پرچے ناشریں ڈنّی یاں مئے مَچکَدَگاں ماندارَگ اَنت؟

MUST READ

شرکت مزدوران خارجی سپاه قدس در سرکوب مردم بپاخاسته

شرکت مزدوران خارجی سپاه قدس در سرکوب مردم بپاخاسته

بلوچستان اِشغالی در چنگال خونینِ غارتگران – قسمت پنجم

بلوچستان اِشغالی در چنگال خونینِ غارتگران – قسمت پنجم

آیاعربستان سعودی بہ منابع طبیعی ومعادنِ بلوچستان چشم دوخته است؟

آیاعربستان سعودی بہ منابع طبیعی ومعادنِ بلوچستان چشم دوخته است؟

بلوچ نسل کشی میں تیزی لائی گئی ہے ، خلیل بلوچ

بلوچ نسل کشی میں تیزی لائی گئی ہے ، خلیل بلوچ

کچھ کو ترجیج دینا اور دوسروں کو نظر انداز کرنا یو ین کے مقصد پر ایک سوالیہ نشان ہے۔ حیربیار مری

کچھ کو ترجیج دینا اور دوسروں کو نظر انداز کرنا یو ین کے مقصد پر ایک سوالیہ نشان ہے۔ حیربیار مری

دُزّآپ ءِ بُلـوارِ (زاهدانِءِ چوک) بلوچستـــان

دُزّآپ ءِ بُلـوارِ (زاهدانِءِ چوک) بلوچستـــان

تجاربی خونین از مذاکرات با اشغالگران

تجاربی خونین از مذاکرات با اشغالگران

آزات ءُ آباد بات گنجيــں بلوچستــان

آزات ءُ آباد بات گنجيــں بلوچستــان

شکست ایران بعنوان یک واحد سیاسی – جغرافیایی بخش دوم

شکست ایران بعنوان یک واحد سیاسی – جغرافیایی بخش دوم

قمبرچاکرءِ زندءِ سرا چماشانکے

قمبرچاکرءِ زندءِ سرا چماشانکے

شهید کمبر چاکر

شهید کمبر چاکر

مـاتی زبانانی جھانی روچ ءُ شھدیں بلوچی

مـاتی زبانانی جھانی روچ ءُ شھدیں بلوچی

بلوچستان میں خواتین کی جبری گمشدگی وہلاکت افسوسناک و قابلِ مذمت ہیں:بی ایچ آر او

بلوچستان میں خواتین کی جبری گمشدگی وہلاکت افسوسناک و قابلِ مذمت ہیں:بی ایچ آر او

گپ و ترانے گون واجہ قدیر بلوچءَ اسلام آبادءِ لانگ مارچءِ اوّلی روچءَ

گپ و ترانے گون واجہ قدیر بلوچءَ اسلام آبادءِ لانگ مارچءِ اوّلی روچءَ

لاپتہ بلوچ اسیران ،شہدا کے بھوک ہڑتالی کیمپ کو 1543ءدن گذر گئے

لاپتہ بلوچ اسیران ،شہدا کے بھوک ہڑتالی کیمپ کو 1543ءدن گذر گئے

پرچے ناشریں ڈنّی یاں مئے مَچکَدَگاں ماندارَگ اَنت؟

2020-03-26 16:36:10
Share on

جالک ءُ گُشتءِ گنجیں مچکدگان اِش ھم مانداشت ءُ ھزاراں مچ اِش گوں بَراں سُھت انت۰ انسان دژمنیں درآمد گوں ڈیہ ءِ مچکدگاںی بُن دیگ ءَ ھامین ءَ ھم سوچَنت ءُ سدانی سد بلوچ ءِ روزی ءَ دَستی ءُ پہ کست زوال کننت۰  اے ھنچیں آسے کہ بید چہ مچکدگ ءُ ھامین ءُ کلونٹ ءُ ھرماگانی سوچگ ءَ مئے راجی زند ءُ شھدیں بلوچی زبان ءَ سَکّ تَورینیت۰ ھامین ڈیہ ءِ ھزاراں دھکانءِ زھمتانی برورد ءِ وھد انت، ھامیں کدرتی ءُ ھُدایی دادایت۰ 

مئے مچکدگ ءُ ھرماگ ءُ ھامین ءِ برکت ءَ گنجیں بلوچستان ءُ بلوچ راج ھچبر اپریکایی واریں ملکانی وڑا شدیگی ءِ آماچ نبوتگ اَنت۰  مچ ءُ مچکدگ، کُوگ، گوَنگ، نُوک بر، سال بَر، ڈاک، گڈیل، کوکُرّ، کَرز، پیش، پیش تاک، کپات، چیلُّک، ھژبُرّ، گَرَگ، جوژ، کنٹک، سیس (سوس)، کَپُتک، کلمپوگ، کانزگ، کُہ کراچیک، مَچ ایوار، گُشّ، ھوش،  پَپُک، مچ بند، گوَربند، سُند گواپ، مچ سُند، کلونٹ، کُنک، زپتیں کلونٹ، کونڈاگ ( دریپانچ )، تازگیں ھرما (ناہ) ، لیچرتگیں ھرما، چل ءُ پون، گڈگ، سرمپک، لَرّ، پینُک، کوَھک ءُ گیش چہ ھپتاد زات ھرماگ ءُ ڈیہ ءِ مچانی نام  بلوچی زبان ءُ مئے  زند ءِ باز کیمتی بھرے اَنت۰ اے درستاں ھنوں ناشریں درآمدانی رستری کینگانی آماچ انت۰  

رستگین ھالانی ردا پیش چہ مچانی بُن گِرَگ ءَ درآمدیں مردم ماں مچکدگاں گندگ بوتگنت۰ پہ درور ماں جالک، ریگانءُ گُشت ءَ چم دیستیں شاھد ھست بزاں ھنچیں گواہ ھست اَنت کہ ڈنّی یان اِش وَت ماں شھرءُ مچکدگان دیستگ اَنت۰ 

پوہ ءُ سرپد بئیں کہ مچکدگانی ماندارگ بلوچ دژمنیں ڈنی یانی ابلیسی پندلان ءِ بھرایت۰ بلوچستان ءِ راجدپتر گواھی ندنت کہ مُلک ءِ مچ ءُ مچکدگ چہ ریکان بگردان ایرکشان، چہ جالک بگر تان اسپکہ، چہ گِہ بگر تاں سرباز، چہ گُشت بگر تاں شارک اے وڑا زوال بہ بنت۰ 

ڈنّی یانی اے رستری کار گوں انسان کُشی برابر انت۰ اگاں ما وَت دژمنان مہ اوشتارینین ءُ وتی زند ءُ ڈیہ  ءِ مچکدگانی پاسپانی ءَ مہ کنیں گڑا ھارّیں ڈنی گنتر کن اَنت ءُ  ملک ءِ پش کپتگیں مچکدگ، کِشت ءُ کِشار ءُ تن تن میتگاں سوچنت تاں بلوچ وتی بُن پیرکی ڈیہ ءُ ھنکین ءَ یلہ بکن اَنت۰ 

بلئے ناشریں درآمدانی اے ناھودگیں واب ھچبر پورہ نہ بیت۰ بلوچستان گوں بلوچ راج ءَ مانگی اَنت ءُ مئے تیاب ءُ کورسراں، کیلگ ءُ کھچراں، مچکدگ ءُ میتگاں، کوہ ءُ پٹّ ءُ گلزمیں ناشریں ڈنی یانی جاہ نھنت  ءُ  دلجم اوں اے رستراں وتی بُن پیرکانی وڑا پروش ورنت۰

آزات ءُ آباد بات گنجيـــں بلوچستـــــــــان 

پروشت ءُ پروش باتنـــت ايران ءُ پاکستان 

 

محمــد کريم بلــوچ
جولای ۲۰۱۸ 

Share on
Previous article

بلوچستانءِ نوکترین – ریڈیو حال

NEXT article

بلوچ اکٹوسٹ لندنءَ بی بی سیءِ دیما احتجاجءَ گون واجہ ڈاکٹر مصطفیءَ گپ ءُ ترانے

LEAVE A REPLY