واجه سمندر جان آسکانی سلام و سلامت بیه

پدا دوارگ  من شه شمی مهرناکین محبتان بهره برت و یه بابتا شمی منت وارن.

درستین چیز که شما په بلوچستان دلسیاهی گواشت باز لایکین فرمایشنت.

 منا هم اعتقاد هست که تمامیت ارضی با تمامیت فرضی سک فرقی هست و ما باز دروگین وعده و وعید دیسته.

مروچی‏ان تمام سک و سوری و بند و زندان و مرک و مر که مشمی  و مشمی کومی نصیب بیت همی واستها هست که وتی حک و حقوق سرپد بوتگن و ایش زبرن نشانی هست.

ما هر کجام وتی تجربه و جهان گندیا دارن، و دور و زمانگی زندگی کنن که  مردمان آزاتی کدر هلنت... من وتی حصه وا همارنگ که منی توان اجازه دنت کرته و کنین. منا اعتقاد هست  که مشما بلوچان باید شه دلسیاهی و تباهی اختلاف، که یه دگه کومان وتی هرکت شروعا گرفتار بوتنت دوری بکنن. اگر هم په بلوچی دیما برگ، رنگ رنگین باور و اعتقادن هست وتی اتحاد حفظ بکنن. منا هیچ شکی نیست که بلوچستان بلوچانی سرزمیننت و آیی مستر و واجه بایستین که بلوچ بینت و بلوچ هر جا که بدحال هست وتی مولکیتا بایستین که سرحال ببیت. همی سیاستی سرا من زندگی کرته و کنین ولینا وتی وڈا و وتی کدر و توانا.  وشنام و برز نام بیه. شمی براس عبدالقادر اسماعیل زهی