کندهار ءِ تروریستی ھلگر سپاه قدس ءُ لدیگی آی۰اِس۰آی ءِ کار اَت

MUST READ

بر دانش آموزان بلـوچ چه می گـذرد؟ – بخش پنجـم

بر دانش آموزان بلـوچ چه می گـذرد؟ – بخش پنجـم

سوءِ استفاده اشغالگران از فاجعه زلزله در کوردستان

سوءِ استفاده اشغالگران از فاجعه زلزله در کوردستان

گپ و ترانے چا مغربی بلوچستانءَ گون جیش العدلءِ ترجمان محمد سعید ترکمن زهیءَ

گپ و ترانے چا مغربی بلوچستانءَ گون جیش العدلءِ ترجمان محمد سعید ترکمن زهیءَ

نیوکاہان کوئٹہ پاکستانی قابض فورسز کی دہشتگردانہ کاروائیاں جاری150کے قریب افراد اغوا

نیوکاہان کوئٹہ پاکستانی قابض فورسز کی دہشتگردانہ کاروائیاں جاری150کے قریب افراد اغوا

سلمان میایی را بی گناه پرپر کردند – علی میایی جدگال

سلمان میایی را بی گناه پرپر کردند – علی میایی جدگال

پاکستان اپنے دہشت گردوں کے ذریعے بلوچ وپشتون اقوام کے باشعورلوگوں کا قتل عام کررہا ہے : حیر بیار مری

پاکستان اپنے دہشت گردوں کے ذریعے بلوچ وپشتون اقوام کے باشعورلوگوں کا قتل عام کررہا ہے : حیر بیار مری

شھید شفی جان بلوچ

شھید شفی جان بلوچ

ایران کا غصہ

ایران کا غصہ

سویڈش پارلیمنٹءَ واجہ حیر بیار مريءِ بلوچستانءً انسانی حقانی لگتماليءِ پدر کنگءِ تران

سویڈش پارلیمنٹءَ واجہ حیر بیار مريءِ بلوچستانءً انسانی حقانی لگتماليءِ پدر کنگءِ تران

بلوچستان لبریشن چارٹرءِ بنگیجی دیوانءَ واجہ حیر بیار مريءِ تران لندن 1 مارچ 2014

بلوچستان لبریشن چارٹرءِ بنگیجی دیوانءَ واجہ حیر بیار مريءِ تران لندن 1 مارچ 2014

ایران کا غصہ

ایران کا غصہ

بلوچستــــان گلزميـــن اجـــدادی ماســـت

بلوچستــــان گلزميـــن اجـــدادی ماســـت

Independence Movement of Balochistan-

Independence Movement of Balochistan-

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

طرح توسعه سواحل مکران – پندلے په بلوچستـــان ءِ مدامی زوربرد کنگ ءَ – اولی بهـر

سویڈن میں 1998 کو بلوچستان میں چاغی کے پہاڑوں میں جوہری ہتھیاروں کا تجربہ کے خلاف آگاہی مہم

سویڈن میں 1998 کو بلوچستان میں چاغی کے پہاڑوں میں جوہری ہتھیاروں کا تجربہ کے خلاف آگاہی مہم

کندهار ءِ تروریستی ھلگر سپاه قدس ءُ لدیگی آی۰اِس۰آی ءِ کار اَت

2020-03-25 17:56:14
Share on

اسلام آباد ءُ تهـران ءِ واکداراں بلــوچ ءُ بلوچستــان ءِ هلاپ ءَ همشور ءُ تپاک اَنت۰  آهاں جاسوسی، اقتصادی، سلهبندی ءُ سیاسی همکاری هست تاں بلوچستان ءَ مدام وتی پنجگانی چیـرا بدارنت۰ سپاہ قدس، آی۰اِس۰آی،  پارسءِ لشکر ءُ پنجاپی پئوج بلوچ راج ءُ بلوچستان ءِ ھونی دژمن اَنت۰  

آھاں چنت رندا  بلوچستان ءِ برزیں سر ءُ تجربہ کاریں راجی مردم گچیں کرتہ ءُ کشتگ اَنت۰ شھید عبدالمالک ریگی، شھید یونس بلوچ، شھید حمید ریگی، شھید عابد زامرانی، شھید نسار بلوچ ءُ شھید اسلم بلوچ گوں بلوچ پسگانی کشت ءُ کوش ماں کندھار ءَ تروریستی سپاہ قدس ءُ انسان دژمنیں آی۰ِاس۰ آیءِ ھمکاریانی چنت دروَرانت۰  

لدیگی سپاه قدس ماں اوگانستانءَ “لشکر فاطمیون” ھزارہ ٹولی ءَ وتی تروریستی کاران ھور تَرّینتگ ۰ اِشاں گوں رُمبے چہ چانیگ گِریں طالبان ءُ  پاکستانی آی۰ اس۰ آی ءِ ھمشوری ءَ ھر رستری کارے  ماں اوگانستانءِ شھر ءُ میتگاں کُت کننت۰  اے رستراں ھنچیں مزنیں تروریستی ھترے اَنت کہ بید چہ بلوچاں اوگانستان ءِ مردم ءُ واکداراِش ھم سوگیگ ءُ دلسیاہ کتگ اَنت۰

رند چہ بلوچانی شھادت ءَ ماں کندھار دمگی ھالتاک ءُ رسانکاں  شنگ کت کہ اے یک وَتکُشی ھلگرے ءُ طالبانی کاراَت۰ چہ دگہ نیمگے اوگانستان ءِ پٹانیں طالبان ءِ جارچین جارّ پرّینت کہ بلوچانی سرا ھلگر ماں کندھار ءَ آھانی کار نھنت ءُ آ ھچ بلوچے ءَ نہ کُشتگ !  البت اداں گوشگی انت کہ طالباں یک تپاکیں ھور بندے نھنت۰  بھرے چہ ناشریں پاکستانی طالباں آی۰ اس۰ آی ءِ گلام اَنت ءُ گروپے چہ اوگانستان ءِ زرپرستں طالباں تروریستی سپاہ قدس ءِ چانیگ گِراَنت۰
تجربہ کاریں بلوچ پسّگانی یکجاھی شھادت ماں کندھارءَ ھبکّہ ای ھالے اَت ۰ سوگیگیں بلوچ راج ءَ دگہ کارچے لَگّ اِت ءُ رستریں پنجاپی یاں جشن گپت ءُ سپاہ قدس ءُ پارس لشکر ھں چہ  بلوچانی کشت ءُ کوش ءَ گَلے چِت ءُ ھُژنود بوت۰  

بلوچ دژمنیں پارس ءُ پنجاپی یا ں چہ اے رستری کار چنت مکسد ھست ات۰ یکّے ایش وتی جھانواریں ارباب بزاں چینی واکداراِش رازی کتنت۰ چینی یاں رند چہ آھانی کنسولگری ءِ سوچگ ماں کراچی ءَ  چہ  آی۰ اِس۰ آی ءُ اسلام آباد ءِ واکداراں پدّریں لوٹ ھست اَت۰ 

دوم ایش کہ بلوچ جھد کاراں گوں پٹاناں بہ میڑین اَنت۰ پرچا کہ اگاں بلوچ ءُ پٹاں جنگ بکننت دوئیں راج تاوان بار بَنت ءُ پارس ءُ پنجاپی باج برنت۰ 

سیم ایش کہ بلوچاںی تپاکی ءِ دیمپاں بہ بنت۰ آھانی مستریں کوشست ایش انت کہ بلوچاں وت ماں وتا گیشتر بہ میڑین انت تنکہ بلوچستان ءِ راجی جنز نزور بہ بیت۰ 

ھچبر مہ شموشیں کہ سپاه قدس یک تروریستی لشکرے ءُ بلوچانی ھونی دژمن اِنت۰ اے ھما ایرانی مذھبی ٹولی ءِ لشکر انت  کہ ماں روکپتی بلوچستان بلوچاں چکچیں کنگاینت۰  گوں چشیں  تروریستاں مذاکره ءُ گپ ءُ گآل په بلــوچ ءِ راجی جنزءِ نپ ءُ سیت ءَ نهنت۰ 

بلوچستـــان ءِ دیمروی پسندیں آجویی ءِ زرمبشـت پکائیں وڑے ءَ مآں دگنیاےءَ پیش دارگی انــت ءُ مُلک ءِ بُرزیں سراں، راجی کماش ءُ تجربہ کاریں مردم ماں بلوچستان ءُ درملک ءَ شیوار بہ بنت ءُ تروریستی سپاہ قدس ءُ انسان دژمنیں آی۰ِاس۰ آیءِ  بلوچ دژمنیں پندلاں پروش بدینت۰ 

محمد کریم بلوچ

دسامبر ۲۰۱۸

Share on
Previous article

کوردستان ءِ جنگ آزادی، دیم په دیمی گوں میان استمانی تروریسم ءُ اروپایی – امریکی سیاسی واکدارانی دوپوستی

NEXT article

اِویــن” ءِ نوک ورنائیــں بندیـگ” – محمد کريم بلــوچ

LEAVE A REPLY