بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

 پشمبے 2007/12/13

برٹش ھکومت میان اوستانی راھنداں برجاہ بدار ایت: انجمن اتحاد مری

یلان مری

انجمن اتحاد مری ءَ  یک بیان ئے شنگ کتگ ءُ گشتگ کہ زلم ءُ زوراکی آماچیں بلوچ راج ءِ جھدکارانی سرا دھشت گردی ئے بہتام  پہ  برٹش ھکومت براہ دار نہ بیت۔ بیان ءِ تہا گشگ بوتگ کہ بلوچ چہ پاکستان  ءَ ھزار سال ساری  یک ملکے ءِ واھند انت ءُ بلوچستان ءِ راج دپتر ءَ وت برٹش ھکومت ھم شری زانت۔ بلوچستان ءِ سرڈگار ءَ پاکستان ءَ پہ زوراکی  آوار جتگ ءُ اے سر ڈگار ءِ مال ءُ مڈیاں چھ بلوچ راج  جتا ءُ دور داشتگ۔ بیان ءِ تہا گشتگ کہ  میر ھیر بیار مری بلوچ راج ءِ مزن شانیں راہ دربر ءُ جہد کارئے۔ میر ھیر مری ءُ آئی ءِ سنگت فیض بلوچ ءِ سرا دھشت گردی بھتام ءَ  باز پدردیگیں گپ ئے پر چہ بلوچ راج وت پاکستان ءِ زوراکیں فوج ءِ دہشت گردی ءُ لگتمالی ءِ آماچ انت۔ برٹش ھکومت ءِ اے بہتام ءَ چھ بلوچانی دلاں برٹش ھکومت ءُ آئی ئے کارپداں چھ نفرت ءُ کینگ ودی بنت۔ انجمن اتحاد مری ءَ وتی بیان ءٍ تہا گشتگ کہ برٹش ھکومت وت ءَ را لاچار ءُ بزگیں راجانی غموار زاھر کنت بلے بلوچ راج وڑیں لاچار ءُ زلم آماچیں راجے ءِ جھد کارانی دستگیر کنگ ءُ آھانی سرا دھشت گردی بہتام ءِ جنگ ھمے  زاھر کنت کہ برٹش ھکومت  ءِ وتی راھ بند یلہ داتگ انت۔ انجمن اتحاد مری ءَ لوٹ کتگ کہ برٹش سرکار میان اوستانی راہ بنداں برجاہ بدار ایت ءُ میر ھیر بیار مری ءُ فیض بلوچ زوت آزات بکنت۔