Gwank | Gwank,مبارک-قاضی,بالاچ

بالاچ" مبارک قاضی "

بالاچ" مبارک قاضی "

JUL

31
بالاچ" مبارک قاضی " 31 / 07 / 2022 Balochi 84


بالاچ


اِے زگریں ھون کہ آجوئی ءِ راہ ءَ شلان انت


اِے ھوناں کے بموک ایت؟


اِے سُھریں ھون کہ چو کانچ ءِ کندیل ءَ بلان انت


اِے ھوناں کے بموک ایت؟


بہشتیں گلزمین ءِ مجتی ھک ءِ شوھاز ءَ


منی پھلیں شہیدانی پہ جہد ءَ ریتکگیں ھون


گلباگیں وطن مات ءَ زکات انت


چشیں لکھاں دگہ سر ندر ءُ کولیگ


چشیں سد زندگی قربان پہ نام ءَ بلوچ ءِ


گردشتاں زمین ءُ ماہ ءُ روچ ءِ


پدا آئندگ ءِ پدریچ کاینت


ھمے راہ ءَ رو انت وت واجہی ءِ


ھمے ھوناں وتی راھشون لیک انت


بلوچ انت جندءِ ھون ءَ ھون لیک انت


من ءَ بالاچ ءِ گشتن گیر کاینت


اِے تیراں کے بجہل ایت؟


اِے ھوناں کے بموک ایت؟


مبارک قاضی