چو وَ انسان ءِ دل پُرشیت گندئے

MUST READ

بالاچ” مبارک قاضی “

بالاچ” مبارک قاضی “

بلوچ دژمنیں سپاہ ڈیہ ءِ جنیں آدماں بندی کنگ اِنت

بلوچ دژمنیں سپاہ ڈیہ ءِ جنیں آدماں بندی کنگ اِنت

اقراء ریزیڈنشل اسکول اینڈ کالج مری میں تشدد شدہ بلوچ طالبعلم سے گفتگو

اقراء ریزیڈنشل اسکول اینڈ کالج مری میں تشدد شدہ بلوچ طالبعلم سے گفتگو

بلـــوچ گلزميــــن ءِ انــــداز ءُ سيمســـراں

بلـــوچ گلزميــــن ءِ انــــداز ءُ سيمســـراں

بلوچ ری پبلکن پارٹی کی جانب سے شاہ شہیداں نواب اکبر بگٹی کی دسویں برسی کی مناسبت سے 26 اگست کو بلوچستان بھر میں شٹر ڈاون اور پہیہ جام ہڑتال کی کال

بلوچ ری پبلکن پارٹی کی جانب سے شاہ شہیداں نواب اکبر بگٹی کی دسویں برسی کی مناسبت سے 26 اگست کو بلوچستان بھر میں شٹر ڈاون اور پہیہ جام ہڑتال کی کال

تمام آزادی پسند بلوچ 5 اگست کو برلن کے احتجاجی مظاہرے میں شرکت کریں : حیربیار مری

تمام آزادی پسند بلوچ 5 اگست کو برلن کے احتجاجی مظاہرے میں شرکت کریں : حیربیار مری

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

فری بلوچستان مومنٹءِ لانگ مارچءَ کل بلوچان بهر زورگءِ دستبندی کنگ بیت – بلوچ دحتگ مَهگُونَگ

بلوچ اکٹوسٹ لندنءَ بی بی سیءِ دیما احتجاجءَ گون واجہ ڈاکٹر مصطفیءَ گپ ءُ ترانے

بلوچ اکٹوسٹ لندنءَ بی بی سیءِ دیما احتجاجءَ گون واجہ ڈاکٹر مصطفیءَ گپ ءُ ترانے

پنجابی چین کے ساتھ ملکر اپنے مفادات کے تحت بلوچ نسل کشی میں تیزی لا رہا ہیں .حیربیار مری

پنجابی چین کے ساتھ ملکر اپنے مفادات کے تحت بلوچ نسل کشی میں تیزی لا رہا ہیں .حیربیار مری

پنج کشته در درگیری مابین دو شهروند بلوچ و نیروهای اطلاعات سپاه تروریستی پاسداران .

پنج کشته در درگیری مابین دو شهروند بلوچ و نیروهای اطلاعات سپاه تروریستی پاسداران .

بلوچ ایں ما بلوچ ایں – خطاب به نظام استبدادی جهموری اسلامی

بلوچ ایں ما بلوچ ایں – خطاب به نظام استبدادی جهموری اسلامی

گپ و ترانے گون بلوچ جهدکار واجه عبدالستار پُردلیءِ چا اوغانستانءَ بلوچ جیڑاهانی سرا

گپ و ترانے گون بلوچ جهدکار واجه عبدالستار پُردلیءِ چا اوغانستانءَ بلوچ جیڑاهانی سرا

بهر شکل ممکن ازهویت ملی و سرزمین مان بلوچستان دفاع کنیم

بهر شکل ممکن ازهویت ملی و سرزمین مان بلوچستان دفاع کنیم

نژاد پرستی در ایران

نژاد پرستی در ایران

بلوچستان ءِ پُلیں شهیدان ءَ هزاراں سلام

بلوچستان ءِ پُلیں شهیدان ءَ هزاراں سلام

چو وَ انسان ءِ دل پُرشیت گندئے

2020-08-25 20:52:09
Share on

چندن ساچ

ہما کہ غریب ٹک ءِ زھگ اَنت آیانی چہ لوگ ءَ در آیگ ءُ دگہ شہرے ءَ رؤگ ءُ وانگ یک ارزانیں سفرے نہ انت۔ اے گرانیں سفر ءَ ہما زاننت کہ ہمے راہ ءِ مسافر اَنت۔
ہمے راہ ءِ مسافراں چہ یکے من ہم بوتگاں ءُ من اے سفر شریں وڑے ءَ دیستگ۔
من کراچی یونیورسٹی ءَ وانگ ءَ کہ بوتگاں من چنچو مردم زانتگ کہ آ لات بوتگ انت۔۔۔ لات نودربرانی دپ ءِ وشتریں گپ بوتگ کہ آیاں پہ کندگ ءُ مسکرا گشتگ کہ یار ترا زر گون نیست؟ من سک لاتاں۔۔۔۔۔ ما یکے دومی ءِ درد ءُ یکے دومی ءِ مارشتاں سرپد بوتگیں کہ کئی بوجی ءِ پَکّو پچ انت ءُ کئی بوجی انگہ توپانے ءِ دیما داشت کنت۔۔ پرچا کہ ما دراہ سَنگار بوتگیں۔
کراچی یونیورسٹی ءَ جاوید ءِ کنٹین ءَ کسے بروت ءُ جست بکنت۔۔۔ چشیں بلوچیں نودربر نیست کہ آئی ءَ جاوید ءِ کنٹین ءَ وام نہ کتگ۔ جاوید ءِ وتی شرّی انت کہ کسی واماں نبشتہ نہ کنت۔ ہرکس ہرچی وارت بوارت ءُ وت حساب ءَ بداریت ءُ پدا وت بئیت ءُ زرّاں بدنت۔۔۔۔ پمیشکا جاوید ءِ کنٹین ءَ وام ءِ زورگ ءَ کس ءَ لج نہ کتگ۔ پرچا کہ جاوید ءَ وام نہ لوٹ اتگ انت۔۔ من سدکاں کہ ہمے وام زوروکیں نودربرانی تہا حیات بلوچ ہم گون بوتگ، ءُ اے پہ کس ءَ لج ءِ گپ ہم نہ انت۔ جاوید یکیں بلوچ انت ءُ پہ بلوچیں نودربراں مات ءُ پتے۔۔۔۔۔ پرچا کہ اینچو وام زورگ ءَ پد ہم آئی ءَ وتی پیشانی کرنچ نہ کتگ ءُ نودربران ءَ اے نہ گشتگ کہ پیسری واماں بدئیت۔
ما زانیں کہ چہ لوگ ءَ در کپگ ءُ دگہ شہرے ءَ رؤگ ءُ وانگ پہ غریبیں نودربرے ءَ سکیں مزنیں جنجالے۔ پرچا کہ شہر ءَ ہرچی پہ زر انت۔۔۔۔۔ من چشیں نودربر ہم دیستگ کہ شپ ءَ ہمشام ءَ وپتگ یا روچ ءَ ہوٹل ءِ نان ءُ آتان (ھرّام۔ چٹنی) اش وارتگ ءُ گزران اش کتگ۔ پدا سرجمیں شپ ءَ معدہ ءِ گیس ءُ گڑ ءُ منجانی سبب ءَ واب اش حرام بوتگ۔۔۔ بازیں نودربرانی گپ ہمیش بوتگ کہ مئے مات ءُ گوہار مارا اے حال ءَ بگند انت قسم انت کہ ہما ساعت ءَ مارا چہ وانگ ءَ کَش انت ءُ لوگ ءَ برنت۔
من چشیں نودربر ہم دیستگ کہ آیانی کِرّا پہ یونیورسٹی ءِ رؤگ ءَ باڑو (کرایہ) نہ بوتگ ءُ آ سہب ءَ مہالہ پاد اتکگ انت ءُ کلاکے ءُ نیم ءَ آیاں پیدل چِک اتگ ءُ اتکگ انت کلاس اش گپتگ۔ من ءَ انگت آیانی پیشانیانی ھید یات انت۔
دگہ جنجالے گُدانی شودگ بوتگ۔ ناں واشنگ مشینے ہست ناں کُونڈایے۔۔۔۔۔ پسیل ءَ برو، پادانی سرا بہ نند گداں داں کلاکے ءَ لگاش، دست سُودگ بنت، بلے جامگ ءِ کالرانی چِل ءُ لینگار درآیگ ءِ نام ءَ انگہ نزاننت۔ ہمے ساعت ءَ ہر بچک ءِ دپ ءَ در اتکگ کہ شاباش انت مئے مات ءُ گوہاراں کہ مئے مزن مزنیں شلواراں شود انت ءُ چہ دپ ءَ آہے ہم نہ کَش انت۔۔۔۔۔ گدانی شودگ ءِ گرانی ءِ سبب بوتگ کہ بازیں بچکاں جینس پادا کتگ۔ جینس ءِ شری ایش انت کہ جینس ءِ لیگار گندگ نہ بنت ءُ مدام ساپ ساپ انت۔۔۔۔ اے نودربرانی لاچاری انت۔۔۔ بازیں مردماں ہمے نودربرانی سرا تژن کتگ کہ شما شہر ءَ اتکگ ات، وتی پچ ءُ پوشاک یلہ داتگ انت، بلے آیاں اسل جیڑہ نہ زانتگ کہ چے انت۔
یونیورسٹی ءَ نوٹس ءُ اسائمنٹانی پرنٹ ءُ کاپی کنگ ءِ ھرچ ءُ درچ، کتابانی گرگ۔۔۔۔ چنچو مشکل انت۔۔۔ اے درد ءَ بگندئے ہمک مردم مہ زانت۔۔۔ بلے ما نودربر زانیں۔۔۔ دومی پدا تو کراچی ءِ وڑیں شہرے ءَ کپتگ ئے۔ اودا مہمانے کیت، نادراہے کیت، اے ہم ترا بڈ ءُ سر کنگی انت۔ پرچا کہ تو شہر ءَ واکوب ئے۔۔۔۔۔ اے دراہیں جنجالانی تہا کلاس ءِ گرگ ءُ پدا چکاسانی تیاری کنگ۔۔۔۔ بے زری ءُ لاتی۔۔۔۔ مردم کجام کسہ ءَ بکنت۔
ہر سمسٹر ءَ فیسانی نز آرگ۔۔۔۔ ایشانی نبیسگ وَ ارزان انت بلے ایشانی دیم ءِ دارگ ہمک ءِ وس ءَ نہ انت۔
اینچو جنجال ءِ سگگ ءُ اوپار کنگ ءَ پد نوں تو وابے گندئے کہ من ءَ ڈگری یے رسیت۔ من وتی لوگ ءَ رواں، مات ءُ گوہاراں گشاں کہ ایش انت من ونت۔ ڈگری یے گپت۔۔۔ پت ءِ دست ءَ گراں ابا بچار۔۔۔۔ تئی بچ ءَ ونت۔۔۔ بلے پدا یکے کیت۔۔۔ تئی درد ءُ رنجانی سفر ءِ برورد ءِ رسگ ءَ چہ پیسر تئی وابانی دنیا ءَ چہ تو بے دردی ءَ گوں پُلیت۔ گڑا نہ ایوکا تئی پت ءُ مات، تئی برات ءُ گوہار دردی بنت، بلکیں ہما دراہیں مردمانی دل چہ اے دنیا ءَ ءُ چہ اے سفر ءَ پُرشیت کہ آ تئی درد ءِ تورناکی ءَ زاننت، پرچا کہ آ وت ہمے دردناکیں سفر ءَ تئی ہمسفر بوتگ اَنت۔
حیات بلوچ ءِ دردناکیں کوش ءَ مئے دردناکی ءِ سفر ءِ راہ مُجینت۔ نوں دل کجا گشیت کہ اے زمستانی سہباں پادا ءُ برو پسیل ءَ جانے شود ءُ تچانی ءَ چنگ چی یے ءَ سوار بو۔۔۔ ءُ دیم پہ کلاساں برو۔۔۔۔ نوں دل کجا گشیت کہ پسیل ءَ کُنڈے ءَ بہ نند ءُ وتی جامگ ءِ کالر ءَ گوں سابون ءَ لگاش ءُ دستاں سُودگ کن، نوں دل کجا گشیت کہ تھیسز ءِ واستا برو کتابانی تہا ریفرنس شوھاز، نوں دل کجا گشیت کہ سوالنامہ یے اڈ کن ءُ برو فکٹریاں کار کنوکیں ماسی ءُ گونڈواں سوال جست کن کہ کجام لاچاریانی سبب انت کہ شما کار ءَ ات۔
نوں دل کجا گشیت کہ مردم وتی وابانی سرا اوست بداریت ءُ چمانی سلامتی ءِ دعا ءَ بہ لوٹیت۔۔۔ نوں دل کجا گشیت کہ چیروکائی مردم مات ءَ فون بکنت ءُ بگشیت اماں بیست ءُ پنچ ہزار وڑ کن کہ دیمی ماہ ءَ سمیسٹر ءِ فیس دیگی انت۔ نوں دل کجا گشیت کہ مردم وتی براتے ءَ فون بکنت ءُ بگشیت یار باندا ہزار یا دو ہزار کلدار راہ دئے کہ سک لاتاں۔
 

Share on
Previous article

ویروس کرونا اسلحہ علی خامنئی ای علیہ میلون ھا انسان!

NEXT article

جامشورو یونیورسٹی کا طا لب علم ساجد سراج لاپتہ

LEAVE A REPLY