واجئین برات عبدالقادر بلوچ منتگ مباتے امروزءِ سختایان مگنداتے

تہی میل منا سربوت و منّت واران۔ چا شما پھلی لوٹاں که لاپءِ شوھازءَ زندے دیگہ اڑ و جنجالان من شمے میلءِ پسّوا دیرا شون کنگا یان۔ و ھما وڑا شمئے میل ام منا دیرءَ سر بوت۰
واجہ شما و ما کلین آزادی پسندیں و انسان دوستین بلوچ قومءِ فرزندانی مروچی یک مزن ذمّہ داریءِ سرا است کہ جہل زوراکین وانسان و آزاتیءِ دشمنین قدرتان منی و تہی پھلین گلزمین لگتمال کتگ، و نوکین پندلان بلوچءِ قومی حیثّیت و آئیءِ دود و آئیءِ زبانا و آئیءِ پجّار و آئیءِ زمینءِ چا آئیءَ پلّگءِ انت و بلوچ ورنا پا مرگءِ سوداگر ءُ جنداللہءِ بتھامءِ ناما بلوچستانءِ چار راھانی سرا درنجگ بؤاگ انت۔ بارین چنت دیگہ کجام ورناہ بنت کہ آئیوکین روچاں ایران وتی حالتاکان پا شرور ءُ محارب بہ خداءِ جرما بلوچ ورناھان آیان وتی ماتی گلزمین بلوچستانءَ تھا تمامیت ارضیءِ ناما آیانی سجل شناسنامہ ھان فوت نبشتگ بہ کن انت۔ بازین دیگرے چورگ ، بازین جنینءِ جنوزام ،بازین مکھین ماتانی چمّان کور بہ کن انت۔ اے کّل منی و تہی بلوچ راجءِ چک ،مات، گھوار انت کہ گون زندءِ بزّگیان دیم پا دیم انت۔ گواستگین تاریخ بگر تا مروچی بلوچ لٹ و پل لنگڑ کنگ بوتگ، بلوچ وتی دراجین عمرے پا غلامی گوازینت^گ۔ بارین بلوچ روش پکر
تا کدی گون مجرمین قبضہ گیرین حکومتانءَ ھمدست بہ انت کہ بلوچءِ فتل عام سرا ایرانءِ تمامیت ارضی حفاظت ء بہ کن انت یا کہ بلوچ گلزمینءِ وتی ارضیءِ حفاظتءَ تپاک بہ کن انت پرچا کہ تاریخءِ پٹ ءُ لوٹ و مروچیگین حالانی چارگءَ رند مردم پا اے گپا سر بیت کہ بلوچ راجءَ ھچ دابین نپ و سوت گون ایران ھمراہ داریءَ نہ رستگ نہ دیمتری روچان نصیب بیت۔ لھتے دوست سنگت منی گپان ناتپاکی بہ کن انت بلہ گواش انت چا دیدگان ساہ دوست تر انت۔ بلوچءِ زند ھما وھد شر نہ بیت کہ تا وتی مال مڈی و وتی و سرڈگارحاکم و مستر وت مبیت۔
اے میلءِ نبشتگ کنگءِ مکسد عپدالقادر جان ایش انت کہ ما و شما گون بلوچءِ لوٹءَ ھم گوانک بہ بئین و وتی قلم و توارا بلوچءَ اے سرپدی بہ دئین کہ بلوچستان بلوچانی سرزمین انت و آئی مستر و کستر بلوچ ^بہ انت وبلوچ وتی سرزمین حق حاکمیت^ءَ دست بگریت و ڈنّی زوراکانی خلاف و وتی انسانی حقّانی پچ گرگءَ پاد بیا انت پرچہ کہ اے سرزمین صاح^{ب ب}لوچ انت۔
تئی وتی برات
سمندر آسکانی

Wednesday, April 28, 2010 8:38:32 PM

www.gwank.org