بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  یک  شمبے 2007/12/23

بلوچستان الیکشن بائیکاٹ ءِ جست ءُ ایر بنگیج

یلان مری

بلوچستان ءَ بلوچ ءُ پشتون قوم پرستاں احتجاجاں گوں پاکستانی الیکشنانی بائیکاٹ چست ءُ ایر بنگیج کتگ انت۔ اے رد ءَ بلوچستان ءِ پستون آبادی ءِ ھنداں چھ محمود خان اچکزئی ءِ راہ دربری ءَ احتجاجی تحریک بنا بوتگ۔ اے تحریک ءَ گوں بلوچ ءُ پشتون قوم پرستاں چھ ابید جماعت اسلامی ءُ تحریک انصاف ھم گون انت گوں۔ محمود خان اچکزئی ءَ پیسرا گشتگ کہ پاکستان ءَ جمھوریت ءُ قانون ءِ برجاھی ءَ بغیر آ کدی ھم پاکستان ءَ الیکشناں بہر نہ زوریت۔ اے تحریک ءَ گوں بلوچستان نیشنل پارٹی ءُ نیشنل پارٹی ھم ھوار انت گوں۔ ھر دویں پارٹیاں اے جار ھم جتگ کہ اگاں اے پارٹیاں باسکے اے فیصلہ ءِ ہلاف ورزی ءَ بکنت آئی ءِ باسکی چہ پارٹی ءَ  ھلاس کنگ بیت۔ جے ڈبلیو پی، بی این، بی ایس او ءُ سلاہ بندیں جھدءَ گوں گلائیشیں گلاں بزاں بلوچستان لبریشن آرمی، بلوچ ریپبلکن آرمی ءُ بلوچستان لبریشن فرنٹ ءَ ساری گوں بلوچ مھلوک ءَ گوں دز بندی کتگ کہ آ وت ءَ چہ اے الیکشناں دور بدار انت۔