بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  چار شمبے 2007/12/26

بینگانی پاسبانی گوں بینگاں ؟؟؟

میار ریکانی

ڈیرہ بگٹی ءَ بلوچ سرمچارانی گشادیں ارشاں چھ پاکستانی فوج ءَ بلوچ سرمچارانی شوھاز ءُ درگیجگ ھاترا تربیت یافتہ بینگ/کچکانی کمک ھم زرتگ ۔ فوج گوں اے بینگاں ڈیرہ بگٹی ءَ بازیں دمگاں بلوچ سرمچارانی شوھاز ءَ درکپتگ۔

پاکستانی فوج ءَ بینگ چد ءُ ساری ھم کارمرزتگ بلے اولی برءَ ڈیرہ بگٹی ءِ کوھاں ھم بینگانی کمک ءَ نوکیں ارش بنا کنگ بوتگ انت۔

بلے ڈیرہ بگٹی ءَ چھ ھال انت کہ پاکستانی فوج ءَ بلوچ مچارانی دیم پہ دیمے ءَ وتی اے تجربہ ھم پھک ءَ تاوان بوتگ وھد ے سرمچارانی شوھاز ءَ آؤکیں فوجیانی ھر دویں بینگ سرمچارانی تیرانی آماچ بوتگ ءُ  مرتگ انت۔

 پاکستانی فوج کہ اے وھد ھر وڑیں نوکیں سلاہ ءُ سامانانی کمک ءَ بلوچستان  ءَ پھک ءَ ڈال چار انت۔ اے وھد ءَ آئی ءِ اصلی ءُ نکلی بینگ ھر دویں ٹَک بلوچ سرمچارانی ارشانی آماچ انت۔

چد ءُ ساری پاکستانی فوج ءَ اربانی کلدار ھرچ کتگ بلوچستان ءِ بازیں دمگاں مردم پہ بہا زرتگ ءُ وتی مخبر جوڑ کتگ ءُ اشاں چھ بینگی/کچکی کار گپتگ۔ وھدے سرمچاراں اے مردم رنگیں کچکان ءَ درچتگ ءُ بمب ءُ تیرانی نشانگ کنگ بنا کتگ گڈا  مردم رنگیں/انسان نما بینگانی کمک ھم فوج ءَ تاوان بوتگ۔ نوں اصلی بینگ چہ لکھانی کلدارءَ بھا زرتگ ءُ بلوچستان ءَ آؤرتگ بلے اے تجربہ ھم ناکام بوتگ۔

چوناہ ءَ ھم گپ اگاں پاکستانی فوج ءِ ببیت مردم ءَ بینگ/کچک ءِ ھیال کیت۔پاکستانی فوج ءُ بینگ ءِ سیادی چد ءُ ساری ھم بوتگ دیمترا ھم بیت۔ بلے بینگانی پاسبانی گوں بینگاں کنگ  چشیں تجربہ من چد ءُ ساری نہ دیستگ۔