پِگــری گُلامـــی – سیمی بهر

پِگــری گُلامـــی – سیمی بهر

2020-03-25 17:14:32
Share on

پِگری گُلامی انسان ءَ چه وتی راجی پگر ءُ راجی پجّار ءُ چه وتیگان دور کنت ءُ دشمنانی پجّار ءُ واهگ ءُ لوٹاں په وت کنت۰ آ وتی بُن پیرکی بیه ءَ شموشیت، گوں وتی ماتی زبان ءُ راجی  پجارءَ درآمد  بیت ءُ گڈسرا  دشمن ءِ رداں هوار بیت۰ 

اگاں یک پگری گلامے وتی ردی یاں سرپد به بیت ءُ وتی پگرا چه گلامی آزات کت بکنت گڑا آیی ءِ پگری آزاتی مزنین انکلابے زانگ بیت۰ 

محمد رضا پهلوی ءِ بادشاهی گوں امریکا ءُ انگریزءِ هروڑیں  کمک ءُ مدت ءَ  کم ءُ گیش سی ءُ هپت سال دراج کش بوت ءُ آ دور بلوچستان ءِ راجدپترءِ یک تهاریں بهرے انـت۰   ماں همے دوراَت که بلوچ زهگانی آسیمیله کنگ بزاں  چه بلوچی پجّار ءَ دور کنگ ءُ آهاں په زور ءُ پندل پارس ترینگ ءِ شومیں سیاست سیستماتیک بوت۰ 

بلوچانی چک ماں وانگجاهاں پارس ءِ اداره آموزش و پرورش  ءِ بلوچ دژمنیں پندلانی آماچ بوتنت۰ بلوچی هبر کنگ ءُ بلوچی پچ پوشگ ماں وانگجاهاں مَهن بوت۰  گوں محمد رضا پهلوی ءِ بادشاهی پارس ناسیونالیستاں ایران ءِ اداری سیستم ءَ دست گپت۰ 

پارس ناسیونالیستاں رند چه دومی جهانی جنگ ءَ ماں آوار جتگیں کوردستان،  زرباری آزربایجان، عربستان الاحوازاالعربی رونشتی بلوچستانءُ زرباری تورکمنستان  وتی راج دشمنیں آسیمیلاسیون سیاستا ترندتر کرت۰ آ لوٹت که ایردستیں راج پارس ءِ زبان ءُ دود ربیدگاں بزوراَنت ءُ وتیگاں اَنگار بکننت۰ 

آ جاهل گوں پگری گلامانی همکاری ءَ چوش که تورکیں احمد کسروی ءِ ٹولی  په ایردستیں راجانی پارس کنگ ءَ وتی برنامه چنت پڑا دیما برت انت۰ آوارجتگیں سرزمینانی ونڈ ونڈ کنگ، بلوچی، تورکی، کوردی، تورکمنی شهر ءُ میتگانءِ نامانی بدل کنگ، گئیر پارسی زبانانی مهن کنگ ءُ پارسی ءَ ایوکیں وانینگی زبان جارجنگ بهرے چه هما انسان دژمنیں برنامه هان اتنت۰ 

البت گئیر پارس راجانی ایرجَنَگ هم یکے چه پارس ناسیونالیستانی پلینڈی کارکرداَت تنکه  اے وڑا پارس ءَ مزن ءُ پارسی زبان ءَ گهتریں زبان پیش بدارنت ءُ په چوشیں کارے ءَ  تورکیں احمد کسروی گوں وتی دراجیں زبان ءُ کلم ءَ تورکانی زبان، راجدپترءُ دود ءُ ربیدگ ءِ سرا هلگر کت ءُ په تورکی زبانءِ  گارکنگ ءَ گیش چه پارس ناسیونالیستاں تکانسری ءُ اشتاپکاری کت۰

ماں تورکانی راجدپترا احمد کسروی اولی تورک اَت که  میلیوناں تورک ءِ ماتی زبان ءِ نام بدلینت ءُ نبشته کت که آ  آذری زبانے ایت ءُ  آذری زبان گوں تورکی ءَ سیادی نه کنت۰ احمد کسروی آ پارس ءِ پگری گلام گوں رضا میرپنچ ءُ محمد رضا شاه ءِ کمکءَ جار جت که آذری زبان گوں پارسی ءَ سیادی کنت۰ 

احمد کسروی هنچو پارسیانی پگری گلام اَت که بید چه تورک دژمنی ءَ گوں عرباں هم په جَنگ پادآتک ءُ په همیش دین اسلام ءِ هـلاپ هم بازین سیاهگے نبشت ءُ شنگ کت۰

تورکیں احمد کسروی یک هنچوشیں پِگری گلامے اَت که چه تورک راج ءَ په بیه سسـت ءُ گوں پارس ناسیونالیستاں چوش که “سيد ضياءالدين طباطبايي،  عارف قزوینی،  یحیی دولت آبادی، عبدالحسين تيمورتاش، علی اكبر داور،  محمد علي فروغی و مستوفی الممالک”  هم کوپگ ءُ هواربوت۰ 

آ وتی  کَوّاسی ءُ  ندکاری ءَ په پارسیانی نپ ءُ سیت ءَ کارمرز کت ءُ وتی ساه ءُ زندا ماں همے ناهودگیں راه ءَ باهینـت۰ اگاں چه ماں آ دورا  کسروی ءِ وڑیں پگری گلام  ماں بلوچستــان ءَ نیست اَت بلئے هست اَت چنت نآسرپد که بلوچی زبان اِش یک راجی زبانے نه منّ اِت ءُ  شهدیـں بلوچی زبان ءَ پارسی ءِ یک گالوارے زانت تنکه وتی جندءِ گلامے ءَ پیش بدارنت ءُ پارس ناسیونالیستاں رزا بکننـت۰

زبان وَ وتی جاگه ءَ لهتیں وتی  بلوچی نام ءُ نشان هم ٹگلینـت تاںکه وتگلائیں محمد رضا شاه  آهانی پگری گلامی ءَ شاباش بکنت۰ آ ناکامیں مردمانی نام گِر کنگ  زلوری نهنت ءُ امیت انت که آهانی چک ءُ نماسگاں وتی راجدپتر ءُ راجی پجّارءَ سرپد ءُ بیدار به بنت ءُ گوں وتی ڈیه ءُ ماتی زبان ءَ  زیادتی  مه کننـت۰

پارس ءِ هما پگری گلام که گوں رضا میرپنچ ءُ محمدرضا وتا لچینـت مُرت ءُ شت اَنت یا که آجِــزانت ءُ شموشگ بوتگنت بلئے بلوچستـــان ءُ بلــوچ راج ابدمان ءُ شهدیں بلوچی  مدام زندگ اِنـت۰

 

آزات ءُ آباد بـــات گنجيـــــں بلـوچستــــان

پروشـت ءُ پروش باتنت ايران ءُ پاکستــان

محمــد کريم بلــوچ

ماه مئی ۲۰۱۷

Share on
Previous article

سفارت کاری ، بلوچ تحریک کی اہم ضرورت – کریمہ بلوچ

NEXT article

ایران ءِ پد منتگیں بُن رهبندءِ یک بَروَردے

LEAVE A REPLY

MUST READ

بلوچستان میں خواتین کی جبری گمشدگی وہلاکت افسوسناک و قابلِ مذمت ہیں:بی ایچ آر او

بلوچستان میں خواتین کی جبری گمشدگی وہلاکت افسوسناک و قابلِ مذمت ہیں:بی ایچ آر او

الوطن نیوز عربی کا جیش العدل کے رہنما صلاح دین فاروقی بلوچ سے خصوصی انٹرویو

الوطن نیوز عربی کا جیش العدل کے رہنما صلاح دین فاروقی بلوچ سے خصوصی انٹرویو

اُوَیس سمبل انگیزه یادگیری است

اُوَیس سمبل انگیزه یادگیری است

بلــوچ ءِ راجی سرمایہ ءُ مالانی پُل ءُ پانـچ

بلــوچ ءِ راجی سرمایہ ءُ مالانی پُل ءُ پانـچ

انڈیا میں بلوچستان پر سیمینار بلوچ رہنما حیربیار مری کا پیغام

انڈیا میں بلوچستان پر سیمینار بلوچ رہنما حیربیار مری کا پیغام

گروہی سوچ اور منتشر بلوچ قوت – اداریہ

گروہی سوچ اور منتشر بلوچ قوت – اداریہ

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

بلوچ سرزمین پر قابض ریاستوں کا بلوچ دشمن خندقیں اور دیواریں کھڑی کرنے کا مشترکہ شازش

حمايـت از بزرگمـرد بلوچستــان آقای قديـربلـوچ وکاروان آزادی

حمايـت از بزرگمـرد بلوچستــان آقای قديـربلـوچ وکاروان آزادی

مغربی بلوچستانءِ جهدکار کمال ناروئیءِ گواستگین تران گون ریڈیو گوانکءَ

مغربی بلوچستانءِ جهدکار کمال ناروئیءِ گواستگین تران گون ریڈیو گوانکءَ

بر دانش آموزان بلــوچ چه می گـذرد؟ بخش دوم

بر دانش آموزان بلــوچ چه می گـذرد؟ بخش دوم

بلوچستــان غربـی چگونه اشغال شـــد؟

بلوچستــان غربـی چگونه اشغال شـــد؟

بحـران بـرق در بلوچستـان اشغالـی

بحـران بـرق در بلوچستـان اشغالـی

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

بلوچ کی عدم شرکت سے گوادر حوالے کوئی بھی معاہدہ خطے میں انتشار کا باعث بنے گا ۔ حیربیار مری

بلوچ کی عدم شرکت سے گوادر حوالے کوئی بھی معاہدہ خطے میں انتشار کا باعث بنے گا ۔ حیربیار مری

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری