بلوچ سرمچارانی ارش چار پاکستانی فوجی بیران
کیچ ءَ مئے رپورٹراں ھال داتگ کہ دشت ءَ بلوچ سرمچاراں پاکستان فوج ایف سی ءِ کیمپ ءِ سرا ارش کتگ ءُ سھ ایف سی ءِ نپر کشتگ۔ اے ارش ءَ چھ یک بلوچ سرمچارے ھم شھید بوتگ۔ دومی نیمگ ءَ پاکستانی فوج ءَ درزنی ءَ گیش بے گناھیں راہ گوزی بلوچ دستگیر کتگ ءُ نامعلوم جاھاں برتگ۔ ھودا کوئٹہ ءَ چھ ھم ھال انت کہ بلوچ سرمچاراں جیل روڑ ءَ ایف سی ءِ سرا ارش کتگ ءُ یک نپرے کشتگ۔ دومی نیمگ ءَ کوئٹہ ءَ چھ بلوچاں ھال داتگ کہ پاکستانی فوج ءَ گوستگیں دو ھفتگانی تہا سدانی ھساب ءَ بے گناھیں بلوچ دست گیر کتگ انت۔ مردمانی گشگ انت کہ کوئٹہ ءَ جیل ءُ بندی جاہاں جاہ نہ بووگ ءَ چھ بلوچستان اسمبلی ئے کارگسان ءَ فوج ءَ جیل تہا بدل کتگ ءُ سدانی ھساب ءَ بلوچ ماں بلوچستان اسمبلی ءََ بندیگ کتگ انت۔
