اماراتءِقومی روچءِدرگتءَبلوچی دیوان

بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

By: Baloch B.

اماراتءِقومی روچءِدرگتءَبلوچی دیوان

2دسمبر2009 ءَ اماراتءِ قومی روچءِدرگتءَبلوچ کلچرل کونسل(بی سی سی)ءِ سرکشیءَشارجہ کورنیشءَبلوچی دیوانے برجم کنئگ بوت۔اے دیوان ءِ 4 بھر اِتنت۔

  اولی بھر گشتانکی

 دومی بھر بلوچی قومی دوچاپی

 سیمی بھر بلوچی کلاسیکل میوزک

چارمی بھر بلوچی نوکیں سازءُزیمل

 

دیوان ءِ جارچین شوکت ڈگارانی اَت۔

ردءُبند ءُ سرکشی کنوکیں مجلس ء ِتوکا واجہ ناصرکیچی،

خداداد حیات،

اخترتگرانی،

میران ڈگارانی-

 کمک کاری مجلسءِ واجہ خمیس بلوچ،

ملاشاہ دوست رند،

چاکرپیدارکی،

محمد بالیچائی،

نصیرنزرآبادی

،یوسف لھڈی،

عاوض کوری،عبدالرزاق،

عبدالرسول ھاشم،

اصغرچاھسری،

سلیم گوگدانی ء محی الدین ملیباری

ءَ کت۔ پدا سعید بلوچءَ گوں سنگتاں امارات ءِ قومی ترانہ گشت۔

 دیوانءِ اولی بھر ءَ واجہ جمہ خانءَ وتی گشتانک ءَ امارات ءِ سرکماشاں ءُ امارات ءِ قومءَ اے قومی روچءِ درگت ءَ مبارکی دات ۔دومی گشتانک واجہ ولید بلوچ ءَ دات کہ آئ ءَ امارات حاکم ءُ امارات ءَ قومءَ مبارکی ءُ بلوچانی واستہ اماراتیانی مھر ءُ دوستی بیان کتنت،گڈسرا فرانسءِ طالب علم واجہ ويکٹور ء َبلوچی سازءُ زیمل ءُ دودءُربیدگ ساڑاتنت۔

 دیوان ءِ دومی بھر ءَ واجہ منظور بلوچ ءَ گوں سنگتاں بلوچی قومی دوچاپی ءِ ندارگ

کنائینت ءُ چہ دیوان ءَ داد گپت۔

دیوان ءِ سیمی بھر ءَ بلوچی کلاسیکل میوزک پیش کنئگ بوت،واجہ عظیم بلوچ ءَ گوں وتی وشیں توارءَ و واجہ حاجی صدیقءَ گوں پُر زیمریں سرودءَ و واجہ داد محمد ءَ گوں وتی وش زیمریں تمبورگءَ دیوان شیرکن ءُ تامدار کت۔

دیوان ءِ گڈی بھر کہ بلوچی ءِنوکیں  سازءُ زیمل اَت،اے بھر ءَ اماراتءِ نامداریں گشندہ واجہ بخشی بلوچءَ امارات ءِ سرحالءَ  سوت گشت،پدا واجہ صابر چاھسری،سدیر بلوچ ءُ واجہ نزیر بلوچءَ گوں وتی وش ءُتامداریں تواراں دیوان براہ دار کت۔دیوانءِسازندہ واجہ رفیق بلوچ،عطاءاللہ،محمد جانءُاشرف اِتنت۔دیوان ءِ گڈسرا  شوکت ڈگارانی ءَ آسری ءِ جار جت۔