!بلـوچستــان ءِ پـُلــّـيــں شهيـــدان ءَ هـــزاراں ســلام
 
رستريــں پنجاپــی جــلادان ءُ ايران ءِ هونواريــں پارســی واکــدار بلوچ ورنايانــی بيگواه کنــگ ءُ شزاديــگ ءُ کشــگ ءَ شــپ ءُ روچ گلائيش انــت. يکروچــے مــاں دزآپ ءُ پهــره ءَ مــوت ءِ شوميـــں هال شنــگ انت ءُ مئــی مــاس ءُ گهــار سوگيگ انــت دگه روچـے کيــچ ءُ شــال سيه پوش انــت ءُ مئـی مکئيـــں مات ءُ هاتونيــــن گهـاراں بلوچستان ءِ شهيــداں نازيننـــت.
يک روچـے سـربــاز ءُ چهبــار سوگيــگ انت ءُ مردم گــوں پردرديــں وجــود ءَ اوپـار کشــگ انــت ءُ دگــه روچـے گـوادر ءِ زر چه پليــــں بلــوچ ورنايانــی زندمان ءِ بربـادی ءَ هــژم گپتـــگ، موج جنــان ءُ جـُشــان انت!

دزآپ ءِ دوازده شهيدانــی يات ءُ هـال انگــت ءَ تاجـگ اَت ءُ شهيد فــراز بلــوچ ءِ هــوں انگــت ءَ هـُشــک نبوتــگ اَت کـه  شهيــد کمبـــر چاکــر ءُ شهيــد اليــاس نــزر ءِ شهــادت ءِ هــال چه کيــچ ءَ شنــگ بــوت.

 پنـچ جنـوری سئے شمبے ءِ روچءَ شهيـد کمبــر چاکــرءُ شهيــد اليــاس نــزر ءِ شزاديستگيـــن  ءُ پاکيــں جنازه يــاں مــاں پيــدارک تربــت ءَ ودی بوتنــت.
شهيــد اليــاس بی. اس. او آزاد ءِ باسـک هـورگـوں شهيــد کمـبــرچاکــر بی. اس. او آزاد ءِ بنجاهــی کمیٹــی ءِ زانتکار ءُ سرمچاریــں باســک گــوں وتی سهـــر ءُ زگريــں هونــاں بلوچستــان ءِ سرزميــن ءَ سهر تــر چـه پيـش کـرت.
آ مزاريــں بلـــوچ ورناهــاں ، انسان دژمنيـــں پنجاپی چگلــی ءُ پاکستــان ءِ رستــری جاسوســی اداره يانــی
ديمــا اوشتاتنــت ءُ گڈســرا وتی ســاه ءُ جــان اِش په کــوم ءُ ملــک ءَ کربــان کــرت.

آ دوئـيــں شهيدانــی شزاديستگيــں لاش پيــش دارنــت که پاکستــان ءِ پنجاپــی جــلاد ءُ هونواريــن جاســوس تاں کجــام حــد ءَ چــه بنــی آدمــی کارکـــرد ءُ انسانيــت ءَ د ور ءُ بربريــت ءُ رستــری کارکــرد اِش چــه بــے کساســی ( بے حـدی) ءَ هم گوازينتــــگ .
مئی دژمــن پــه بلوچستــان ءِ وتيگــی کنــگ بلــوچ ورناهــاں مــاں وتــــن ءِ رودراتکــــی ءُ رونشتــــی بهــراں دزگــر کننــت، شزا دينــت، آهــاں بيد هچ ميــارے پاهـو دينــت ياکــه تيرانــی آمــاچ اِش کننــت ءُ کشنــت اِش. پنجاپــی ءُ پــارس هم سوگنداَنــت تنــکه په بلــوچ راج ءِ کشـــت ءُ کـُوش ءُ گـــاری ءَ  همشــور ءُ همکوپگ به بنــت.

اگــاں چه بلوچستـــان ءِ پسگـاں په ملـــک ءُ کــوم ءِ آزاتـــی ءَ وتـی ساه ءُ جانانـی کربان کنـــگ ءَ سريں بستگ ءُ اوشتاتگ انـــت بلئے بلوچستان ءِ راجـی هوربنـــد هاسکـــار بلـــوچ واننـــده گـــل وتی هـژاری ءَ گيشتـــر بکننـــت ءُ په وتـــی جهدکاريـــں باسکانـــی ســـاه ءُ جـــان ءِ رکينـــگ ءَ نوکيـــن ءُ دلجميـــں تاکتيـــک ءُ در ءُ چاره شوهـــاز ءُ کارمرز بکننت.
 همـــا راجـــی هوربنـــد کـــه پـــه بلوچستان ءِ آزاتـــی ءَ سياســـی چســـت اير کنگاينـــت دلگـــوش گـــور کنگی انـــت که هـونواریں پارس ءُ شومپاليـــں آی. اس. آی. ءِ انسان دژمـــن ءُ رستريـــں ايجنـــٹ په بلوچستـــان ءِ ايـــردســـت دارگ ءَ په بلـــوچ گلزميـــن ءِ پل ءُ پانـــچ ءَ بلـــوچ ءِ زانتکاريـــں اوباگـــاں يک يک درچنـــنت ، شـــزا ءُ ازابانـــی چيرا شهيـــد کننـــت.

  

شهيـــد سـرمچــار بالاچ مــری ، شهيـد اکبـــر بگٹــی ، شهيــد سرمچار عبدالمالک بلوچ ،  شهيـــد حبيـــب جالـــب ءُ بلوچستـــان ءِ شهيـــد غـــلام محمـــد ءِ وڑيـــــں برزيـــــں ســراں گڈ اَنــــت تنکــــه بلـــوچ راج چه لائکيـــن ءُ کته کاريں ( تجربه دار) ءُ زانتکاريــــں ســروک زبهـــر به بنـــت.

 

وبسايــت ســگار ( بی۰ اس.او آزاد ءِ وب تاک)  ءِ ردا گيــش چـه شســت ( ۶۰ ) بلــوچ مــاں گوستگيــں

شــش ماهــاں پاکستانــی پئــوج ءُ چاروگــی اداره يــان ءُ پنجاپی يانــی رستــری ءُ بربريــت ءِ آمــاچ بوتگنــت. سدانـی ســـد بلوچ گــار ءُ بيگواه اَنــت .  پنجاپــی ءُ پارس ءِ  کورچاتــاں چـه بلــوچ بنديگــاں پـُر اَنت. هــزاراں هــزار بلــوچ ءِ زندجــاوراں مــاں وتــن ءِ رودراتکــی ءُ رونشتــی بهــراں گـوں پنجاپــی ءُ پارس ءِ مانگيشتگيــں اڑ ءُ جنجالاں ديــم په ديــم انــت.

اے وڑيـــں وهـــد ءُ جاورانــی لوٹ اِنـت کـه درستيــں آزاتـی پسنديــں سياســی جهدکــاراں گــوں ســد در ســد هــژاری ءُ شيــواری وتــی هوربندانــی ته ءَ نوکيــن ءُ چيروکايــی چست ءُ ائيــر ءِ تاکتيکــاں شوهــاز ءُ کارمــرز بکننــت تنکـه رستــريـں دژمــن ءِ پنــدل ءُ شوميـں مکســداں  پـه بلوچ راج ءِ پسگـــانی دستگــر کنــگ، ماں بنديجاهان ءُ کورچاتاں دؤر ديگ ءُ کشــگ ءَ پـــوره مه بــنت.  

 

 

 شهيــد کمبـــر چاکــر ءُ شهيــد اليــاس نــزرءُ بلــوچستــــان ءِ تمــاميـــں شهيــــدان ءَ سهـــريں ســلام

 

پروشــت ءُ پــروش باتنــت ايران ءُ پاکستان

آزات ءُ آباد بــات گنجيـــں بلوچستــــان