بلوچ گلزمین ءِ جارچین

وش آتکے

|

 Download Balochi Font and view Balochi text uniquely

|

آدینگ 07/12/2007

 ڈیرہ بگٹی'  فوجی ھیلی کواپٹرانی گوں پاکستانی فوج ءِ ارش۔

میران بگٹی

ڈیرہ بگٹی ءَ سنگ سیلا ءِ دمگ ءَ پاکستانی آرمی ءِ  سرا بلوچ سرمچارانی ارش ءَ رند پنجابی قبضہ گیریں فوج گوں گن شپ ھیلی کواپٹرانی کمک ءَ پٹ فیڈر ءِ دمگءَ  بازیں میتگانی سرءَ  تیر گواری کتگ ءُ یک بلوچ ئے شھید ءُ  دو درزن ءَ گیش بے گناھیں بلوچ دستگیر کتگ انت ءُ نامعلومیں جاھاں برتگ انت۔  پاکستانی سرکار ءَ اے بابت ءَ گشتگ کہ آئی پٹ فیڈر ءَ بلوچ سرمچارانی سرا ارش کتگ ءُ یک سرمچارے  شھید ءُ  چار دستگیر کتگ ۔

 دومی نیمگ ءَ  بلوچ سرمچاراں گوں گشادی ءَ پنجابی فوج ءِ سرا گوڑی دمگ ءَ یک دگہ ارش ئے کتگ۔ اے ارش ءَ  گوں اش کنگ ءَ پاکستانی فوج ءَ باز تاوان وارتگ بلے اے بابت ءَ انگت  ءَ پاکستانی میڈیا ءُ سرکار پھک ءَ بے توار انت۔  بلوچ ریپلکن آرمی ءِ جارچین سرباز بلوچ ءَ کوئٹہ پریس کلب فون کتگ ءُ گشتگ کہ پٹ فیڈر ءَ سرمچاراں ھچ تاوان نہ بوتگ ءُ نہ سرمچارے دستگیر کنگ بوتگ۔ سرباز بلوچ ءَ  سنگ سیلا ءُ گوڑی ارشانی ذمہ واری قبول کتگ ءُ گشتگ کہ سنگ سیلا چار پاکستانی فوجی کشگ بوتگ ءُ بازین ئے ٹپیگ بوتگ ءُ گوڑی مرچیگیں ارش ءَ گوں ھم سرباز بلوچ ءَ پاکستانی فوج ءَ را باز جانی تاوان دیگ ئے دعوی کتگ۔