Gwank | Gwank,پنجگور,اسداللہ-سدوزئی,قادر-احمد

اسداللہ چہ ارش ءَ رکّ اِتگ ءُ پنجگور ءَ ناشناسیں مردمانی تیرگواری ءَ سب انجنیئر بیران بوتگ

اسداللہ چہ ارش ءَ رکّ اِتگ ءُ پنجگور ءَ ناشناسیں مردمانی تیرگواری ءَ سب انجنیئر بیران بوتگ

FEB

01
اسداللہ چہ ارش ءَ رکّ اِتگ ءُ پنجگور ءَ ناشناسیں مردمانی تیرگواری ءَ سب انجنیئر بیران بوتگ 01 / 02 / 2014 Balochi 90

پنجگور: صوبائی اسمبلی ءِ ساری ءِ وزیر ءُ بی این پی (عوامی) ءِ رھشون اسداللہ سدوزئی ءِ کاروان ءِ سرا ناشناسیں مردماں ارش کُتگ۔ ھالانی ردا چر اے ارش ءَ اسدااللہ سدوزئی مرگ ءَ چہ رکّ اِتگ، بلے کاروان ءَ گوں ھواریں گاڑیاں تاوان رستگ۔ دومی نیمگ ءَ پنجگور ءِ دمگ حانہ زنگی ءَ ناشناسیں مردمانی تیرگواری ءَ چہ "ورکس اینڈ سروس" ءِ سب انجنیئر قادر احمد بیران بوتگ، وھدیکہ ناشناسیں مردم تچگ ءَ سوب مند بوتگاں، دنیگہ ھچ گلاں اے دوئیں وئیلانی ذمہ واری نہ من اِتگاں، پولیس ءَ مرتگیں مرد ءِ لاش گوں وت زُرتگ ءُ ھسپتال ءَ سرکُتگ، لاش سیاد ءُ وارثاں بُرتگ، پاکستانی نامینتگیں گچین کاریاں کمے روچ پشت کپتگ ءُ کُشت ءُ کوش ءَ ھم گیشی اَتکگ، یک نیمگے سرکاری واک ءُ چیریں دست بلوچ ورناھانی آوار جنئگ ءُ پدا لاشاں ماں ویرانین دگاں چگل دینت ءُ دومی نیمگ ءَ بلوچ سلاہ بندیں گلانی نیمگ ءَ ھم اے بیھار دیگ بیتگ کہ کُجام کسے گچین کاریاں بھر بہ زوریت تہ کُشگ بیت، سلاہ بندیں گلانی نیمگ ءَ بازیں سرکاری گلانی ممبر ءُ پارلمانی بلوچ مرگ آماچ بیتگ اَنت۔ اے ردا گوستگیں روچاں مسلم لیگی رھشون سردار ثناءاللہ ءِ سرا ارش بیتگ اَت کہ چر اے ارش ءَ آئی ءِ برات، بچ ءُ براتزتک مرک آماچ بوتگ اَنت۔ اے گچینکاریاں ھمے گمان زاھر کنگ بیت کہ بازیں پارلیمانی رھشونے مرگ آماچ کنگ بیت۔اسداللہءِ سرا ارشءِ ذمّہ واری بلوچ لبریشن آرميءَ زورت