد دادشاہ کمال

بلوچ بامرد دادشاہ کمال

خصومتِ دولتِ ایران با زبان بلوچـی و دلایلِ آن

خصومتِ دولتِ ایران با زبان بلوچـی و دلایلِ آن

انڈیا میں بلوچستان پر سیمینار بلوچ رہنما حیربیار مری کا پیغام

انڈیا میں بلوچستان پر سیمینار بلوچ رہنما حیربیار مری کا پیغام

پاکستانی افواج صرف اور صرف نہتے خواتین اور بچوں کو ہی اغوا کر سکتے ہیں ان کی قابلیت یہی تک محدود ہے۔ نواب براہمدغ بگٹی

پاکستانی افواج صرف اور صرف نہتے خواتین اور بچوں کو ہی اغوا کر سکتے ہیں ان کی قابلیت یہی تک محدود ہے۔ نواب براہمدغ بگٹی

بلوچ قوم کو قابض کی عدالت سے انصاف کی توقع نہیں رکهنا چاہیے :حیربیار مری

بلوچ قوم کو قابض کی عدالت سے انصاف کی توقع نہیں رکهنا چاہیے :حیربیار مری

مـاتـی زبانءِ میان اُستمانـی روچ

مـاتـی زبانءِ میان اُستمانـی روچ