بلوچستان ءِ انسانی حقـوق ءِ انجمن ءِ
ديوان گوں نروژ ءِ پارلمانی نماينده ياں
٢٢ نوا مبر ءِ روچ بلوچستـان ءِ انسانی
حقـوق ءِ انجمن گوں نروژ ءِپارلمانی نماينـده
ياں مـاں اسلـو ءَ ديوان کـرت
.
اے ديوان ءَ درگت ءَ کـه مان نروژ ءِ پارلمان ءَ برجاه بوت ليبرپارٹی ( حزب
کارگر) ءِ نماينده بهرزرتگ ات ءُ اے باروا گپ ءُ
تران کنگ بوت
:
۱ـ آوارجتگيــں بلوچستــان ءِ تاريخ
رنـد چه ۱۸۳۹ عيسايی
۲ـ بلوچستان ءِ نگيگيـں سياسی، اقتصادی
ءُ اجتماعی جاوراں
۳ـ بلوچانی دستگر ءُ بندی کنگ ءُکشت ءُ کوش ماں ايران ءُ پاکستان ءَ
۴ـ تپاکيـں راجانی هوربند (سازمان ملل متحد )ءِ کمک که
ايران ءُ پاکستانی واکداران رسگ انت بلوچانی هلاپ ءَ کارمرز بنت
.
۵ـ يک ليستـے گـوں ۳۹۶ بلوچ ءِ نام که زالميـں ايرانی واکداراں ماں گوستگيں
سی سال کشتگ ءُ پاهوداتگ انت
.
۶ـ بلوچ بنديگانـی نام که آهاں پاهـوءِ حکم ديگ بوتگ ءُ مـاں ايران ءِ
کورچاتاں ازابانی چيرانت
.
۷ـ نوک ورنا ءُ کسان ساليـں بلوچ که ماں ايرانی کورچاتاں بنديگ انت
.
۸ـ يک ليستـے چه بلوچ بيگواه بوتگينانی نام که پاکستانی کورچاتاں بنديگ انت
.
۹ـ بلوچ نيکراهی رهنما ءُ مذهبی رهدربرانی نام که ايرانی واکداراں کشتگ انت
.
۱۰ـ بلوچ نيکراهی بزاں مذهبی رهدربرانی نام که ماں ايرانی کورچاتاں بند انت
.
۱۱ـ بلوچانی سرزمين ءِدراجيـن ءُ برزيں ديوالے ءِ بندگ سرا تنکه بلوچاں ماں
رودراتکی ءُ رونشتی بهــراں چه يکدگرا جتا بکنـت
.
۱۲ـ بلوچانی راجی سرمايه ءُ بلوچستان ءِ کدرتی مالانی پل ءُ پانچ.
ديوان ءِ گـڈســرا انجمـن ءِ باسـک چه نروژی نماينده هاں منتواری کرت ءُ چه
آهان لوٹت تنکه په انسانی حقوق ءِ پهريزگ ءُ بلوچانی رکينگ ءَ کوشست بکننـت
. آ چه ايرانی ءُ پاکستانی واکـداراں به لوٹنت تنکه بلوچ کشی ءَ بند بکــن
انت ءُ پدر بکننـت که هــزاراں بيگواهيــں بلــوچ ماں کجام بنديجاه ءُ
کورچاتاں بند انـــت
بلوچستــان ءِ انسانــی حقــوق ءِ
انجمــن ـ نروژ
۲۲ نوامبر ۲۰۱۲
