کئے لــڈینگ ءُ بلوچستـــــان ءَ آرگ بنــت ؟

کئے لــڈینگ ءُ بلوچستـــــان ءَ آرگ بنــت ؟

2020-03-20 12:32:03
Share on

درآمداں لانچتگ تانکہ گنجیں بلوچستان ءِ بندنان ءُ تیاب دپی دمگاں یک استانے بکننت۔  آھانی بلوچ دشمنیں  برنامه ایش انت که  سی لکّ بزاں سئے میلیون چه وتی مردماں بیارنت ءُ ڈیہ ءِ زربار  ءُ مدام وتیگی بکننت. بلوچانی زمین ءُ لوگجاه همک روچ زوربرد کنگاینت تاں پہ ھمے مھاجراں  لوگ ءُ کار جاه اڈ بکننت۔
مزنیں  بهـرے چه اے درآمـداں گوں تهران ءِ واکدارانــی برنامه ءُ هـرچ چه پارسیانی مزن شهـرءُ هَنـد ءُ دَمَگاں لڈینگ بنـت۰ تهـران ءِ واکدارانی پدریں سیاستے ماں گوستگیـں چلّ سالاں  اے بوته که شیعه ئیں پارس ءِ مردمانی شمارماں ایران زوت گیش به بیت اے مردم ماں کرمان، یزد ءُ اسپهـان ءِ هشکیں پٹ ءُ زمیناں جاهمنند وَ نه بنت۰ایشاں دیم په گلزمیـن ءَ لڈینگ بنت۰همے رُمب ءَ لهتیں زوالکاریں زابلی هم گون انـت۰
دگه بهرے چه اے مهاجـرکه بلوچستــان ءَ آرگ بنت اوگانستان ءِ درانڈیهیـں هزاره اَنــت۰ رند چه ۱۹۷۹ ءِ بدلی یاں خمینی ءُ خامنه ای ءِ شیعه ٹولی ایران ءِ سیاسی واک ءَ چه ایرانءِ آدگه سیاسی هوربندانـی دیم ءَ په زور ءُ پندل چَکاپت۰
گوستگیں چلّ سالانی درگت ءَ اے ٹولی وتی همشـور ءُ هم پگریں شیعه یاں ماں اوگانستان، لبنان، شام، عراق ءُ پاکستان ءَ هر وڑیں کمک ءُ مدت کتـگ۰ 

ایران ءِ واکدارانی شنگ بوتگیں اوگان شماری ءِ هساب پیش دارنت که  چه تمامیں باهوٹیں اوگاناں که ماں ایران ءَ نشتگ اَنت چل ءُ هپت درسد ( ٪ ۴۷) هَـزاره اَنـت۰ بزاں اوگانستانءِ دوارسوچیں جنگ ءِ درگت ءَ کم ءُ گیش دوازده لک اوگانستان ءِ هـزاره آتکگ ءُ ماں ایران ءَ جاهمنند بوتگ انت ۰اشانی زبان دَری انت که بیه ءَ گوں پارسی ءَ یک اِنت۰ بهرے چه هـزاره یاں که شیعه هم هَست اَنت وت ءَ را گوں خامنـه ای ءِ ٹولـی ءُ  بسیـج ءُ سپـاه ءَ هـوار کتگ۰ 

هـزاراں نپر چه ایشاں ایرانی پاسپورٹ ءُ سجل دیگ بوتگ۰اے  ماں ایرانءَ گوں واکـداراں شریک اَنت ءُ رمبے چه ایشاں هنوں پهـره ءُ ایرآپ ءَ جاهمنندانـت۰ سپاه ءُ ملاخامنه ای ءِ جند لوٹنت تاں جلاوتنیں هـزاره یاں چه پارسءِ شهرءُ میتگاں به لڈین انت  ءُ گلزمینءِ زربارءَ جاهمننـد به کننت۰گپ اوداں سربوتگ که چه مَشَـد (مشهد) شـال (کویٹه)، بامیـانءُ کابل ءَ هم هـزاره چِن ءُ لانچ انت تنکه گوں پارسیانی رمب ءَ هور بنت ءُ  بلوچستــان ءِ بنـدن ءُ تیاب کرّاں وتیگی به کننت.

سیمی مزنیں رُمب  که بهـرے چه آیوکیں مهاجـران اَنت عراق ءُ شامءُ لبنان ءِ باهوٹیـں شیعه اَنت که  ایران ءَ په باهوٹی آتکگ ءُ ماں مزں شهـراں جاهمنندانت۰ اشانی زنـد ءُ آینـده گوں سپاه ءِ پلینـڈی یان ءُ تهـران ءِ واکدارانی سیاستاں همگرنچ اِنـت۰ اے هم هزاره یا نی پیمءَ سجل ءُ ایرانی پاسپورت دیگ بوتگ ءُ شمارے چه هـَمشـاں هنوں وتا را ایرانی هم زاننت۰
اداں اے گپ پدّر کنگی انت که ایران ءِ جاهمنندیــں هزاره ءُ لبنانیءُ عراقی باهوٹاں که شیعـه اَنت چه ایردستیں راجاں بزاں کورد، بلــوچ، الاحوازی عرب، تورکمن، آزری تورک ءُ لُـراں گیشتر واک هست انت۰ اشانی زندجـاور چه ایردستیـں مردمانی زندجاوراں باز گهتـراَنت ءُ لهتیں ماں سپاه ءُ چاروگی اداره ءُ آدگه هکومتی اداره ءُ کارجاهاں کاردیگ بوتگنـت 

اشانی زرداریں مردم سرمایه کاری ءُ تجارت ءِ اجازت ماں ایران ءَهسـت۰ ایرانی سپاه ءُ خامنه ای ءِ ٹولی په همے جلاوتنیـں مردمانی آسراتی ءُ وشهالـی ءَ اِشانی جِندِ په ایردستیں بلوچانی مِلک ءُ زمینانی زوربرد کنگ ءُ بلوچستـــانءِ راجی سرمایه یانی پل ءُ پانچ ءَ شَریک کنگاینـت۔
اے پہ بلوچ راج ءَ مزنیں راجدپتری چکّاسے۔  گوں تپاکئ، جد ءُ جهدآں   رستریں دشمن پروش دیگ بنت ءُ بس.
دگه هچ راهے پہ ما بلوچاں  پشت نه کپتگ. باید انت هوری ءَ پہ وتی ڈیہ ءُ راجی پجّآر ءُ آیوکیں  پدریچانی رکینگءَ  پادآ ئین۔

 

محمد کریم بلوچ 

Share on
Previous article

بلوچ راجءِ میارجلّی ءِ جَوریں تجربه اے

NEXT article

طرح تقسیم بلوچستان خیانتی است بزرگ به ملت بلوچ

LEAVE A REPLY

MUST READ

قلات و نوشکی میں بڑے پیمانے پہ فوجی نقل و حرکت کی اطلاع

قلات و نوشکی میں بڑے پیمانے پہ فوجی نقل و حرکت کی اطلاع

بر دانش آموزان بلـوچ چه می گـذرد؟ – بخش پنجـم

بر دانش آموزان بلـوچ چه می گـذرد؟ – بخش پنجـم

بيست و هفتم مارس  روزی سياه در تاريــخ بلوچستــــان

بيست و هفتم مارس روزی سياه در تاريــخ بلوچستــــان

ســـــلام و درود بيکــــران

ســـــلام و درود بيکــــران

دشمن اصلی بلوچ ها وافغان ها پاکستان است – رهبر ناسیونالست بلوچ خیربیارمری

دشمن اصلی بلوچ ها وافغان ها پاکستان است – رهبر ناسیونالست بلوچ خیربیارمری

وقت کا بھی یہی تقاضا ہے کہ ہم قابضین کی مسلط کردہ نظام کو مضبوط بنانے کے بجائے قومی سوچ کو وسعت دیں

وقت کا بھی یہی تقاضا ہے کہ ہم قابضین کی مسلط کردہ نظام کو مضبوط بنانے کے بجائے قومی سوچ کو وسعت دیں

گپے گـوں ناشریں امینی فـرد

گپے گـوں ناشریں امینی فـرد

آری من بلوچــم نه پاکستانی يا ايرانی – مليتــم بلـــوچ، گلزمين وطنم بلوچستــان و زبان مادريم شهدين بلوچــی است. من بلوچـــم. همين اســت هويــت من

آری من بلوچــم نه پاکستانی يا ايرانی – مليتــم بلـــوچ، گلزمين وطنم بلوچستــان و زبان مادريم شهدين بلوچــی است. من بلوچـــم. همين اســت هويــت من

چرا دولت آلمان شاهرودی را فراری داد؟

چرا دولت آلمان شاهرودی را فراری داد؟

ںوکین حال

ںوکین حال

دو دانک ” شورای دمکراسی خواهان ایران” ءِ باروا

دو دانک ” شورای دمکراسی خواهان ایران” ءِ باروا

هچ بلوچ، بلوچستانءِ بهر کنگءَ نه منیت: مولوی کوهی

هچ بلوچ، بلوچستانءِ بهر کنگءَ نه منیت: مولوی کوهی

اَلاَحـوازالعــربی پاد آتکگ

اَلاَحـوازالعــربی پاد آتکگ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون ملاّ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون ملاّ

زوراکیانی-آماچ-یعقوب-مھر-نہاد

زوراکیانی-آماچ-یعقوب-مھر-نہاد