پِگــری گُلامــی – محمد کريم بلــوچ

MUST READ

پاکستانی فوج نے بلوچستان میں حوصلہ کھو دیا،سی پیک ناکام ہے ۔ ڈاکٹر اللہ نذر

پاکستانی فوج نے بلوچستان میں حوصلہ کھو دیا،سی پیک ناکام ہے ۔ ڈاکٹر اللہ نذر

بلوچستان سمینار اسٹوکھولم سویڈنءَ بلوچ قومی گواشندہ سعید بلوچءِ الھان

بلوچستان سمینار اسٹوکھولم سویڈنءَ بلوچ قومی گواشندہ سعید بلوچءِ الھان

اساتذہ و سرکاری ملازمین مردم شماری میں حصہ لینے سے گریز کریں،سخت حملے کریں گے، بی ایل ایف

اساتذہ و سرکاری ملازمین مردم شماری میں حصہ لینے سے گریز کریں،سخت حملے کریں گے، بی ایل ایف

Balochistan’s Man in Makran: Optimist, Freedom Fighter, Canary in the Coal Mine

Balochistan’s Man in Makran: Optimist, Freedom Fighter, Canary in the Coal Mine

شھید حمید بلوچءِ پیغامءِ چا مچ جیلءَ – توار سرمچار وبلاگ

شھید حمید بلوچءِ پیغامءِ چا مچ جیلءَ – توار سرمچار وبلاگ

بلوچ کمانڈر کیساتھ انٹرویو: بلوچستان میں چین کی موجودگی بھارت کو غیر مستحکم کرے گا انٹرویو: وکی ننجپّا

بلوچ کمانڈر کیساتھ انٹرویو: بلوچستان میں چین کی موجودگی بھارت کو غیر مستحکم کرے گا انٹرویو: وکی ننجپّا

شاپک کیچءِ ڈرانڈیں بوتگینان گون گپ و ترانے ءُ بی ایچ آر او سروک بی بی گلءِ رپورٹ

شاپک کیچءِ ڈرانڈیں بوتگینان گون گپ و ترانے ءُ بی ایچ آر او سروک بی بی گلءِ رپورٹ

زگری پہلے بلوچ ہیں اور سرزمین بلوچستان کے وارث ہیں – حاجی ایوب سربازی

زگری پہلے بلوچ ہیں اور سرزمین بلوچستان کے وارث ہیں – حاجی ایوب سربازی

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

27 March Black Day – Baloch Nation Rejects Forceful Occupation of Balochistan

27 March Black Day – Baloch Nation Rejects Forceful Occupation of Balochistan

بلوچستان ءِ راجی جنزءِ دیمپان چے اَنت؟

بلوچستان ءِ راجی جنزءِ دیمپان چے اَنت؟

توهین، فحاشی و پرخاشگری بخشی از فرهنگ و زبان پارسی است

توهین، فحاشی و پرخاشگری بخشی از فرهنگ و زبان پارسی است

قوم دوست متوجہ ہوں بحر بلوچ ، بلوچ دشمن مافیاکے نرغے میں ہے قاضی داد محمد ریحان

قوم دوست متوجہ ہوں بحر بلوچ ، بلوچ دشمن مافیاکے نرغے میں ہے قاضی داد محمد ریحان

بیگواه بوتگین دین محمد بلوچءِ دحتگ سمّی بلوچ

بیگواه بوتگین دین محمد بلوچءِ دحتگ سمّی بلوچ

بلـوچ ءِ هـوں هم سُهـر اِنت

بلـوچ ءِ هـوں هم سُهـر اِنت

پِگــری گُلامــی – محمد کريم بلــوچ

2020-03-27 16:39:25
Share on

اولی بهـر

  هر زوراکیں واکے که دگرانی ملک ءَ آوار جتگ په وتا پگری گلام جوڑ کتگ تاں گوں همیشانی همکاری ءَ آوارجتگیں ملک ءَ زوربرد بکنت۰ اے  کلونیالیسم ءِ  یک انسان دشمنیں  سیاستے بوته ءُ هست انت۰  البت اداں پدرکنگی انت که پارس کلونیالیسم گوں وهدیگیں کلاسیکی کلونیالیسم ءُ  هنوگیں کلونیالیسم باز پَرک داریت ءُ یک هاسیں شکل ءُ کارکردے ءِ واهند انـت۰ 

ایرانی واکداران ءِ  سياســت ءِ بـُـن هـِشـت  چـه رضـا ميرپنـچ ءِ دؤرءِ پلينـڈی، دوتل ءُ دوپوستـی، بلوچـاں وت ماں وت ءَ میڑينـگ، زورانسری، کشتـار، کارزوالی ، بدنيتـی، دروگ، بلوچـاں ايرجـَنـَگ ءُ انسان دژمنیءِ سرا ايـر کنـگ بوت۰  چُشین کلونیالیسم  ماں دگنیاےءَ کم درورانت۰ 

په شهديـں بلوچی زبان ءُ مئے راجی پجار ءِ گارکنگ ءَ هر پيميں پنـــدل اِش کارمرز کتگ۰ کم ءُ گيش نود ســـال انـــت که بیگناهیں بلـــوچ ورنايانی کشـــت ءُ کـــوش جاری انــــت۰  بلوچانـــی مال ءُ راجـــی سرمايه پل ءُ پانچ کنگاينت۰ بلوچ ورنايانی دسگر کنگ ءُ درنجگ،  بلــوچ تبلانـی کشگ، نودربرانی زانگ ءُ وانگ ءِ واهشت ءَ تج کش کنگ ءُ چه وانگجاهاں در کنگ، هـزاراں پاسدار، بسيجی، پئوجی، بے لگامين زابلی ءٌ کٹريں هزاره ياں په بلــوچ ءُ بلوچستــان ءِ ايردست دارگ ءَ  آرگ ءُ ماں بلــوچ گلزمين ءَ نندارينگ بوتنگنـت تنـکه بلوچستـان ءَ آرام آرام چه بلوچاں پـچ بگرانــت ءُ گئير بلوچانی دست ءَ بدينـت۰

ایرانی فاشیستانی سروک بزاں ملاهامنه ای ءِ مستریں پندل بزان « طرح توسعه سواحل مکران » بلوچ دشمنیں کلونیالیسم پارس ءِ شومیں مکسداں گیشتر پدر کتگ که لوٹنت بلـوچ راجءِ وجود ءُ راجی پجـّار ءُ نشان ءَ هم گار بکننـتءُ  بلوچ ءِ زهـگ ءُ ورنايـاں آسيميلـه بکننـت۰  پرچا که هرچـے بلـوچ ورنا چـه وتـی راجـی پجـار ءُ چه وتی ماتــی زبـان  ءَ دورتـر دارگ به بنـت گـڑا بلـوچ کـوم ءِ گـلام کنگ ءُ ايردسـت دارگ په پارس فاشيستاں آسانتر بيت۰ 

پارس کلونیالیسم  ءِ سیاست فاشيسـتی اَنت ءُ ایردستیں راجانی بیگواهی ءَ لوٹنت ءُ آهانی راجی پجار ءِ دژمن انت۰ په همیش  انت که بلوچ راج ءُ هاسکارنوک ورنا ءُ واننده  آسیمیلاسیون ءِ آماچ اَنت۰

اگاں چه پارس فاشیستاں  سد در سد ماں اے سياست ءَ  کامياب نه بوتگ انـت بلئــے هســت انت لهتیــں نازانت که وتا را گـوں پارسیاں لچينـگ لوٹنت۰  اے  چه بلـوچ راج ءِ پجـّـارءَ دور انـت ءُ بلوچستــان ءِ راجدپتـر ءَ ناسرپـد ءُ نامالـوم انـت۰  ماں ايرانی کتاباں په دروگيں تاريخے ءَ وانتگ اِش ءُ سرجمیں بلوچستـان ءَ بهــرے چه انگريـز اڈ کتگيـں « ايران » زاننـت۰ 

ایشان هنچو پارس ءِ پگری گلام بوتگ انت که بلوچانی جنگی سُوب  گوں اسکندر بزرگ ءِ لشکر ایران ءِ سوب زاننت۰ اے ناسرپداں میر همل ءُ میر کمبر ا ایرانی زاننت۰  

آ نه منّ انــت که رضا میرپنچ گوں انگریزانی همشوری ءَ « ايران » ءِ  نام ماں ۱۹۳۵ عیسائی ءَ اے ملک ءِ سرا ایر کُرت،  البت گوں کابلءِ اوگانانی اجازت ءَ۰  آ هنچو چه پارسیاں  ایرانی تر بوتگنـت که  نبیس انت “بلوچم، ایرانی ام از نژاد آریایی” اے  پارس ءِ نازانتیں پگری گلام  انگت ءَ سرپد نهنت که « آریایی » یک وهم ءُ بے بنیاتیں کسّه ایت که پارسءِ ناسیونالیست ءُ آهانی  هم شوریں  ڈنی یاں اڈ کتگ۰   

اپسوزی گپ ايش انـت که اگاں بلوچـے چه وتی راجی هکان ءُ بلوچستــان  ءِ وت مستری ءَ  هبــرے یا که نبشته بکنـت، پارسیانی همـے بـے لگاميــں پگری گلام په آيی ءِ گٹ تروس کنگ ءَ پيش کپنـت۰ يکـے چه آهانی پنــدلاں ايش انت که وتا زانوگری ءُ زانتکاری دروشمے دينـت۰ آ نبشته کننت ءُ گوشنت که “چه ايران ءَ سندگ ءُ بلوچستــان ءِ وت مستری يه           بلوچانی نپ ءُ پائــده نهنـت”۰  اگاں بلــوچ وت مستــر به بنت گـڑا بلوچستــان ءَ چـون داشت کننـت؟   ” مـاں بلوچستـان کوشت ُ کوش بيت، بـے مياريـں پارسیاں کشـگ بنـت”۰ 

لهتیں چريشـاں کـه بلوچ ءِ سرا باز زهـرکـِن انت ءُ زبان اِش نه کَشِّتَگيــں ســواس ءِ پيما دراج  انـت گوشنــت : ” اگاں  رونشتـی بلوچستـان چـه ايران ءَ به سدايـت ءُ وت مستــرهم به بيـت گـڑا چه اوگانستـان ، سومالـی يا کـه دگـه پشـت کپتگيـں ملـکاں گهتـر وَ نـه بيــت” ءُ فاشيستانی اے تبليغ ءَ گاجائيل کننت که « بلوچستـان ءِ وت مستری ءِ لوٹ ڈنـّـی واکانی برنامه انـت»۰  

البــت اے پارس دروشميـں بلوچـاں که وتا را زانوگـرزاننت  ءُ وتا  مـزن گندنـت چه بلوچستــان ءِ راجدپتـرءَ پـوه ءُ سرپـد نهنـت۰ شمارے چه ایشان گوں وتی چکاں پارسی گپ کننت ءُ هنچو پارس ءِ پگری گلام جوڑ بوتگ ءُ آسيميله انت که  گـوں بلـوچانی دژمــن ءُ بلوچستـان ءِ بدواهــاں مـاں يک ردے ءَ اوشتاتگ انــت۰

چه بلـوچ ورنايانی آگاهـی ءُ بيـداری ءَ نا وش ءُ کينگــی انـت۰  وتا را گـوں پارس نزيک زانـنـت ءُ فاشيستانـی بے بنياتيــں دليل ءُ هبـر بلوچانی هلاپ ءَ گاجائيل کننـت۰  بلــوچ ءِ راجی هک ءُ وت مستری لوث ءَ انکار کننت۰ ايشاں پارس ءِ « آسيميلاسيون » سیاستءِ شوميــں بــرورد انت که پگری پـِڑا بلــوچانی آزاتی کاروان ءِ ديمــا اوشتارينگ بوتگ انــت۰ 

 

آزات ءُ آباد بات گنجيــــں بلوچستـــــــــان 

پروشت ءُ پروش باتنـــت ايران ءُ پاکستان

 

محمد کريم بلــوچ 

  ماهِ مئی۲۰۱۷

Share on
Previous article

ماہِ اپریل میں آپریشن دوران 120 سے زائد افراد لاپتہ، 24قتل کئے گئے، بی بی گل بلوچ

NEXT article

بلـوچ ءِ هـوں هم سُهـر اِنت

LEAVE A REPLY