ایران ءَ ملای ءِ بادشاهی

اداں هزار سال پیشیگیں

         یک و نیم هزار سال پیشتری جناوراں جـِناوَر : سَهدار

دپان اِش پَچ کـُتـَگ

      چه هاک ءِ ٹـُنـگ و کـَڈ پاد آیگ انت

دَپ اِش وا مَؤت ءِ بو ءَ کـَنت
   ودیم اِش
                چو کاپ ءِ کوه ءِ دِیه انت سَکّ تـَهار:

« مه بات که مِهر ءِ نام ءَ کس به گِیپت

مه بات که زانگ ءَ کسے هدوک به بیت

مه بات که زندمان ءِ رنگ ءَ شادهانی رنگ بگندیت کس »اداں

     هـُدا ءِ نام ءِ واجه انت که نِشتگ انت

                دَپار اِش راج ءِ مردمانی ساه زنماز ءِ آپ اِش

        جَنِکـّوان ءِ جَنِکـّی ءِ گوں هون

                  دَز نماز گِر انت اداں

     هزار سال پیشی بانگو انت

           سَر اِش هـَدیرهاں چه چـِست کـُتـَگ

هدیره ءِ تهاری چو

        جهان ءَ لوٹـَگ انت

مه بات که بامگواه ءِ روشنی

         اشانی کـَڈ ءَ مِستاگے بیت بَراں

ایشاں جهان ءِ آپتاپ ءَ

               نیزگاں جن انت و شیرهک ترین اِش هم

.....زَهم و اِسپراں گوں روچ ءَ سِندَگ انت

اداں « جَمکران » ءِ سیاه چات ءِ تهاری ءَ

         جهان ءِ شانـَگ ءَ په نِشتگ انت

اداں مانش و هدیرهانی مُلک           * هَدیره :گـُورّ

کوکو و شانتل ءِ توار جرمے انت اداں

        شوهازگانی راه جرمے انت

مِهر و زباد ءِ لوٹگ مَستریں مَیار       * مَیار :گـُناه

......ایران ءَ ملای ءِ بادشاهی انت اداں

                                           کریم بلوچ - تـَهـل

                               **************