مارشـت ءِ آتـک تـوار و دَپـتـر چو داتگ جار 

                      وَشّـی ءِ کـیـت روچـے ،مهـرانی بیت بهار

     کوهانی بُرز تِریں ٹـُلّ،دِرنگپاس ءِ پاد ءِ چیر

                      آزمان و کلکشان هم ، پـَـؤرپاس کُتگ دوار

      سیاهی ءَ جمبراں گر ، مُشتگ په ایر دَیگ

                     بیمءَ دل ءَ چه چَنڈیں، اهتگ چو نیک گوار

      ڈکّیءَ چَنگ سُرین و چَمّانی مَیم انت کور

                     پادا که سازگری انت ،هامین چو آتک ودار

      جـوپـاک و گَـلّـه رون انت ، زانتانی بَر دَیگ

                     تِـیـنـی که جاور انت رَوت ، الّـم دل ءَ بـدار

      شاپتگ چو واهگ ءِ پَٹ،زیبانی بیت کِشار

                    کَچکول ءَ شے مرید ءَ ، بَکشات شهسوار

       پُـلاّنی بـیـت زمـانـگ ، وَش رنـگـیـانی دَؤر

                   «تَهل»بیت و ڈکّی الّم،شهدانی وهدءَ گار


                              کریم بلوچ_ تـَهـل
                                 14/07/10