بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

  پشمبے 2007/12/13

سھ پاکستانی فوجی بی آر اے ءَ کشتگ' سرباز بلوچ

دویں پولیس نپر بی ایل اے ءَ جتگ انت' بیبگر بلوچ

سمندر آسکانی/یلان مری

بلوچ ریپلکن آرمی ءِ جار چین سرباز بلوچ ءَ ریڈیو گوانک ءَ فون کتگ ءُ  گشتگ کہ بی آر اے ءِ سرمچاراں مرچی سھب ءَ  ڈیرہ بگٹی ءَ  پیر کوہ دمگ ءَ  گوں ریموٹ کنٹرول بمب ءَ پاکستانی فوج ءِ یک گاڑی نشانگ کتگ ءُ  سھ فوجی کشتگ ءُ ھفت ٹپیگ کتگ۔ سرباز بلوچ ءَ گشتگ کہ بلوچ سرمچارانی اے ارش تاں ھما روچ برجاہ بنت داں پاکستان قبضہ گیریں فوج بلوچستان ءَ چھ در نئیت۔

بلوچستان لبریشن آرمی ءِ جارچین بیبگر بلوچ ءَ کوئٹہ پریس کلب ءَ فون کتگ ءُ دوشی کوئٹہ ءَ  ارباب غلام نبی روڑ ءَ چہ نامعلومیں مردمانی فائرنگ ءَ مروکیں ھردویں پولیس نپرانی ذمہ واری قبول کتگ۔ بیبگر بلوچ ءَ گشتگ کہ بلوچ سرمچار پاکستانی ھکومت ءِ سلاہ بندیں لشکرانی سرا وتی ارشاں بلوچستان ءِ آزاتی ءَ تک برجاہ دار انت۔

دومی نیمگ ءَ چہ حب ءُ خضدار ءَ چہ ھم ہال انت کہ اود ءَ دو دستی بمبانی ارشاں چھ پولیس ءِ یک ڈی ایس پی ئے مرتگ ءُ سھ نپر ٹپیگ بوتگ۔ حب ءَ ڈی ایس پی عبدالرب وتی بیھٹک ءَ گوں لہتے مردماں نندوک بوتگ کہ نامعلومیں مردماں دستی بمباں گوں ارش کتگ۔ ڈی ایس پی ھمودا مرتگ ءُ سھ نپر ٹپیگ بوتگ۔اے ارش ءِ ذمہ واری کس ءَ قبول نہ کتگ۔ خضدار ءَ پاکستانی الیکشن ءِ ٹریننگ دایوکیں یونیسیف ءِ ٹرینگ جاہ ءَ نامعلومیں مردماں دستی بمب ءِ جتگ بلےارش ءَ   چھ ھچ وڑیں تاوان رپورٹ نہ بوتگ۔ اے ارش ءِ ذمہ واری ھم کس ءَ قیول نہ کتگ۔