ایرانءِ بلـوچ دژمنیں “استراتجی” ماں رودراتکی بلوچستانءَ

 ایرانءِ بلـوچ دژمنیں “استراتجی” ماں رودراتکی بلوچستانءَ

2020-03-25 17:21:50
Share on

 (strategic) ایرانءِ بلـوچ دژمنیں “استراتجی”  ماں رودراتکی بلوچستانءَ


ایران ءِ لَدیگی واکدار ءُ «سپاهِ قُـدس» وتی چست ءُ اِئیراں ماں بلوچستان ءِ رودراتکی بهرءَ گیش کتگ ءُ په وتی شومیں مکسدانی پوره کنگ ءَ وتا را په هر وڑیں رستری کار ءُ بلوچ دژمنیں تاکتیک  تیار کنگاینت۰ 

 ایران ءِ واکدارانی  هاله ئیں مکسد ءُ “استراتجی” ماں گلزمین ءِ رودراتکی بهر چے انت؟

   سپاهِ قُـدس ءُ ایرانی فاشیستانی بُندَری باور ایش انت که بلوچ گلزمین ءُ بلوچانی سرجمیں ڈیه پیش ءَ بهرے چه ایران بوتگ ءُ  تهران ءِ واکدارانی تئوریسین ءُ ناشریں دپترزانت ناصرالدین شاه قاجار ءَ باز ڈوبارنت ءُ ایشی ءِ سَوَب آیی ءِ ۱۸۷۱ ءِ کرارداد گوں گلد سمیت ءُ انگریزان انت۰

ایرانی فاشیستیں دپترزانت کلات هکومت ءَ چه کست ءُ کینگ ماں وتی سیاهگاں نام نگرنت ءُ  آهانی بے بنیادیں باور ایش انت  که رودراتکی بلوچستان پیش چه سالِ ۱۸۷۱ پارس ءِ ایردست بوته،  بلئے  ناصر الدین شاه ءَ انگریزانی دستا دات۰  ایرانی فاشیست ءُ پارس واکدارءُ «سپاه قُـدس» ءِ “استراتجی” ایش انت که سجئیں بلوچستـان ءَ پارس ءِ ایردست بکننت۰  آ لوٹنت که بلوچستان ءِ رودراتکی ءُ شمالی بهراں هم مئے ڈیه ءِ رونشتی بهر ءِ پیما

آواربه جننت ءُ وتیگی بکننت۰ 

پارس فاشیسـمِ ءِ  بلـوچ دژمنیـں برنامـه

تهران ءِ  پارس واکدارءُ «سپاهِ قُـدس»  پوه بوتگنت که انگریز ءِ اڈکتگیں پاکستان هم ایران ءِ وڑا یک ناکامیں ملکے  اِنت که گوں ایردستیں راجانی کشت ءُ کوش، لٹ کٹ ءُ آهانی راجی سرمایه هانی پل ءُ پانچ زندگ انت۰ 

ایرانی فاشیست گندگاینت که بلوچانی راجی جهد باز دیما شتگ ءُ وت مستری ءُ آجویی منزل ءَ نزیک بیگ انت.  سند ءُ پختونستان هم وتا چه پنجاپ گیشینگ لوٹنت۰  میان استمانی جاوراں په پاکستان ءِ نپ ءَ نهنت۰  بوت کنت  آ دلجم بوتگنت که پنجاپ ءِ موری بادشاهی دراج کش  نه بیت۰  

په همے سوب ءَ چه هنونیں جاوراں په وتی بلوچ دژمنیں “استراتجی” ءِ پوره کنگ ءَ گوں پلینڈی ءُ هیرت چاری پائده زورگاینت۰  وتا را رودراتکی بلوچستان ءِ بلوچانی دوست پیش دارگ، گوں ڈیه ءِ رودراتکی بهرءِ  سیاسی ءُ سلهبندی گل ءُ هوربنداں گند ءُ نند، په بلوچ راجی سروکانی ریپینگ ءَ  پاکستان ءِ واکداراں پاترپ دیگ ، په سرمچارانی رد دیگ ءَ بسیج عشایر ءِ کارمرز کنگ  ءُ بلوچستان ءِ راجی جنزءَ وتا را هوار کنگ سپاه قدس  ءُ پارس فاشیستانی  چنت بلوچ دژمنیں پندل ءُ تاکتیک اَنت ۰

دژمن ءِ یک پندلے بلوچاں وت ماں وت میڑینگ انت۰  تنکه گوں بلوچانی برات کشی ءُ راجی سروکانی سُبَکّ کنگ ءُ آسرا نزورکنگ ءَ وتی بلوچ دژمنیں مکسداں آسانتر پوره بکننت۰ پارس فاشیستانی دگه پندلے ایشنت که گوں دوارسوچیں جنگے ءِ بُن دیگءَ  رونشتی بلوچستان ءِ راجی جنزا شَرّ گٹ تروس بکننت تاں میر همل ءُ زهم جنیں میرکمبر ءِ ڈیه ءَ  مدامی زوربرد بکنت۰

بلوچستــان مئی بلوچانی ڈیه انت ءُ ما نبایدانت چه وتی ملک ءِ راجدپترا بے هیال به بئیں۰  مئے هزاراں شهید گوں وتی سُهـریں هوناں نبشته کته که پنجاپی ءُ پارسیان  بلـوچ ءِ هونی دژمن انت ءُ  آهچبر بلوچانی دوست نه بنت۰ 

اگاں چه مئے راجدپتر چه دژمنانی لَدیگی کارکرد پُرّاِنت بلئے پارس فاشیستاں انگت ءَ هرپلینڈی ءُ تاکتیکے ءَ چکّاس اَنت۰ «سپاهِ قُـدس»   سرپداِنت که اسلم رئیسانی ءُ مالکءُ ساحل ءُ ثنا زهری ءِ ریپینگ یا جول ءُ رشوت دیگ ءَ بازیں نپ ءُ سیتّے  په تهـران ءِ فاشیستان گوں نبوتگ ءُ پمیشکا هنوں پاکستان ءِ هلاپ ءِ بلوچ سرمچار ءُ سروکانی ریپینگ ءَ دامے چیرگیتکگ۰ هما دام که اگاں کسے وتا ماں تَرّینت گڑا بایداِنت بلوچ دژمنیں پارس فاشیستانی همُک ڈکّ ءُ لوٹاں پوره بکنت۰ 

اے کار ءِ آسـر هما  بوت کنت که  کورداں تجربه کتگ ءُ بے شماراَنت هما بےگناهیں   کورد که گوں تهران ءِ واکدارانی پندلاں کُشگ ءُ ٹپی کنگ بوتگنـت۰ کوردانی وت ماں وتی جنگ ءِ آس ایرانی واکداران ءُ “سپاه قدس” ءً  روک کت۰ “سپاه قدس” بهرے چه کوردان ءَ  سِلاه ءُ کمک دات ءُ گوں یکدگرا   چنت سال میڑینت۰

البت کورد هوربندانی باسک ءُ آهانی کَلاّنیں سروکاں تهــران ءِ انسان دژمنیں پندلاں سرپد بوتنت ءُ آ دوارسوچیں جنگ اِش بند کت ءُ گڈسرا تپاک بوتنت۰ ایرانی «سپاهِ قُـدس»  چه کورداں دلسرد بوت ءُ هنوں یمن ءُ شام ءُ بَگداد ءِ تروریستی  شیهه ٹولی یاں کمک کنگ انت تاں عربانی زندگی ءُ عربی ملکاں گیشتر آس ماندارنت۰

امیت انت که پادآتکگیں  بلوچ راج،  بلوچ سرمچاران ءُ ملک ءِ راجی سروک بلوچستان ءِ راجدپترا دلگوش گور بکننت ءُ گوں هژاری  سپاه قدس ءِ مکسداں پوره بیگ ءَ  مه هِلَنت ءُ پارس فاشیستانی بلوچ دژمنیں “استراتجی” ءَ ماں گلزمین ءِ رودراتکی بهر پروش بدینت۰ 

آزات ءُ آباد بـــات گنجيـــــں بلـوچستــــان

پروشـت ءُ پروش باتنت ايران ءُ پاکستــان

محمــد کريم بلــوچ

ماه مئی ۲۰۱۷

 

Share on
Previous article

ایران ءِ پد منتگیں بُن رهبندءِ یک بَروَردے

NEXT article

یو این کو دنیا بھر میں کہیں بھی ناانصافی کے خلاف خاموش نہیں ہونا چاہیے۔ حیربیار مری

LEAVE A REPLY

MUST READ

چرا دولت آلمان شاهرودی را فراری داد؟

چرا دولت آلمان شاهرودی را فراری داد؟

بولان میڈیکل کالجءَ 30 بلوچ اسٹوڈنٹس کوئٹہ پولیسءَ دستگر کت

بولان میڈیکل کالجءَ 30 بلوچ اسٹوڈنٹس کوئٹہ پولیسءَ دستگر کت

مکران آپریشنوں کے پیچھے اصل محرک پاکستان وچین معاہدات ہیں،حیر بیار مری

مکران آپریشنوں کے پیچھے اصل محرک پاکستان وچین معاہدات ہیں،حیر بیار مری

پادآتکگیں بلوچ ورنایانی نامءَ

پادآتکگیں بلوچ ورنایانی نامءَ

راجدوستیں بلوچاں تپاک بیگی انت

راجدوستیں بلوچاں تپاک بیگی انت

بلوچستان کے علاقے تمپ گومازی میں سیکورٹی فورسز کا فوجی آپریشن آغاز – بلوچ ہیومن رائٹس آرگنائزیشن

بلوچستان کے علاقے تمپ گومازی میں سیکورٹی فورسز کا فوجی آپریشن آغاز – بلوچ ہیومن رائٹس آرگنائزیشن

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون بانک کارینا جهانیءَ

بیست ءُ یک فروری ماتی زبانانی میان اُستمانی روچءِ بابتءَ گپ وترانے گون بانک کارینا جهانیءَ

خصومتِ دولتِ ایران با زبان بلوچـی و دلایلِ آن

خصومتِ دولتِ ایران با زبان بلوچـی و دلایلِ آن

شہ مداروں کا دیش (بی ایس او کے قائدین سے ایک گزارش) کردگار بلوچ

شہ مداروں کا دیش (بی ایس او کے قائدین سے ایک گزارش) کردگار بلوچ

نہ چاہتے ہوئے بھی – کردگار بلوچ

نہ چاہتے ہوئے بھی – کردگار بلوچ

گپ و ترانے کراچيءِ بلوچ آبادی لياری ءِ جاورانی سرا

گپ و ترانے کراچيءِ بلوچ آبادی لياری ءِ جاورانی سرا

پاکستان نے دہشت گردی کا ابتدا بلوچستان پر قبضے سے کیا:حیربیارمری

پاکستان نے دہشت گردی کا ابتدا بلوچستان پر قبضے سے کیا:حیربیارمری

حسیـن معروفـی کیست؟

حسیـن معروفـی کیست؟

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25 ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

ریڈیو گوانکءِ گپ و ترانے گون شهید غلام محمد بلوچءَ چا تربتءِ تهانہءَ 25 ستمبر 2007 ءَ رند چا آئیءِ بیگواهیءَ تربتءَ تهانہءِ یآرگ بوت هما درگت ما آئیءِ بیگواهیءِ حال چا آئیءَ جست کت

ںوکین حال

ںوکین حال