نـوکیـــں دؤرے آيگءَ انـــت

  

نـوکیں دؤرے آيگ انت. بلوچ مهلوک ءِ بــُن پيرکی سرزمين، درستیں بلوچانی بلوچستان ءِ آزاتی ءِ روچاں نـزّيک بيـان انت. بلوچستان ءِ کتـه کار ءُ کلانيــں راجی ـ سياسی ءُ سماجی سروکاں ،   کـوم دوستيـں نيکراهی رهدربراںءُ بلوچ راج ءِ پسّگ ءُ ورناياں گــوں تپــاکی ءُ يکـــويی  تيار بؤگ لوٹيت تنکه آيوکيں وهد ءُ روچاں شـریں پيمے ءَ په رونشتی بلوچستان ءِ مردمـی ءُ دمکراتيکيں سياسی ءُ سلهبندی ءُ مـُـلکداری واکانی هوربند ءُ اداره ياں اڈ کنگ ءُ برجاه به بنت. پميشکا په گـوم ءُ گيـگ اے باروءَ بايد انت پگر ءُ هيال ، هـــوردچاری (هيرت چاری ) ءُ دورچاری به کنین ءُ وتی هيال ءُ ليکه ياں بلوچ مهلوک ءِ آينــده ءُ بلوچستان ءِ باندات ءُ آيوکیں وهد ءِ باروءَ ماں شهــد ءُ شيرکنیں بلوچی زبانءَ به نبيسین ءُ ماں راجی وبسايت ءُ بلوچ دوستیں وبلاگاں شنگ ءُ تالاں بکنیں.

تهران ءِ فاشيستی واکداران ءِ نزور بيگ ءِ درگت ءَ آهانی رستری واک ماں بلوچ گلزمين ءَ هم الّــم ءَ سست بيت انت. گنوکیں زابلی ءُ ڈنّی یں پارس چشیں کارکرد ءُ کارپدے نبوتگ ءُ نيســت که آ وهد ءَ ماں بلوچستان ءَ جان بيار اَنت.

هور گوں ڈنّـی يان ءِ گلينگ ءَ يکـے چه زلوری ءُ بنياتی کاراں بلوچستان ءِ هــَنـدی ءُ دمگــی مردمی شوراهانـی گچينکاری ءُ مردمـی مچی يان ءِ  اڈ کنگ انـت. بزاں ماں جاسک، ميناب، بشکرد، گيابان، رمشــک، کنرک، چهبار، دشتياری باهوکلات، راسک، پيشن، سرباز، آشار ءُ ايرکشان، نسکنت، مگس، چاهان، دهوار، پسکوه، سـِب، سوران، کنت ءُ هيدوچ، بم پشت، هشک، شستـون، واش، نوک آباد، اسکل آباد، ايرندگان،  لـَـد ءُ رگنتک، ڈمــّن، پهره، بنپــور، اسپکه، مسکوتان، گـِه، هيچان، بنت ءُ دهان، لاشار، چانــپ، کسرکنــد، دزآپ، لاديز، نصرت آباد، بـــم ءِ زرباری بهــر ، ميرجــاوه، زابل، دوست محمد، زهک ءُ ملــک ءِ دگه هـَنـــد ءُ دمگـــاں مـردمی شورايانی گچیں کنگ باز زلوری یں کارے انــت.

 

.بلوچستــان ءِ هداروکــی راجــی ديوان ( مجلــس ملــی موقــت  بلوچستــان ) ءِ ٹاهينــوک ءُ مردمــی پشتــدار ( پشتيبــان مردمــی) همــے شورايان بوت کننــت

 بلوچستــان ءِ هداروکــی راجی ديوان ءِ گچيــں بوتگين ءُ زانتکاريــں باسکاں که سجئيں بلوچستان ءِ مهلوک ءَ نمايندگی کننت په بلوچستان ءِ کانود ءُ بن رهبندانی اڈ کنگ ءُ ٹاهينگ ءَ ماں دزآپ يا پهــره ءَ مچ بنــت تانکه ملکداری ءُ دگه سياسی، اجتماعی ءُ اقتصادی مسئله يانی باروا ءَ گپ ءُ تران، ديوان ءُ پيسله  بکننت..
بلوچ سرمچاران ءُ هـَنـدی شـوراياں، کوم دوستیـں کماش ءُ راجــی سروکاں په ملک ءِ ايمـنی ءُ آرام دارگ ءَ تاں بلوچستان ءِ راجی حکومت ءِ اڈ بيگ ءَ اگده دار انت.

بلوچستــان ءِ راجــی دیــوان ماں ملک ءِ بنجاهی شهرءُ مچــی ءُ شورایاں ماں بلوچ گلزميــن ءِ شهـرءُ میتــگ ءُ کلگان بلــوچ ءِ مردمی واک انــت. 

 

سرداری ءُ نوابی ءِ مـرتگیں سیستم مئے تاریخ ءُ راجدپتر ءِ گوستگیں دورءِ پـُر جنجال ءُ بے سيتیں  بهـرے انت.   اگاں چه تهرانءِ بلوچ دژمنیں فاشیست لهتیں ناسرپديـں بلوچ ءِ سرا سرداری ءِ پاگ بستگ ءُ کلاه ایرکتگ ءُ کوشست کرتگ که ملک  ءُ مهلوک ءَ پدا بداریت ءُ مئی دیمروی ءَ به اوشتارینیت بلے بلوچاں دیم ءَ چارگ لوٹیت. اداں اے گپ

هـم گوشگــی انت که همــا تگارلاپين ءُ  وت گڑيــں مـلا که پـه بلوچانی لٹ کٹ ءُ کــوم ءِ ايردست دارگ ءَ گــوں ڈنـّی يـں پارس هم کوپگ بوتگ انت آ هـم وتی چکـــّاس ءَ داتگ انت. چشیــں مردمـان ءِ کارکـرد په بلوچ ءَ ننــگ انت ءُ  آ که مئےکـوم ءُ بلوچستان ءَ  تاوانبار کتگ،  نئے مستــری ءِ لائک انت ءُ نئے کـه نيکراهی رهبندانی مــؤمـــن ءُ دوزواه انــت.

بلوچستــان ءِ آينــده بلــوچ کوم ءِ هاله ئیں واکــداری ءِ دؤر انت، بلوچستــان ءِ راجــی ديوان ءُ راجــی حکومــت ءُ راجی بــُن رهبنــد ءِ دؤرانت.

 

 آ بلوچ ءُ بلوچ اوبادگاں که پهکدليــں، کومـی زانتکار اَنــت ءُ مردم آهانی سياســی يا اجتماعی رهدربری ءَ به لوٹنت، هـَمــــا رهدربری ءُ کماشی ءِ لائک انت. بلوچستان

 .ءِ آينـــده، کومی ءُ مردمـــی شورا ءُ مچی يان ءِ دؤرانت. هما ديمروی پسندیں مچــّی که په بلوچستان ءِ مهلوک ءِ هکـّان ءُ راج ءِ هاترا سيستماتيکیں وڑے ءَ جد ءُ جهد به کننت

 پروشت ءُ پروش بات تهـــران ءِ شيعــی ـ فاشيستــی حکومــت

آزات ءُ آبــاد بات گنجيـــــں بلوچستـــــان

 

محمـد کريـم بلـــوچ

 

اول مارس ۲۰۱۰