پِگــری گُلامــی – محمد کريم بلــوچ

پِگــری گُلامــی – محمد کريم بلــوچ

2020-03-25 18:09:29
Share on

اولی بهـر

  هر زوراکیں واکے که دگرانی ملک ءَ آوار جتگ په وتا پگری گلام جوڑ کتگ تاں گوں همیشانی همکاری ءَ آوارجتگیں ملک ءَ زوربرد بکنت۰ اے  کلونیالیسم ءِ  یک انسان دشمنیں  سیاستے بوته ءُ هست انت۰  البت اداں پدرکنگی انت که پارس کلونیالیسم گوں وهدیگیں کلاسیکی کلونیالیسم ءُ  هنوگیں کلونیالیسم باز پَرک داریت ءُ یک هاسیں شکل ءُ کارکردے ءِ واهند انـت۰ 

ایرانی واکداران ءِ  سياســت ءِ بـُـن هـِشـت  چـه رضـا ميرپنـچ ءِ دؤرءِ پلينـڈی، دوتل ءُ دوپوستـی، بلوچـاں وت ماں وت ءَ میڑينـگ، زورانسری، کشتـار، کارزوالی ، بدنيتـی، دروگ، بلوچـاں ايرجـَنـَگ ءُ انسان دژمنیءِ سرا ايـر کنـگ بوت۰  چُشین کلونیالیسم  ماں دگنیاےءَ کم درورانت۰ 

په شهديـں بلوچی زبان ءُ مئے راجی پجار ءِ گارکنگ ءَ هر پيميں پنـــدل اِش کارمرز کتگ۰ کم ءُ گيش نود ســـال انـــت که بیگناهیں بلـــوچ ورنايانی کشـــت ءُ کـــوش جاری انــــت۰  بلوچانـــی مال ءُ راجـــی سرمايه پل ءُ پانچ کنگاينت۰ بلوچ ورنايانی دسگر کنگ ءُ درنجگ،  بلــوچ تبلانـی کشگ، نودربرانی زانگ ءُ وانگ ءِ واهشت ءَ تج کش کنگ ءُ چه وانگجاهاں در کنگ، هـزاراں پاسدار، بسيجی، پئوجی، بے لگامين زابلی ءٌ کٹريں هزاره ياں په بلــوچ ءُ بلوچستــان ءِ ايردست دارگ ءَ  آرگ ءُ ماں بلــوچ گلزمين ءَ نندارينگ بوتنگنـت تنـکه بلوچستـان ءَ آرام آرام چه بلوچاں پـچ بگرانــت ءُ گئير بلوچانی دست ءَ بدينـت۰

ایرانی فاشیستانی سروک بزاں ملاهامنه ای ءِ مستریں پندل بزان « طرح توسعه سواحل مکران » بلوچ دشمنیں کلونیالیسم پارس ءِ شومیں مکسداں گیشتر پدر کتگ که لوٹنت بلـوچ راجءِ وجود ءُ راجی پجـّار ءُ نشان ءَ هم گار بکننـتءُ  بلوچ ءِ زهـگ ءُ ورنايـاں آسيميلـه بکننـت۰  پرچا که هرچـے بلـوچ ورنا چـه وتـی راجـی پجـار ءُ چه وتی ماتــی زبـان  ءَ دورتـر دارگ به بنـت گـڑا بلـوچ کـوم ءِ گـلام کنگ ءُ ايردسـت دارگ په پارس فاشيستاں آسانتر بيت۰ 

پارس کلونیالیسم  ءِ سیاست فاشيسـتی اَنت ءُ ایردستیں راجانی بیگواهی ءَ لوٹنت ءُ آهانی راجی پجار ءِ دژمن انت۰ په همیش  انت که بلوچ راج ءُ هاسکارنوک ورنا ءُ واننده  آسیمیلاسیون ءِ آماچ اَنت۰

اگاں چه پارس فاشیستاں  سد در سد ماں اے سياست ءَ  کامياب نه بوتگ انـت بلئــے هســت انت لهتیــں نازانت که وتا را گـوں پارسیاں لچينـگ لوٹنت۰  اے  چه بلـوچ راج ءِ پجـّـارءَ دور انـت ءُ بلوچستــان ءِ راجدپتـر ءَ ناسرپـد ءُ نامالـوم انـت۰  ماں ايرانی کتاباں په دروگيں تاريخے ءَ وانتگ اِش ءُ سرجمیں بلوچستـان ءَ بهــرے چه انگريـز اڈ کتگيـں « ايران » زاننـت۰ 

ایشان هنچو پارس ءِ پگری گلام بوتگ انت که بلوچانی جنگی سُوب  گوں اسکندر بزرگ ءِ لشکر ایران ءِ سوب زاننت۰ اے ناسرپداں میر همل ءُ میر کمبر ا ایرانی زاننت۰  

آ نه منّ انــت که رضا میرپنچ گوں انگریزانی همشوری ءَ « ايران » ءِ  نام ماں ۱۹۳۵ عیسائی ءَ اے ملک ءِ سرا ایر کُرت،  البت گوں کابلءِ اوگانانی اجازت ءَ۰  آ هنچو چه پارسیاں  ایرانی تر بوتگنـت که  نبیس انت “بلوچم، ایرانی ام از نژاد آریایی” اے  پارس ءِ نازانتیں پگری گلام  انگت ءَ سرپد نهنت که « آریایی » یک وهم ءُ بے بنیاتیں کسّه ایت که پارسءِ ناسیونالیست ءُ آهانی  هم شوریں  ڈنی یاں اڈ کتگ۰   

اپسوزی گپ ايش انـت که اگاں بلوچـے چه وتی راجی هکان ءُ بلوچستــان  ءِ وت مستری ءَ  هبــرے یا که نبشته بکنـت، پارسیانی همـے بـے لگاميــں پگری گلام په آيی ءِ گٹ تروس کنگ ءَ پيش کپنـت۰ يکـے چه آهانی پنــدلاں ايش انت که وتا زانوگری ءُ زانتکاری دروشمے دينـت۰ آ نبشته کننت ءُ گوشنت که “چه ايران ءَ سندگ ءُ بلوچستــان ءِ وت مستری يه           بلوچانی نپ ءُ پائــده نهنـت”۰  اگاں بلــوچ وت مستــر به بنت گـڑا بلوچستــان ءَ چـون داشت کننـت؟   ” مـاں بلوچستـان کوشت ُ کوش بيت، بـے مياريـں پارسیاں کشـگ بنـت”۰ 

لهتیں چريشـاں کـه بلوچ ءِ سرا باز زهـرکـِن انت ءُ زبان اِش نه کَشِّتَگيــں ســواس ءِ پيما دراج  انـت گوشنــت : ” اگاں  رونشتـی بلوچستـان چـه ايران ءَ به سدايـت ءُ وت مستــرهم به بيـت گـڑا چه اوگانستـان ، سومالـی يا کـه دگـه پشـت کپتگيـں ملـکاں گهتـر وَ نـه بيــت” ءُ فاشيستانی اے تبليغ ءَ گاجائيل کننت که « بلوچستـان ءِ وت مستری ءِ لوٹ ڈنـّـی واکانی برنامه انـت»۰  

البــت اے پارس دروشميـں بلوچـاں که وتا را زانوگـرزاننت  ءُ وتا  مـزن گندنـت چه بلوچستــان ءِ راجدپتـرءَ پـوه ءُ سرپـد نهنـت۰ شمارے چه ایشان گوں وتی چکاں پارسی گپ کننت ءُ هنچو پارس ءِ پگری گلام جوڑ بوتگ ءُ آسيميله انت که  گـوں بلـوچانی دژمــن ءُ بلوچستـان ءِ بدواهــاں مـاں يک ردے ءَ اوشتاتگ انــت۰

چه بلـوچ ورنايانی آگاهـی ءُ بيـداری ءَ نا وش ءُ کينگــی انـت۰  وتا را گـوں پارس نزيک زانـنـت ءُ فاشيستانـی بے بنياتيــں دليل ءُ هبـر بلوچانی هلاپ ءَ گاجائيل کننـت۰  بلــوچ ءِ راجی هک ءُ وت مستری لوث ءَ انکار کننت۰ ايشاں پارس ءِ « آسيميلاسيون » سیاستءِ شوميــں بــرورد انت که پگری پـِڑا بلــوچانی آزاتی کاروان ءِ ديمــا اوشتارينگ بوتگ انــت۰ 

 

آزات ءُ آباد بات گنجيــــں بلوچستـــــــــان 

پروشت ءُ پروش باتنـــت ايران ءُ پاکستان

 

محمد کريم بلــوچ 

  ماهِ مئی۲۰۱۷

Share on
Previous article

بر دانش آموزان بلـوچ چه می گـذرد؟ بخش آخـر

NEXT article

جنون کودک کشی اشغالگران در بلوچستان

LEAVE A REPLY

MUST READ

بيست و هفتم مارس روزی سياه در تاريــخ بلوچستــــان

بيست و هفتم مارس روزی سياه در تاريــخ بلوچستــــان

شاهرودی مسئول اعدام صدها بلوچ است

شاهرودی مسئول اعدام صدها بلوچ است

پاکستانی خطرات کو روکنے کے لیے تمام متاثرہ اقوام و ممالک کو مشترکہ طور پر پاکستان کا مقابلہ کرنا ہوگا ۔ حیربیار مری

پاکستانی خطرات کو روکنے کے لیے تمام متاثرہ اقوام و ممالک کو مشترکہ طور پر پاکستان کا مقابلہ کرنا ہوگا ۔ حیربیار مری

سویڈش شوشلیٹ پاڑٹی کے کریسٹوفر لونڈ بیری 10دسمبر2015 کو گوتنبرگ میں بولان کے بلوچ خواتین کی پاکستانی فورسز کی توسط سے اغواه کے خلاف مظاهرہ سے خطاب کررهے هیں

سویڈش شوشلیٹ پاڑٹی کے کریسٹوفر لونڈ بیری 10دسمبر2015 کو گوتنبرگ میں بولان کے بلوچ خواتین کی پاکستانی فورسز کی توسط سے اغواه کے خلاف مظاهرہ سے خطاب کررهے هیں

شاعر ءُ ارواه – نمیرانیں واجہ عبدالصمد امیری

شاعر ءُ ارواه – نمیرانیں واجہ عبدالصمد امیری

نوکترین ریڈیو حال

نوکترین ریڈیو حال

ڈاکٹرحنیف شریف

ڈاکٹرحنیف شریف

ایران سنی و شیعہ منافرت کی بنیاد پر بلوچ سرزمین، عرب دنیا اور خلیجی ممالک میں دہشت گردی کو ہوا دے رہا ہے :حیربیار مری

ایران سنی و شیعہ منافرت کی بنیاد پر بلوچ سرزمین، عرب دنیا اور خلیجی ممالک میں دہشت گردی کو ہوا دے رہا ہے :حیربیار مری

حسیـن معروفـی کیست؟

حسیـن معروفـی کیست؟

«تپاکی زندگیں راجءِ نشان اِنت»

«تپاکی زندگیں راجءِ نشان اِنت»

بر دانش آموزان بلـوچ چه می گـذرد؟ – بخش آخـر

بر دانش آموزان بلـوچ چه می گـذرد؟ – بخش آخـر

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

آزادی پسند قوتوں کے سا تھ دو بنیادی شرائط پر اصولی اشتراک عمل کیلئے ہمہ وقت تیار ہو ں ۔ حیربیار مری

آزادی پسند تنظیموں کی اتحاد

آزادی پسند تنظیموں کی اتحاد

ھزار گنجی بس اڈہ، اصل مسئلہ کیا ہے۔۔؟ کردگار بلوچ

ھزار گنجی بس اڈہ، اصل مسئلہ کیا ہے۔۔؟ کردگار بلوچ

بلوج ریاستی پروپیگنڈه هانی بهر مہ بنت، بلوچ لبریشن آرمیءِ باسکانی شیهد ءُ دستگرکنگ حکومتی پروپیگنڈه ایت

بلوج ریاستی پروپیگنڈه هانی بهر مہ بنت، بلوچ لبریشن آرمیءِ باسکانی شیهد ءُ دستگرکنگ حکومتی پروپیگنڈه ایت