پِگــری گُلامــی – محمد کريم بلــوچ

پِگــری گُلامــی – محمد کريم بلــوچ

2020-03-26 11:54:25
Share on

اولی بهـر

  هر زوراکیں واکے که دگرانی ملک ءَ آوار جتگ په وتا پگری گلام جوڑ کتگ تاں گوں همیشانی همکاری ءَ آوارجتگیں ملک ءَ زوربرد بکنت۰ اے  کلونیالیسم ءِ  یک انسان دشمنیں  سیاستے بوته ءُ هست انت۰  البت اداں پدرکنگی انت که پارس کلونیالیسم گوں وهدیگیں کلاسیکی کلونیالیسم ءُ  هنوگیں کلونیالیسم باز پَرک داریت ءُ یک هاسیں شکل ءُ کارکردے ءِ واهند انـت۰ 

ایرانی واکداران ءِ  سياســت ءِ بـُـن هـِشـت  چـه رضـا ميرپنـچ ءِ دؤرءِ پلينـڈی، دوتل ءُ دوپوستـی، بلوچـاں وت ماں وت ءَ میڑينـگ، زورانسری، کشتـار، کارزوالی ، بدنيتـی، دروگ، بلوچـاں ايرجـَنـَگ ءُ انسان دژمنیءِ سرا ايـر کنـگ بوت۰  چُشین کلونیالیسم  ماں دگنیاےءَ کم درورانت۰ 

په شهديـں بلوچی زبان ءُ مئے راجی پجار ءِ گارکنگ ءَ هر پيميں پنـــدل اِش کارمرز کتگ۰ کم ءُ گيش نود ســـال انـــت که بیگناهیں بلـــوچ ورنايانی کشـــت ءُ کـــوش جاری انــــت۰  بلوچانـــی مال ءُ راجـــی سرمايه پل ءُ پانچ کنگاينت۰ بلوچ ورنايانی دسگر کنگ ءُ درنجگ،  بلــوچ تبلانـی کشگ، نودربرانی زانگ ءُ وانگ ءِ واهشت ءَ تج کش کنگ ءُ چه وانگجاهاں در کنگ، هـزاراں پاسدار، بسيجی، پئوجی، بے لگامين زابلی ءٌ کٹريں هزاره ياں په بلــوچ ءُ بلوچستــان ءِ ايردست دارگ ءَ  آرگ ءُ ماں بلــوچ گلزمين ءَ نندارينگ بوتنگنـت تنـکه بلوچستـان ءَ آرام آرام چه بلوچاں پـچ بگرانــت ءُ گئير بلوچانی دست ءَ بدينـت۰

ایرانی فاشیستانی سروک بزاں ملاهامنه ای ءِ مستریں پندل بزان « طرح توسعه سواحل مکران » بلوچ دشمنیں کلونیالیسم پارس ءِ شومیں مکسداں گیشتر پدر کتگ که لوٹنت بلـوچ راجءِ وجود ءُ راجی پجـّار ءُ نشان ءَ هم گار بکننـتءُ  بلوچ ءِ زهـگ ءُ ورنايـاں آسيميلـه بکننـت۰  پرچا که هرچـے بلـوچ ورنا چـه وتـی راجـی پجـار ءُ چه وتی ماتــی زبـان  ءَ دورتـر دارگ به بنـت گـڑا بلـوچ کـوم ءِ گـلام کنگ ءُ ايردسـت دارگ په پارس فاشيستاں آسانتر بيت۰ 

پارس کلونیالیسم  ءِ سیاست فاشيسـتی اَنت ءُ ایردستیں راجانی بیگواهی ءَ لوٹنت ءُ آهانی راجی پجار ءِ دژمن انت۰ په همیش  انت که بلوچ راج ءُ هاسکارنوک ورنا ءُ واننده  آسیمیلاسیون ءِ آماچ اَنت۰

اگاں چه پارس فاشیستاں  سد در سد ماں اے سياست ءَ  کامياب نه بوتگ انـت بلئــے هســت انت لهتیــں نازانت که وتا را گـوں پارسیاں لچينـگ لوٹنت۰  اے  چه بلـوچ راج ءِ پجـّـارءَ دور انـت ءُ بلوچستــان ءِ راجدپتـر ءَ ناسرپـد ءُ نامالـوم انـت۰  ماں ايرانی کتاباں په دروگيں تاريخے ءَ وانتگ اِش ءُ سرجمیں بلوچستـان ءَ بهــرے چه انگريـز اڈ کتگيـں « ايران » زاننـت۰ 

ایشان هنچو پارس ءِ پگری گلام بوتگ انت که بلوچانی جنگی سُوب  گوں اسکندر بزرگ ءِ لشکر ایران ءِ سوب زاننت۰ اے ناسرپداں میر همل ءُ میر کمبر ا ایرانی زاننت۰  

آ نه منّ انــت که رضا میرپنچ گوں انگریزانی همشوری ءَ « ايران » ءِ  نام ماں ۱۹۳۵ عیسائی ءَ اے ملک ءِ سرا ایر کُرت،  البت گوں کابلءِ اوگانانی اجازت ءَ۰  آ هنچو چه پارسیاں  ایرانی تر بوتگنـت که  نبیس انت “بلوچم، ایرانی ام از نژاد آریایی” اے  پارس ءِ نازانتیں پگری گلام  انگت ءَ سرپد نهنت که « آریایی » یک وهم ءُ بے بنیاتیں کسّه ایت که پارسءِ ناسیونالیست ءُ آهانی  هم شوریں  ڈنی یاں اڈ کتگ۰   

اپسوزی گپ ايش انـت که اگاں بلوچـے چه وتی راجی هکان ءُ بلوچستــان  ءِ وت مستری ءَ  هبــرے یا که نبشته بکنـت، پارسیانی همـے بـے لگاميــں پگری گلام په آيی ءِ گٹ تروس کنگ ءَ پيش کپنـت۰ يکـے چه آهانی پنــدلاں ايش انت که وتا زانوگری ءُ زانتکاری دروشمے دينـت۰ آ نبشته کننت ءُ گوشنت که “چه ايران ءَ سندگ ءُ بلوچستــان ءِ وت مستری يه           بلوچانی نپ ءُ پائــده نهنـت”۰  اگاں بلــوچ وت مستــر به بنت گـڑا بلوچستــان ءَ چـون داشت کننـت؟   ” مـاں بلوچستـان کوشت ُ کوش بيت، بـے مياريـں پارسیاں کشـگ بنـت”۰ 

لهتیں چريشـاں کـه بلوچ ءِ سرا باز زهـرکـِن انت ءُ زبان اِش نه کَشِّتَگيــں ســواس ءِ پيما دراج  انـت گوشنــت : ” اگاں  رونشتـی بلوچستـان چـه ايران ءَ به سدايـت ءُ وت مستــرهم به بيـت گـڑا چه اوگانستـان ، سومالـی يا کـه دگـه پشـت کپتگيـں ملـکاں گهتـر وَ نـه بيــت” ءُ فاشيستانی اے تبليغ ءَ گاجائيل کننت که « بلوچستـان ءِ وت مستری ءِ لوٹ ڈنـّـی واکانی برنامه انـت»۰  

البــت اے پارس دروشميـں بلوچـاں که وتا را زانوگـرزاننت  ءُ وتا  مـزن گندنـت چه بلوچستــان ءِ راجدپتـرءَ پـوه ءُ سرپـد نهنـت۰ شمارے چه ایشان گوں وتی چکاں پارسی گپ کننت ءُ هنچو پارس ءِ پگری گلام جوڑ بوتگ ءُ آسيميله انت که  گـوں بلـوچانی دژمــن ءُ بلوچستـان ءِ بدواهــاں مـاں يک ردے ءَ اوشتاتگ انــت۰

چه بلـوچ ورنايانی آگاهـی ءُ بيـداری ءَ نا وش ءُ کينگــی انـت۰  وتا را گـوں پارس نزيک زانـنـت ءُ فاشيستانـی بے بنياتيــں دليل ءُ هبـر بلوچانی هلاپ ءَ گاجائيل کننـت۰  بلــوچ ءِ راجی هک ءُ وت مستری لوث ءَ انکار کننت۰ ايشاں پارس ءِ « آسيميلاسيون » سیاستءِ شوميــں بــرورد انت که پگری پـِڑا بلــوچانی آزاتی کاروان ءِ ديمــا اوشتارينگ بوتگ انــت۰ 

 

آزات ءُ آباد بات گنجيــــں بلوچستـــــــــان 

پروشت ءُ پروش باتنـــت ايران ءُ پاکستان

 

محمد کريم بلــوچ 

  ماهِ مئی۲۰۱۷

 

Share on
Previous article

ماہِ اپریل میں آپریشن دوران 120 سے زائد افراد لاپتہ، 24قتل کئے گئے، بی بی گل بلوچ

NEXT article

میان اُستمانی سیاست ءُ بلوچ راجی جنز ندکار: سعید بلوچ

LEAVE A REPLY

MUST READ

بلوچستانءَ پاکستانی آئیوکین گچین کاریانی بابتءَ گپ ءُ ترانے گون روچتاک انتخابءِ سرمستر واجہ انور ساجديءَ

بلوچستانءَ پاکستانی آئیوکین گچین کاریانی بابتءَ گپ ءُ ترانے گون روچتاک انتخابءِ سرمستر واجہ انور ساجديءَ

بلوچستــــانءِ هیروشیمـــا

بلوچستــــانءِ هیروشیمـــا

پِگــری گُلامـــی – چارمــی بهـــر

پِگــری گُلامـــی – چارمــی بهـــر

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری

انھیں فخر ہے کہ وہ ایک ایسے باپ کے بیٹے ہیں جنھوں نے ساری زندگی غلامی کے سامنے سر جھکانے سے انکار کیا – حیربیار مری

بلوچ شهیدانی روچ ءِ درگتءَ 13 نوامبر شهیدانی یاتءَ مراگش

بلوچ شهیدانی روچ ءِ درگتءَ 13 نوامبر شهیدانی یاتءَ مراگش

راجدوستیں بلوچاں تپاک بیگی انت

راجدوستیں بلوچاں تپاک بیگی انت

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

گپ و تران گون وائس فار بلوچ میسنگ پرسنزءِ وائس چیرمین واجہ قدیر بلوچءَ

ایران ءِ پد منتگیں بُن رهبندءِ یک بَروَردے

ایران ءِ پد منتگیں بُن رهبندءِ یک بَروَردے

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

جنون کودک کشی اشغالگران در بلوچستان

جنون کودک کشی اشغالگران در بلوچستان

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

سلگتا بلوچستان اور اقوام متحدہ کی خاموشی ؟……ڈاکٹر منان بلوچ

سفر روحانی به بلوچستان و انتظارات مردم بلوچ – عبدالستار دوشوکی

سفر روحانی به بلوچستان و انتظارات مردم بلوچ – عبدالستار دوشوکی

بلــــوچ گلزميــــن ءِ انــــداز ءُ سيمســـــراں

بلــــوچ گلزميــــن ءِ انــــداز ءُ سيمســـــراں

آزمونی سرنوشت ساز برای ملت بلـوچ

آزمونی سرنوشت ساز برای ملت بلـوچ

ماتی زبان – کارینا جهانی

ماتی زبان – کارینا جهانی